ارىپتەستەرىن شتاينمايەردىڭ گەرمانيانىڭ جاڭا پرەزيدەنتى بولىپ سايلانۋىمەن قۇتتىقتاعان ءماجىلىس توراعاسى ونىڭ جاڭا قىزمەتىندە قازاقستان-گەرمانيا قاتىناستارىن تەرەڭدەتۋگە وڭ ىقپال ەتەتىنىنە سەنىم ءبىلدىردى.
ن.نىعماتۋلين گەرمانيا قازاقستاننىڭ ەۋروپالىق وداقتاعى ماڭىزدى سىرتقى ساياسي ءجانە ەكونوميكالىق ارىپتەسى ەكەنىن اتاپ ءوتتى. بيىل ەكى ەل اراسىندا ديپلوماتيالىق بايلانىس ورناعانىنا 25 جىل تولدى. وسى ۋاقىت ىشىندە بارلىق سالادا ءوزارا قارىم-قاتىناس ايتارلىقتاي جوعارى دەڭگەيگە جەتتى. ءاسىرەسە, قازاقستان پرەزيدەنتى نۇرسۇلتان نازارباەۆتىڭ 2012 جىلى بەرلينگە رەسمي ساپارى قازاقستان-گەرمانيا بايلانىستارىن ستراتەگيالىق ءارىپتەستىك دەڭگەيىنە كوتەردى.
وتكەن جىلى ەكى ەل اراسىنداعى سىرتقى ساۋدا اينالىمى 1,7 ملرد اقش دوللارىن قۇرادى, بۇگىنگى كۇنى ەلىمىزدە 700-دەن استام گەرمانيا كاسىپورىندارى تابىستى جۇمىس اتقارىپ كەلەدى.
ءماجىلىس توراعاسى دەلەگاتسيا مۇشەلەرىن اعىلشىندىق قۇقىق جۇيەسىنە نەگىزدەلگەن «استانا» حالىقارالىق قارجى ورتالىعىن قۇرۋ جانە دامىتۋ ءۇشىن قارقىندى جۇمىس اتقارىلىپ جاتقاندىعىنان حاباردار ەتتى.
ن.نىعماتۋلين 2015 جىلى قازاقستان ورتالىق ازيا ەلدەرى اراسىندا العاشقى بولىپ ەۋروپالىق وداقپەن كەڭەيتىلگەن ءارىپ-
تەستىك ءجانە ىنتىماقتاستىق تۋرالى كەلىسىمگە قول قويعانىن ايتا كەلىپ, قۇجاتتىڭ بۋندەستاگ تاراپىنان تەزىرەك راتيفيكاتسيالاناتىنىنا سەنىم ءبىلدىردى.
ءماجىلىس توراعاسى مەيمانداردى ەلىمىزدە جۇرگىزىلگەن كونستيتۋتسيالىق رەفورما توڭىرەگىندە تولىققاندى حاباردار ەتتى.
ءوز كەزەگىندە مانفرەد گرۋند ەكونوميكالىق قۇرىلىم مەن الەۋمەتتىك جۇيە ورناتا وتىرىپ, دەموكراتيالىق جولمەن وركەندەۋ قازاقستاننىڭ وزگەگە ۇقسامايتىن ەرەكشە دامۋ جولى ەكەنىن جانە ونىڭ جىلدان جىلعا تابىستى ءجۇزەگە اسىرىلىپ كەلە جاتقانىن اتاپ ءوتتى.
ودان ءارى تاراپتار پارلامەنتارالىق بايلانىستى نىعايتۋدىڭ وزەكتى ماسەلەلەرىن تالقىلادى.
