جيىننىڭ نەگىزگى ماقساتى – رەفەرەندۋمنىڭ ماڭىزدىلىعىن ءتۇسىندىرۋ, كونستيتۋتسياعا ەنگىزىلەتىن وزگەرىستەر مەن ولاردىڭ قوعام دامۋىنا اسەرىن تالقىلاۋ, سونداي-اق اكادەميالىق ورتا مەن ستۋدەنت جاستاردىڭ ازاماتتىق ۇستانىمىن قالىپتاستىرۋ بولدى. كەزدەسۋ اشىق ديالوگ فورماتىندا ۇيىمداستىرىلىپ, وعان ۋنيۆەرسيتەت باسشىلىعى, پروفەسسورلىق-وقىتۋشىلىق قۇرام, كۋراتورلار جانە ستۋدەنتتەر قاتىستى.
باسقارما مۇشەسى, الەۋمەتتىك-مادەني دامۋ جونىندەگى پرورەكتور جەتپىسباەۆ نۇرجان ارعىن ۇلى رەفەرەندۋمنىڭ ەلدىڭ ساياسي جۇيەسىن جاڭعىرتۋداعى رولىنە توقتالىپ, كونستيتۋتسياعا ەنگىزىلەتىن وزگەرىستەردىڭ ادىلەتتى قوعام قالىپتاستىرۋداعى ماڭىزىن اتاپ ءوتتى. سونىمەن قاتار جاستاردىڭ قوعامدىق-ساياسي پروتسەستەرگە بەلسەندى قاتىسۋىنىڭ ءمانى جانە ولاردىڭ ەل بولاشاعىن ايقىنداۋداعى جاۋاپكەرشىلىگى تۋرالى ءسوز قوزعالدى.
قازۇۋ عالىمدارى جاڭا كونستيتۋتسيا جوباسىن تۇسىندىرەتىن وقۋ قۇرالىن جارىققا شىعاردى
كەزدەسۋ بارىسىندا قاتىسۋشىلار رەفەرەندۋم تاقىرىبى توڭىرەگىندە پىكىر الماسىپ, ونىڭ دەموكراتيالىق قۇندىلىقتاردى نىعايتۋداعى جانە ازاماتتىق قوعامدى دامىتۋداعى ءرولى تالقىلاندى. اتالعان كونفەرەنتسيا رەفەرەندۋمنىڭ ءمانى مەن ماڭىزىن كەڭىنەن تۇسىندىرۋگە, جاستاردىڭ قۇقىقتىق مادەنيەتىن ارتتىرۋعا جانە قوعامداعى ماڭىزدى ساياسي ۇدەرىستەرگە سانالى قاتىسۋىنا باعىتتالعان ماڭىزدى الاڭ بولدى.
سونىمەن قاتار كونفەرەنتسيا بارىسىندا سىبايلاس جەمقورلىققا قارسى كومپلاەنس-قىزمەتىنىڭ باسشىسى ۆاسيلي يۆانوۆيچ ولەينيك, رەفەرەندۋم بويىنشا قالالىق كواليتسيا مۇشەسى بەكتاس باقىت ۇلى جۇمان, الەۋمەتتىك ماسەلەلەر جانە جاستار ساياساتى دەپارتامەنتىنىڭ مامانى اقەركە نۇرلىبەكقىزى, ستۋدەنتتىك پارلامەنت دەپۋتاتى, بيولوگيا-گەوگرافيا فاكۋلتەتىنىڭ 2-كۋرس ستۋدەنتى ارۋجان نۇرايدارقىزى يلەس, سونداي-اق تاريح عىلىمدارىنىڭ كانديداتى, قازاقستان تاريحى جانە قازاقستان حالقى اسسامبلەياسى كافەدراسىنىڭ دوتسەنتى, مەملەكەتتىك «قۇرمەت» وردەنىنىڭ يەگەرى سالاۆات قامشىباي ۇلى كەنتبەك ءسوز سويلەدى. ولار ءوز باياندامالارىندا رەفەرەندۋمنىڭ ماڭىزى, كونستيتۋتسيالىق رەفورمانىڭ ەل دامۋىنا اسەرى جانە جاستاردىڭ بەلسەندى ازاماتتىق ۇستانىمىنىڭ ءرولى تۋرالى مازمۇندى ويلارىمەن ءبولىستى.
ورالدىڭ كرەاتيۆتى ءارى بەلسەندى جاستارى جاڭا كونستيتۋتسيا جوباسىن قولدادى
جيىن سوڭىندا الداعى ۋاقىتتا دا جاڭا كونستيتۋتسيانىڭ ءمانى مەن ماڭىزىن قاراپايىم ءارى تۇسىنىكتى تىلمەن كەڭىنەن ءتۇسىندىرۋ جۇمىستارى جالعاساتىنى ايتىلدى. سونىمەن قاتار 15 ناۋرىزدا ەلىمىزدە وتەتىن رەسپۋبليكالىق رەفەرەندۋمدا جاڭا كونستيتۋتسيانى قولداپ, داۋىس بەرۋگە شاقىردى.
