فوتو: Prodip Guha/Getty Images
قازاقستاندا حالىقارالىق جۇلدىزداردىڭ كونتسەرتى جيىلەپ كەلەدى. 2025 جىلى ەلدە بىرنەشە ءىرى مۋزىكالىق شارا ءوتتى. 19 قىركۇيەكتە الماتىدا بەكستريت بويس توبى ونەر كورسەتسە, 21 قىركۇيەكتە ولار استانادا ساحناعا شىقتى. سونىمەن قاتار, 1 تامىزدا استانا ارەنا ستاديونىندا دجەننيفەر لوپەستءىڭ العاشقى كونتسەرتى ءوتتى. 10 تامىزدا ءانشى الماتىدا دا شوۋ باعدارلاماسىن ۇسىندى.
دجەننيفەر لوپەستىڭ كونتسەرتى استاناعا 12 مىڭ شەتەلدىك تۋريست اكەلگەن
پروديۋسەر, «استانا كونتسەرت» وكىلى مالىك حاسەنوۆ قازاقستاندا بەيونسە, ەمينەم جانە شاكيرا كونتسەرتتەرىن وتكىزۋ مۇمكىندىگى بار ەكەنىن ايتتى. ونىڭ پىكىرىنشە, اسىرەسە رەپەر ەمينەمنىڭ شوۋىن ۇيىمداستىرۋ كۇردەلى بولۋى ىقتيمال.
الداعى ۋاقىتتا قازاقستاندا بىرقاتار حالىقارالىق كونتسەرتتەر جوسپارلانعان. مامىر ايىندا ەلگە تيمبالەند, نيكول شەرزينگەر جانە باستا رايمس قاتىساتىن اۋقىمدى مۋزىكالىق شارالار وتەدى.
نيكول شەرزينگەر الەۋمەتتىك جەلىلەرىندە قازاقستان تۋرالى ءجيى ايتادى. ول قازاقتىڭ ۇلتتىق ويۋ-ورنەگى بەينەلەنگەن كيىم كيىپ, وليمپيادادا ونەر كورسەتكەن مانەرلەپ سىرعاناۋشى سوفيا سامودەلكينا ونەرىنە سۇيسىنگەنىن جازعان.
ەنريكە يگلەسياس – يسپاندىق ءانشى ءارى كومپوزيتور. ول حالىقارالىق مۋزىكالىق مانسابىن 1995 جىلى باستاعان. وسى ۋاقىتقا دەيىن 180 ميلليوننان استام البوم ساتتى. ءانشىنىڭ تۋىندىلارى ستريمينگ پلاتفورمالارىندا دا كەڭىنەن تارالعان.
ءانشى الەمنىڭ ءىرى كونتسەرت الاڭدارىندا ونەر كورسەتكەن. ونىڭ قورجىنىندا 154 رەت Billboard حيت-پارادتارىندا ءبىرىنشى ورىن بار. سونىڭ ىشىندە 27 رەت №1 ناتيجە Latin Songs حيت-پارادىندا تىركەلگەن. بۇل – چارت تاريحىنداعى ەڭ جوعارى كورسەتكىشتەردىڭ ءبىرى.
سونداي-اق ءانشى بىرنەشە مارتە مۋزىكالىق ماراپاتتارعا يە بولدى, ونىڭ ىشىندە Grammy سىيلىعى جانە Billboard Awards ماراپاتتارى بار.
