ەرىگەن قار سۋىنىڭ تولاسسىز قۇيىلۋى سالدارىنان جەمباراق وزەنى ەرنەۋىنەن اسا جايىلىپ, جول قاتىناسى ۇزىلگەن.
– جاعداي ءجىتى باقىلاۋدا تۇر. قاۋىپ سەيىلگەنشە, كومەك ۇزىلمەيدى. وسىنداي قاتەردىڭ بولاتىنى كۇنىبۇرىن ەسكەرىلىپ, ازىق-ت ۇلىك پەن ءدارى-دارمەكتىڭ جەتكىلىكتى قورى قامتاماسىز ەتىلدى, – دەيدى قۇتقارۋ قىزمەتىنىڭ وكىلدەرى.
رازگۋلنوە اۋىلىندا 500-گە جۋىق تۇرعىن بار. تۇرعىنداردىڭ جاڭا كوپىر سالۋ جونىندەگى ۇسىنىسى ەكونوميكالىق جاعىنان ءتيىمسىز دەگەن سەبەپپەن اياقسىز قالىپ كەلەدى.
«وسى جولعى اپات زارداپتارى مەن كەلتىرىلگەن شىعىن جەرگىلىكتى باسشىلاردى ويلاندىرۋى ءتيىس. جىل سايىن تەمىردەن قۇراستىرىلعان كوپىردى سۋ شايىپ كەتىپ, اۋرە-سارساڭعا سالادى», دەيدى جەرگىلىكتى تۇرعىندار.
روششينسك-كورنەەۆكا باعىتىنداعى اۆتوكولىك جولىن دا سۋ الىپ, ماڭايعا قوسىمشا كۇشتەر جىبەرىلىپ, تەحنيكا مەن قايىقتار سانى كوبەيتىلگەن.
ءومىر ەسقالي
«ەگەمەن قازاقستان»
سولتۇستىك قازاقستان وبلىسى
