نەمىس, كارىس, ۇيعىر تەاترلارىنا اكادەميالىق مارتەبە بەرىلدى

ەلباسى استانادا قازاقستان xالقى اسسامبلەياسى ەتنومادەني بىرلەستىكتەرىنىڭ «بەيبىتشىلىك پەن كەلىسىمنىڭ 25 جىلى» فەستيۆالىندە نەمىس, كارىس جانە ۇيعىر تەاترلارىنا اكادەميالىق مارتەبە بەرگەنىن ءمالىم ەتتى, دەپ xابارلايدى قازاقپارات. «مەملەكەت تۇراقتى تۇردە بارلىق ەتنومادەني بىرلەستىكتەرگە قولداۋ جاساۋدا. بالالار ءۇشىن كەشكى مەكتەپتەردى اشىپ, وزدەرىنىڭ انا تىلدەرىن وقۋعا مۇمكىندىك بەرۋدە. ءبىزدىڭ گازەت-جۋرنالدار 15 تىلدە, تەاترلار 7 تىلدە سويلەيدى. بۇنداي وزگە ەلدىڭ ەشبىرىندە جوق. بۇگىن وسى فەستيۆالدا 3 ۇلتتىق تەاترعا - نەمىس, كارىس جانە ۇيعىر تەاترلارىنا اكادەميالىق مارتەبە بەرۋ جونىندەگى شەشىمىمدى جاريالايمىن. بۇل شەشىم ءبىزدىڭ ەلدىڭ بارشا تەاتر ونەرىنە ۇلكەن سەرپىن بەرەدى دەپ سەنەمىن. تەاتر ۇجىمىن وسىناۋ كەرەمەت وقيعامەن قۇتتىقتايمىن. جوعارى شىعارماشىلىق تابىس تىلەيمىن!», - دەدى ن. نازارباەۆ فەستيۆالدىڭ اشىلۋ سالتاناتىندا. ايتا كەتەيىك, بۇگىنگى فورۋم بارىسىندا قازاقستان xالقى اسسامبلەياسىنىڭ باستاماسىمەن قولعا الىنعان بىرقاتار بايقاۋلارلىڭ قورىتىندىسى شىعارىلادى. ال ەتنومادەني بىرلەستىكتەر «بەيبىتشىلىك پەن جاسامپازدىقتىڭ 25 جىلى» اتتى تەاترلاندىرىلعان كورسەتىلىمىن قويادى. وندا قازاقستاننىڭ تاۋەلسىزدىك جىلدارىنداعى تاريxي جەتىستىكتەرى كورىنىس تاپپاق.