ىشكى تۋريزم قارقىن الدى
ەل ىشىندە ساياحاتتاعان ازاماتتاردىڭ سانى 3,6%-عا ارتقان. بۇل ازاماتتاردىڭ وتاندىق تۋريستىك باعىتتارعا قىزىعۋشىلىعىنىڭ ءوسىپ كەلە جاتقانىن كورسەتەدى. ىشكى تۋريزم وڭىرلەردەگى ەكونوميكالىق بەلسەندىلىكتى ارتتىرىپ, جاڭا جۇمىس ورىندارىنىڭ اشىلۋىنا ىقپال ەتتى.
تالعات عازيزوۆ: قازاقستاندا تۋريزم سالاسى تۇراقتى ءوسىم كورسەتىپ وتىر
تۋريستەر ەڭ كوپ بارعان وڭىرلەر
2026 جىلدىڭ قاڭتار-ناۋرىز ايلارىندا كەلۋشىلەر سانى بويىنشا:
- الماتى – 472,9 مىڭ ادام;
- استانا – 352,2 مىڭ ادام;
- اقمولا وبلىسى – 161,1 مىڭ ادام.
سونىمەن قاتار بارلىق تۋريستەردىڭ شامامەن 40%-ى كۋرورتتىق ايماقتاردى تاڭداعان.
تۋريزم ەكونوميكاعا ەلەۋلى ۇلەس قوستى
2025 جىلدىڭ قورىتىندىسى بويىنشا ءتۋريزمنىڭ قازاقستان ەكونوميكاسىنا قوسقان ۇلەسى 5 ترلن تەڭگەگە جەتىپ, ىشكى جالپى ونىمدەگى ۇلەسى 3,1%-دى قۇرادى. سالادا 600 مىڭنان استام ادام جۇمىس ىستەيدى.
شەتەلدىك تۋريستەردىڭ ەلدەگى شىعىندارى 2,9 ملرد اقش دوللارىن قۇراسا, تۋريزمنەن تۇسكەن سالىق كولەمى 630 ملرد تەڭگەگە جەتكەن.
ينۆەستيتسيالار مەن ينفراقۇرىلىم دامىپ جاتىر
2025 جىلى تۋريزم سالاسىنا تارتىلعان ينۆەستيتسيالار 1,3 ترلن تەڭگەنى قۇرادى. سونداي-اق 96 ينفراقۇرىلىمدىق جوبا ىسكە اسىرىلىپ, مەملەكەتتىك قولداۋ كولەمى شامامەن 7 ملرد تەڭگەگە جەتتى.
ايدا بالاەۆا: Almaty Superski تاۋداعى ءتۋريزمدى دامىتۋدىڭ ۇلگىسىنە اينالۋعا ءتيىس
2026 جىلى قابىلدانعان زاڭنامالىق وزگەرىستەر اياسىندا:
- تۋريستىك اۆتوبۋستار ءۇشىن «جاسىل ءدالىز» ەنگىزىلەدى;
- ۆيزيت-ورتالىقتاردىڭ قىزمەتى زاڭمەن رەتتەلەدى;
- گيدتەر مەن ەكسكۋرسيا جەتەكشىلەرىنە بىرىڭعاي تالاپتار بەلگىلەنەدى;
- 18 جاسقا دەيىنگى بالالار ءۇشىن ۇلتتىق پاركتەرگە كىرۋ تەگىن بولادى.
ەلدىڭ حالىقارالىق رەيتينگتەردەگى كورسەتكىشى جاقساردى
دۇنيەجۇزىلىك ەكونوميكالىق فورۋمنىڭ Travel & Tourism Development Index رەيتينگىندە قازاقستان:
- 2019 جىلى – 80-ورىندا;
- 2021 جىلى – 66-ورىندا;
- 2024 جىلى – 52-ورىندا بولدى.
ياعني بەس جىل ىشىندە ەل 28 ساتىعا كوتەرىلگەن.
الاكول مەن بالقاش ءتۋريزمى: مەملەكەت باسشىسى جەتىسۋ وبلىسىنىڭ اكىمىنە بىرقاتار تاپسىرما بەردى
سونداي-اق U.S. News & World Report رەيتينگىندە قازاقستان 2025 جىلى تۋريزم جانە مادەنيەت باعىتى بويىنشا 73-ورىنعا كوتەرىلىپ, بىرقاتار ەلدى, سونىڭ ىشىندە وزبەكستان, كاتار, ۆەتنامدى ارتتا قالدىردى.
