ونىڭ ايتۋىنشا, اتالعان جوبالار «نۇر الەم» ۇلتتىق پاۆيلونىن تولىقتىرۋ ماقساتىندا قازاقستان رەسپۋبلياكسى ەنەرگەتيكا مينيسترلىگىمەن ىرىكتەلىپ, «استانا ەكسپو - 2017» ۇك» اق-نا ۇسىنىلعان.
الداعى ۋاقىتتا جاسىل ەكونوميكا باعىتىنداعى جوبالاردى كەڭىنەن تانىستىرۋ ماقساتىندا جۋرناليستەر ءۇشىن ارنايى پرەسس-تۋر ۇيىمداستىرالىتىنىن ايتقان سپيكەر قاتىساتىن جوبالاردى اتاپ ءوتتى.
ولار, «بولاشاق ەنەرگياسى» «تازا سۋ – ءومىر بۇلاعى!» - «سۋ رەسۋرستارى - ماركەتينگ» جشس-ءنىڭ جوباسى, «نەگىزگى سۋ اگرەگاتتارىن جانە قوسالقى قوندىرعىلاردى كەشەندى تۇردە جاڭارتۋ» - «شاردارا سەس» اق-ى, «پكوپ» جشس-ءنىڭ جاڭعىرتۋ جوباسىنىڭ اياسىندا قورشاعان ورتانى جاقسارتۋ بويىنشا جاڭا تەحنولوگيالار» - «پكوپ» جشس-گى, «شىمكەنتتسەمەنت» اق-ىن جاڭعىرتۋ جوباسى اياسىندا قورشاعان ورتانى جاقسارتۋ» - «شىمكەنتتسەمەنت» اق-ى مەن «وڭتۇستىك قازاقستان وبلىسى سوزاق اۋدانىندا قۋاتتىلىعى 50مۆت كۇن ەلەكتروستانتسياسىنىڭ قۇرىلىسى» - «Green Energy 3000» جشس-ءرى.
سونىمەن قاتار, ول وڭتۇستىك قازاقستان وبلىسىندا حالىقارالىق مامانداندىرىلعان كورمەسىنە وڭىرلىك دەڭگەيدە دايىندالۋ بويىنشا ءىس-شارالار جوسپارى ازىرلەنىپ, سول باعىتتا ءتيىستى جۇمىستاردىڭ اتقارالىپ جاتقانىن ايتتى.
«جوسپارعا سايكەس, وبلىس كولەمىندە «ەكسپو - 2017» كورمەسىن جارنامالاۋ جانە ىلگەرىلەتۋ, ءوڭىر تۇرعىندارىنىڭ كورمەگە قاتىسۋىن, كولىكپەن, جاتىن ورىنمەن قامتاماسىز ەتۋ, كورمەگە قاجەتتى ەرىكتىلەردىڭ دايارلىعىن قامتاماسىز ەتۋ, كورمە قوناقتارىنا ارنالعان تۋريستىك مارشرۋتتار ازىرلەۋ, كورمەنىڭ ءوتۋ كەزەڭىندە استانا قالاسىنا ازىق-ت ۇلىك ونىمدەرىن جەتكىزۋ جانە «نۇر الەم» قازاقستاننىڭ ۇلتتىق پاۆيلونىن تولىقتىرۋ باعىتىندا جۇمىستار جۇرگىزىلۋدە»,- دەدى پ.قونىسباەۆا.
وقو اكىمىنىڭ ءباسپاسوز قىزمەتى
