«ەگەمەننىڭ» باسشىسى «جايىق پرەسس» مەدياحولدينگىندە بولدى

«ەگەمەن قازاقستان» رەسپۋبليكالىق گازەتى» اكتسيونەرلىك قوعامىنىڭ باسقارما توراعاسى دارحان قىدىرالى بۇگىن جۇمىس ساپارىمەن ورال وڭىرىندە بولىپ,  "جايىق پرەسس" مەدياحولدينگىنىڭ باسشىسى جانتاس سافۋللينمەن جانە وبلىستىق, اۋداندىق باسىلىمداردىڭ جۋرناليستەرىمەن كەزدەستى. بۇل تۋرالى وسى مەدياحولدينگتىڭ سايتى حابارلادى. جينالعان قاۋىمدى ەڭ الدىمەن تاۋەلسىزدىك مەرەكەسىمەن قۇتتىقتاعان د.قۋاندىق ۇلى ەل گازەتى «ەگەمەندە» ەنگىزىلىپ جاتقان وزگەرىستەر مەن جاڭالىقتارعا توقتالدى. وقىرمانمەن بايلانىس, جۋرناليستەردىڭ جۇمىس جاساۋ əدىستەرى, اقپاراتتىق جاڭا تەحنولوگيانى ءتيىمدى پايدالانۋ, جاس مامانداردى تəربيەلەۋ تۋرالى ويلارىن ءبولىستى. «قازاق حالقىنىڭ تاريحىنداعى اتاقتى حاندار مەن باتىرلاردىڭ مەكەنى بولعان جايىق وڭىرىنە كەلىپ, ءىرى مەدياحولدينگ بولىپ سانالاتىن "جايىق پرەسس" ورتالىعىنا باس سۇعۋىمنىڭ بىرنەشە سەبەبى بار. سونىڭ ەڭ باستىسى – قازاقستانداعى ءباسپاسوز ءىسىنىڭ باتىستان باستاۋ الۋى, العاشقى گازەتتەردىڭ وسى جەردە باسىلۋى. ولاردىڭ جيناقتالىپ, زەرتتەلىپ, جۇيەلەنىپ, كىتاپ بولىپ شىعۋى وزگە باسىلىمدار ءۇشىن ۇلكەن ونەگە, تاعىلىم بولىپ تابىلادى. "ەگەمەن قازاقستان" گازەتىنىڭ باستاۋى بولعان "ۇشقىن" گازەتىنىڭ وسى وڭىردەن باسىلىپ شىققاندىعىن ءبىز ءوز تاريحىمىز رەتىندە تانيمىز. «ۇشقىننىڭ» العاشقى سانىنان باستاپ جيناقتاپ, ترانسكريپتسيا جاساپ, حاتقا ءتۇسىرىپ جاتقان سىزدەرگە زور ريزاشىلىعىمىزدى بىلدىرە وتىرىپ, ءارى قاراي دا بىرلەسە جۇمىس ىستەيتىن بولامىز دەگەن سەنىمدەمىن», – دەدى «ەگەمەننىڭ» باسشىسى. د.قىدىرالى جۋىردا ءƏزىربايجان ەلىندە وتكەن باكۋ كونگرەسىنىڭ 90 جىلدىعىنا ارنالعان ۇلكەن جيىنعا قاتىسىپ قايتقانىن, لاتىن الىپبيىنە كوشۋ جونىندە ماڭىزدى شەشىمدەر قابىلدانعان سول جيىندا ازىربايجاندىق əرىپتەستەرگە "جايىق پرەسس" مەدياحولدينگىنىڭ باستاماشىلىعىمەن جارىق كورگەن "قازاقستان" كىتابىن وسى ۇجىمنىڭ اتىنان سىيعا تارتقانىن دا ايتىپ ءوتتى.