وڭتۇستىك كورەيا پرەزيدەنتى وكىلەتتىگىن پرەمەر-مينيسترگە تاپسىردى

وڭتۇستىك كورەيانىڭ يمپيچمەنت جاريالانعان پرەزيدەنتى پاك كىن حە وكىلەتتىگىن زاڭناماعا سايكەس پرەمەر-مينيستر حۆان گيو انعا تاپسىردى, - دەپ حابارلايدى ريا نوۆوستي جەرگىلىكتى اقپارات قۇرالدارىنا سىلتەمە جاساپ. اقپارات قۇرالدارىنىڭ مالىمەتىنشە, پارلامەنتتىڭ وعان يمپيچمەنت جاريالاۋىنان كەيىن وڭتۇستىك كورەيا پرەزيدەنتى پاك كىن حە مەملەكەت باسشىسى قىزمەتىن توقتاتقان. "وسى ساتتەن باستاپ پاك كىن حە مەملەكەت باسشىسى مەن اكىمشىلىكتەگى قىزمەتتەردى اتقارا المايدى", - دەيدى جەرگىلىكتى باق وكىلدەرى. سونداي-اق, يمپيچمەنت جايلى شەشىمدى وڭتۇستىك كورەيانىڭ كونستيتۋتسيالىق سوتىنىڭ قاراستىرىلاتىنى جانە وعان 180 كۇن كەتۋى مۇمكىن ەكەنى ايتىلادى. سوت يمپيچمەنتتى الىپ تاستاپ, پاك كىن حەنىڭ قىزمەتىن قايتا قالپىنا كەلتىرە الادى. ەسكە سالا كەتسەك, بۇگىن, 9 جەلتوقساندا وڭتۇستىك كورەيا پرەزيدەنتىنە يمپيچمەنت جاريالانعان بولاتىن. ۇلتتىق جيىننىڭ 234 دەپۋتاتى قولداپ داۋىس بەرىپ, 56-سى قارسى بولعان. ال ەكى دەپۋتات داۋىس بەرۋدەن باس تارتقان. جەتى تۇبىرتەك جارامسىز دەپ تانىلدى. ايتا كەتەيىك, وتىرىستان تىكەلەي تاراتىلىمدى وڭتۇستىككورەيالىق تەلەارنا جۇرگىزدى.