اۋىز سۋ ماسەلەسىن شەشۋ ءۇشىن 5,7 ملرد تەڭگە ءبولىندى

باتىس قازاقستان وبلىسىندا الداعى جىلى ەلۋگە جۋىق ەلدى مەكەندى اۋىز سۋمەن قامتۋ ءۇشىن 5,7 ملرد تەڭگە ءبولىندى. بۇل تۋرالى بۇگىن 2017-2019 جىلدارعا ارنالعان ءوڭىر بيۋدجەتى تالقىلانعان وبلىستىق ءماسليحاتتىڭ كەزەكتى سەسسياسىندا وبلىس اكىمى التاي كولگىنوۆ ءمالىم ەتتى, دەپ حابارلايدى قازاقپارات. ءوڭىر باسشىسىنىڭ ايتۋىنشا, ەلباسى تاپسىرماسىنا سايكەس حالىقتىڭ وزەكتى ماسەلەلەرىن شەشۋ ماقساتىندا جىل بويى تۇرعىندارمەن كەزدەسۋلەر وتكىزىلىپ, ولاردىڭ ۇسىنىس-پىكىرلەرى تىڭدالدى. سونىڭ ىشىندە ەڭ كوكەيكەستى ماسەلەنىڭ ءبىرى وسى اۋىز سۋ بولدى. ناقتى ايتقاندا, وبلىس اۋىلدارىنىڭ 30 پايىزى عانا اۋىز سۋمەن قامتىلعان. وسى ماسەلە ۇكىمەت تاراپىنان قولداۋ تاۋىپ, الداعى جىلعا قوماقتى قارجى قارالدى. سونىمەن قاتار, 2017 جىلى اقجايىق, بوكەي ورداسى, جانىبەك جانە سىرىم اۋداندارىندا 29 اۋىلعا گاز قۇبىرى تارتىلماقشى. بۇل ماقساتقا 1,6 ملرد تەڭگە بەرىلدى. وعان قوسا, ورال قالاسىندا ورتالىقتاندىرىلعان جىلىتۋ جۇيەسىنە رەزەرۆتىك گاز قۇبىرىن تارتۋ ءۇشىن 2 ملرد. تەڭگە قاراستىرىلدى. جالپى, قاي سالا دا نازاردان تىس قالمايدى. مىسالى, ورال قالاسى مەن باسقا جەرلەردە حالىق سانىنىڭ, اسىرەسە, بالالاردىڭ كوبەيۋىن ەسكەرە وتىرىپ, وڭىردە ءتورت مەكتەپ سالۋ ءۇشىن 4,3 ملرد. تەڭگە ءبولىندى. ال سوڭعى جىلدارى قارقىن العان جول قۇرىلىسى الداعى جىلى دا جۇرگىزىلەدى. ورال قالاسى مەن اۋىلىشىلىك جولدار ءوز الدىنا, وبلىستىق جانە اۋداندىق ماڭىزى بار جەرگىلىكتى جولداردى جوندەۋ ءۇشىن 7,6 ملرد تەڭگە جۇمسالادى. «نۇرلى جول» باعدارلاماسىنا سايكەس ۇلتتىق قور قارجىسى ەسەبىنەن ورال-تاسقالا-رف شەكاراسى كۇرە جولىن قايتا سالۋ جالعاسادى. بيىل 215 الەۋمەتتىك نىسانعا كۇردەلى جوندەۋ جۇرگىزىلسە, 2017 جىلى تەرەكتى اۋدانىنداعى اۋرۋحانا وسىنداي جوندەۋدەن وتەدى. دەنساۋلىق ساقتاۋ مەكەمەلەرىنە 1,2 ملرد تەڭگەگە جاڭا قۇرال-جابدىق الىنباقشى. تەرەكتى اۋدانى پودستەپنىي اۋىلىندا مادەنيەت ءۇيىن سالۋ ءۇشىن 163 ملن تەڭگە ءبولىندى. وزگە دە جۇمىستار كەزەگىمەن اتقارىلا بەرمەك. سەسسيادا بقو ەكونوميكا جانە بيۋدجەتتىك جوسپارلاۋ باسقارماسىنىڭ باسشىسى قايسار ماڭقاراەۆتىڭ ءمالىم ەتكەنىندەي, 2017 جىلعا ارنالعان وبلىستىق بيۋدجەت تۇسىمدەر مەن شىعىستار بويىنشا 111,1 ملرد تەڭگە كولەمىندە بەلگىلەندى. 2017 جىلعا ارنالعان بيۋدجەت تۇسىمدەرى 29,4 ملرد تەڭگە كولەمىندەگى وزىندىك كىرىستەردەن, 47,5 ملرد تەڭگە جالپى سيپاتتاعى ترانسفەرتتەر (سۋبۆەنتسيالار) جانە 33,4 ملرد تەڭگە ماقساتتى ترانسفەرتتەر مەن نەسيەلەر نەگىزىندە قالىپتاستى. حالىقتى الەۋمەتتىك قولداۋ, دەنساۋلىق ساقتاۋ مەن ءبىلىم بەرۋ, ءومىر ءسۇرۋ دەڭگەيىن جاقسارتۋ سىندى نەگىزگى باعىتتاردان بولەك تۇرعىن ءۇي-كوممۋنالدىق شارۋاشىلىقتى دامىتۋعا 2,4 ملرد تەڭگە, كولىك ينفراقۇرىلىمىن دامىتۋعا 3,6 ملرد تەڭگە, كاسىپكەرلىكتى قولداۋعا 1,4 ملرد تەڭگە بەرىلدى. وعان قوسا رەسپۋبليكالىق بيۋدجەتتىڭ ماقساتتى ترانسفەرتتەرى مەن نەسيەلەرى ەسەبىنەن اۋىلدىق ەلدى مەكەندەردە 29 سۋمەن قامتۋ نىسانىن سالۋ مەن قايتا قۇرۋعا 5,3 ملرد تەڭگە, گاز تاسىمالداۋ ينفراقۇرىلىمىن دامىتۋعا 3,3 ملرد تەڭگە, ورال قالاسىندا باستالعان ەكى مەكتەپتىڭ قۇرىلىسىن جالعاستىرۋ مەن تاعى قوس مەكتەپكە 4,3 ملرد تەڭگە, اۆتوكولىك جولدارىن قايتا قۇرۋ مەن ورتاشا جوندەۋگە 4 ملرد تەڭگە قارالدى.