وقۋ قۇرالىن ۋنيۆەرسيتەتتىڭ عالىمدار ۇجىمى وڭىرلىك كوممۋنيكاتسيالار الاڭىندا تانىستىردى. باسىلىمدا قولدانىستاعى نەگىزگى زاڭ نورمالارى مەن ۇسىنىلىپ وتىرعان وزگەرىستەر ەگجەي-تەگجەيلى سالىستىرىلىپ, ءار تۇزەتۋدىڭ سەبەبىنە ۇڭىلگەن, ولاردىڭ قۇقىقتىق جانە الەۋمەتتىك ءمانىن اشىپ, جاڭا ەرەجەلەردى ىسكە اسىرۋدىڭ ناتيجەسىن بولجايدى. ازاماتتاردىڭ كونستيتۋتسيالىق ساۋاتتىلىعىن ارتتىرۋعا باعىتتالعان جوباداعى تىڭ يدەيالار مەن قۇندىلىقتارعا باسىمدىق بەرىلگەن.
اۆتورلىق ۇجىمدى ءال-فارابي اتىنداعى قازۇۋ باسقارما توراعاسى, رەكتور, فيلولوگيا عىلىمدارىنىڭ دوكتورى, پروفەسسور, كونستيتۋتسيالىق كوميسسيا مۇشەسى جانسەيىت تۇيمەباەۆ باسقاردى. باسىلىمدى دايىنداۋعا ۋنيۆەرسيتەتتىڭ ءبىرىنشى پرورەكتورى, پروفەسسور, كونستيتۋتسيالىق كوميسسيا مۇشەسى ەركىن دۇيسەنوۆ پەن ۋنيۆەرسيتەتتىڭ 30-عا جۋىق پروفەسسور-وقىتۋشىسى قاتىسقان.
ۇلىتاۋدا كونستيتۋتسيالىق رەفورمانىڭ ءمانى مەن ماڭىزى تالقىلاندى
قوعامدىق تالقىلاۋ بارىسىندا ون مىڭنان استام ازامات ءوز ۇسىنىسىن ەنگىزىپ, قازۇۋ عالىمدارىنىڭ يدەياسى جاڭا جوبادا تىكەلەي كورىنىس تاپقانى اتاپ ءوتىلدى. اۆتورلاردىڭ ايتۋىنشا, جاڭا كونستيتۋتسيانى قابىلداۋ قاجەتتىلىگى تسيفرلاندىرۋ, ەكولوگيالىق قاۋىپتەر, يننوۆاتسيالاردىڭ دامۋى, مەنشىكتىڭ جاڭا نىساندارىنىڭ پايدا بولۋى مەن الەمدىك ساياسي-ەكونوميكالىق جاعدايدىڭ وزگەرۋى سياقتى قازىرگى زامانعى سىن-قاتەرلەرمەن بايلانىستى تۋعان.
«جاڭا كونستيتۋتسيا جوباسىندا مەملەكەتتىك بيلىكتىڭ بىردەن-ءبىر باستاۋى ءارى ەگەمەندىكتىڭ يەسى – قازاقستان حالقى ەكەنى بەكىتىلگەن, ال مەملەكەتتىڭ ەڭ جوعارى قۇندىلىقتارى رەتىندە ادام, ونىڭ ءومىرى, قۇقىقتارى مەن بوستاندىقتارى تانىلادى. جاڭا پرەامبۋلادا حالىق بىرلىگى, ۇلى دالانىڭ مىڭجىلدىق تاريحىنىڭ ساباقتاستىعى, مەملەكەتتىڭ ۋنيتارلىق سيپاتى, اۋماقتىق تۇتاستىعى مەن شەكاراسىنىڭ مىزعىماستىعى ايقىن كورسەتىلگەن. سونىمەن قاتار مادەنيەت, ءبىلىم, عىلىم مەن يننوۆاتسيانى دامىتۋ, تابيعاتقا ۇقىپتى قاراۋ, وزگە مەملەكەتتەرمەن دوستىققا ۇمتىلۋ سياقتى قۇندىلىقتار كورىنىس تاپقان» دەدى پروفەسسور ەركىن دۇيسەنوۆ.
جوبا 11 بولىمگە بىرىكتىرىلگەن 96 باپتان تۇرادى. «كونستيتۋتسيالىق قۇرىلىستىڭ نەگىزدەرى» دەپ اتالعان ءى بولىمدە جانە وندا مەملەكەتتىڭ نەگىزگى قاعيداتتارى – ەگەمەندىك پەن تاۋەلسىزدىك, زاڭ ۇستەمدىگى, ادام قۇقىقتارىن قورعاۋ جانە جالپىۇلتتىق بىرلىكتى نىعايتۋ بەكىتىلگەن.
كونستيتۋتسيا جوباسىنىڭ نەگىزگى ەرەجەلەرىنەن حاباردار ەتتى
«مەنشىك قۇقىعىن قورعاۋ مەن مەنشىك يەلەرىنىڭ جاۋاپكەرشىلىگىنە, سونداي-اق قورشاعان ورتانى قورعاۋعا ەرەكشە ءمان بەرىلگەن. العاش رەت كونستيتۋتسيالىق دەڭگەيدە اركىمنىڭ ەڭبەك ەتۋگە جانە كاسىپتى ەركىن تاڭداۋعا قۇقىعى بەكىتىلەدى. ادامي كاپيتالدى, ءبىلىمدى, عىلىم مەن يننوۆاتسيالاردى دامىتۋ مەملەكەتتىڭ ستراتەگيالىق باعىتى رەتىندە تانىلادى. قۇجاتتا ەر مەن ايەلدىڭ ەرىكتى وداعى رەتىندەگى نەكە مەن وتباسىن قورعاۋ نورمالارى دا بەكىتىلگەن», دەپ اتاپ ءوتتى قازۇۋ زاڭ فاكۋلتەتىنىڭ دەكانى, پروفەسسور ۋاليحان احاتوۆ.
سونىمەن قاتار جوبا جاڭا مەملەكەتتىك ينستيتۋتتاردى قۇرۋدى كوزدەيدى. وقۋلىق اۆتورلارىنىڭ پىكىرىنشە, كونستيتۋتسياداعى وزگەرىستەر مەملەكەتتىڭ ارى قارايعى دامۋىنا, ەل ازاماتتارىنىڭ قۇقىعىن قورعاۋعا نەگىز بولادى.
الماتى
