وبلىس اكىمىنىڭ ءباسپاسوز قىزمەتى حابارلاعانداي, بايراقتى باسەكەگە الەمنىڭ 10 قۇراماسى قاتىسىپ, جالپى سانى 200 سپورتشى ءوزارا مىقتىنى انىقتايدى. چەمپيوناتتىڭ جالپى جۇلدە قورى – 30 ملن تەڭگە. ءدۇبىرلى دودا دۇنيەجۇزىلىك كوكپار فەدەراتسياسى ەسەبىنەن قارجىلاندىرىلادى دەپ كۇتىلىپ وتىر. جارىس باعدارلاماسىنا سايكەس, 16-20 ناۋرىز ارالىعىندا توپتىق ويىندار ۇيىمداستىرىلسا, 21 ناۋرىز كۇنى شەشۋشى اقتىق كەزدەسۋلەر وتەدى.
قازاقتىڭ كوكپارى VI دۇنيەجۇزىلىك كوشپەلىلەر ويىندارىنىڭ رەسمي باعدارلاماسىنا ەنگىزىلدى
تۇركىستان تورىندە وتەتىن الەم چەمپيوناتى ۇلتتىق سپورتتى حالىقارالىق دەڭگەيدە ناسيحاتتاپ, كوكپاردىڭ بەدەلىن ارتتىرۋعا باعىتتالعان ماڭىزدى سپورتتىق وقيعا بولماق. ايتۋلى سىنعا ەلىمىزبەن قاتار شەتەلدىك ساياحاتشىلار مەن سپورت جانكۇيەرلەرى كەلەدى دەپ جوسپارلانعان.
