فوتو: تجم
كوميسسيا جۇمىسىنا ىشكى ىستەر, دەنساۋلىق ساقتاۋ, ەڭبەك جانە حالىقتى الەۋمەتتىك قورعاۋ, ەنەرگەتيكا, ونەركاسىپ جانە قۇرىلىس, ادىلەت, ساۋدا جانە ينتەگراتسيا مينيسترلىكتەرىنىڭ وكىلدەرى, سونداي-اق اقمولا وبلىسى اكىمدىگى قاتىسادى. كوميسسيا توراعاسى – تجم باسشىسى.
كوميسسياعا وقيعانىڭ سەبەپتەرىن جان-جاقتى ءارى وبەكتيۆتى انىقتاۋ, ۇقساس جاعدايلاردىڭ الدىن الۋ ءۇشىن ناقتى ۇيىمداستىرۋشىلىق جانە پروفيلاكتيكالىق شارالار ازىرلەۋ, قاۋىپسىزدىك تالاپتارىن كۇشەيتۋ بويىنشا ۇسىنىستار ەنگىزۋ مىندەتتەرى جۇكتەلدى.
الدىن الا مالىمەت بويىنشا, بەس قاباتتى تۇرعىن ۇيگە جاپسارلاس ورنالاسقان ءبىر قاباتتى ءدامحانادا گاز-اۋا قوسپاسىنىڭ جارىلىسى بولعان. جارىلىستان كەيىن ءورت شىققان.
توتەنشە جاعدايلار دەپارتامەنتىنىڭ بولىمشەلەرى شاقىرتۋ تۇسكەننەن كەيىن بەس مينۋت ىشىندە وقيعا ورنىنا جەتكەن. قۇتقارۋ جۇمىستارى بارىسىندا ارقايسىسى 50 ليترلىك بەس گاز باللونى مەن ەكى وتتەگى باللونى قاۋىپسىز جەرگە شىعارىلىپ, قايتالاما جارىلىستىڭ الدىن الۋ مۇمكىن بولدى.
ششۋچينسكتەگى جارىلىس: زارداپ شەككەندەردىڭ جاعدايى بەلگىلى بولدى
ءورت سوندىرۋشىلەر عيمارات ىشىنەن 10 ادامدى قۇتقاردى. وقيعا سالدارىنان 28 ادام زارداپ شەكتى. 13 ادام اۋرۋحاناعا جاتقىزىلدى. 8 ادامعا مەديتسينالىق كومەك كورسەتىلىپ, ۇيلەرىنە جىبەرىلدى. 7 ادام قازا تاپتى.
زارداپ شەككەندەرگە جانە قازا بولعانداردىڭ وتباسىلارىنا مەديتسينالىق جانە پسيحولوگيالىق كومەك كورسەتىلەدى.
