«تاۋەلسىز قازاقستان» پويىزى

ارىندى اقسۋدان اسىپ, ايدىندى الاكولگە جەتتى اقسۋ جۇرتى اسىعا كۇتكەن «تاۋەلسىز قازاقستان» پويىزى ماتاي تەمىر جول بەكەتىنە 9 جەلتوقسان كۇنى جەتكەن ەدى. اياداي اۋىلداعى تىرشىلىكتىڭ ءبىر كوزى, ءنارى بولىپ سانالاتىن شويىن جولعا ەلدىڭ ءۇمىت ارتاتىن ءجونى بار. سەبەبى, ەلباسىنىڭ ۇيعارىمىمەن ۇيىمداستىرىلىپ وتىرعان رەسپۋبليكالىق اكتسيا بالالار ءۇشىن مەرەكەگە اينالىپ, ال قارت ادامدار سىرقاتىن ەمدەتىپ, كوڭىلدەرىن سەرگىتىپ, ەل بولاشاعىنا دەگەن سەنىمدەرىن بەكىتە ءتۇستى. 1 مىڭعا جۋىق جۇرت جينالعان پەرروندا سالتاناتتى جيىن ۇيىم­داستىرىلدى. بەكەت باسىنداعى «تاۋەلسىز قازاقستان» پويىزى رەسپۋب­لي­ك­الىق اكتسياسىنىڭ دەلە­گاتتارىن قارسى الۋشىلار اتىنان اقسۋ اۋدانى اكىمى­نىڭ ورىنباسارى ءسابيت قورعان­باەۆ قۇتتىقتاپ, الەۋمەتتىك-ەكونومي­كا­­­­ل­ىق جەتىستىكتەردى تىلگە تيەك ەتە ۇلتارا­لىق تاتۋلىق, قوعامداعى تۇسىنىستىك باستى قۇندىلىقتارىمىزدىڭ ءبىرى بولىپ تابىلاتىنىن باسا ايتتى. ماتاي اۋىلىنىڭ تۇرعىنى, زەينەتكەر, اقسۋ اۋدانىنىڭ قۇرمەتتى ازاماتى ايمۇحان بەيسەنبەكوۆ بۇل اكتسيانىڭ قوعامنىڭ قوزعاۋشى كۇشىنىڭ ءبىرى بولىپ تابىلاتىن ءتۇرلى ەتنوس وكىلدەرىن ىزگى ماقساتتار جولىندا بىرىكتىرۋشى فاكتور رەتىندەگى ماڭىزىنا توقتالسا, رەسپۋبليكالىق اكتسيا جەتەكشىسى ءامىرجان الپەيىسوۆ: – ءوتىنىش تىلەكتەر ەسكەرۋسىز قال­مايدى. «تاۋەلسىز قازاقستان» پويىزى رەسپۋبليكالىق اكتسياسى اياسىندا تۇر­عىنداردىڭ ءوتىنىش-تىلەكتەرى مۇقيات تىڭدالىپ, ماسەلەلەردى شەشۋ جولدارى جان-جاقتى قاراستىرىلادى, – دەدى. ماتاي تەمىر جول بەكەتىندەگى ءبىر ەرەك­شەلىك – تۇركىستان – ءسىبىر تەمىر جولىنىڭ اشىلۋىنا 80 جىل تولۋى­نا بايلانىستى وسىندا ورناتىلعان ەسكەرتكىشكە گۇل شوقتارى قويىلدى. ءوز كەزەگىندە الماتى وبلىستىق قازاقستان حالقى اسسامبلەياسىنىڭ حاتشىلىق مەڭگەرۋشىسى عابيت تۇرسىنباي, وب­لىستىق قوعامدىق كەلىسىم كەڭەسىنىڭ توراعا­سى ورالبەك جاقيانوۆ باستاعان توپ ار­نايى ۇيىمداستىرىلعان كىتاپ كورمە­سىن تاماشالاپ, تۇرعىنداردى الەۋمەت­تىك ماسەلەلەر بويىنشا قابىلدا­دى. ماتاي اۋىلدىق ەمحاناسىندا 335 ادام, ولاردىڭ اراسىندا 38 بالا بار, دارىگەرلىك كەڭەس الدى. «تاۋەلسىز قازاقستان» پويىزى» رەسپۋبليكالىق اكتسياسىنىڭ قۇرا­مىنداعى مامانداردىڭ ءبىر توبى ماتاي ورتا مەكتەبىنىڭ جۇمىسى­مەن تانىستى. قوعامدىق كەلىسىم كەڭەسىنىڭ قابىلداۋىمەن قاتار, ماماندار قۇقىقتىق كومەك كورسەتۋ جانە الەۋمەتتىك ماسەلەلەرلەر – ەڭبەك جانە كوشى-قون سالاسى بويىنشا كونسۋلتاتيۆتىك كەڭەستەر بەردى. زەينەتاقى جۇيەسىندەگى وزگەرىستەر تۋرالى, مۇگە­دەكتەرگە, كوپ بالالى, جالعىز باستى انا­لارعا تولەنەتىن ءجار­دەماقى, زەينەتاقى, كاسىپكەرلىك جانە اۋىل شارۋاشىلىعى ماسەلەلەرى بويىنشا دا كوكەيلەرىندەگى ساۋال­دارىنا حالىق تۇشىمدى جاۋاپ الىپ, بىرقاتار ماسەلەلەرىن شەشتى. * * * «تاۋەلسىز قازاقستان» پويى­زى 10 جەل­­­توق­ساندا الاكولگە دە ەنتىكپەي جەت­­­تى. ءبىر اتاپ وتەر جايت – وسى­ناۋ رەس­­پۋب­­­لي­­كا­لىق اكتسيا قۇرامىن­داعى كاسى­­بي ما­مان­دار جاڭا بەكەتكە جەت­كەن­­دە سەر­­پى­لىپ, تىڭ كۇشپەن حالىق­قا ەتە­نە ارا­لاسىپ كەتەتىندىگى بولدى. سونىمەن, دوستىق بەكەتىندە دە ەل كوڭىلىنەن شىققان كەزدەسۋلەر ۇيىم­­داستىرىلىپ, قالىڭ كوپشىلىك ءدارى­گەرلەرگە قارالدى. كەلەسى ءبىر توپقا ءتۇر­لى باعىتتاردا كەڭەستەر بەرىلدى. قارا­پايىم حالىققا كەرەگى دە قانداي دا ءبىر ماسەلەسىنىڭ ءتۇيىنىن شەشىپ, سىر­قاتىنا شيپا تاۋىپ, جاقسى ءسوز ەستىپ, دۇرىس اقىل-كەڭەس الۋ عوي. بۇل رەتتە, رەسپۋبليكالىق اكتسيا قۇرامىنداعى ماماندار كاسىبي شەبەرلىكتەرىن كورسەتە ءبىلدى. – بۇگىنگى «تاۋەلسىز قازاقستان» پو­يىزى رەسپۋبليكالىق اكتسياسى قۇرا­مىنداعى ماماندار اۋدانىمىزدا دەنساۋلىق ساقتاۋ سالاسى, ءۇش تۇعىرلى ءتىل, بالا اسىراپ الۋ, 12 جىلدىق ءبىلىم, ۇلتتىق بىرىڭعاي تەستىلەۋدەگى وزگەرىستەر, اۋىل شارۋاشىلىعى, ءوز كاسىبىن اشۋ, كاسىپكەرلىككە نەسيە الۋ جولدارى­مەن قاتار, الەۋمەتتىك ماسەلەلەر – زەينەتكە شىعۋ, كوپ بالالى جانە تولىق ەمەس وتباسىلارىنا جاردەماقى الۋ, قۇقىق قورعاۋ ماسەلەلەرى مەن مەملەكەتتىك قىزمەت كورسەتۋ بويىنشا جالپى 2157 ادامدى قابىلدادى. اتقارىلعان جۇ­مىس ناتيجەسى كۇتكەندەگىدەن دە اسىپ ءتۇستى, – دەدى الاكول اۋدانى اكىمىنىڭ ورىن­باسارى الماس ابدينوۆ باستاعان ەل پويىزدى شىعارىپ سالىپ تۇرىپ.  نۇربول الدىباەۆ, «ەگەمەن قازاقستان» الماتى وبلىسى