ەلباسى نۇرسۇلتان نازارباەۆتىڭ «بولاشاققا باعدار: رۋحاني جاڭعىرۋ» اتتى ماقالاسى «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» اتتى ەل حالقىنا جولداۋىندا ايتىلعان ويلار مەن يدەيالاردى ءارى قاراي دامىتا, بايىتا وتىرۋىمەن مازمۇندى. سونداي-اق رۋحاني جاڭعىرۋعا, زاماناۋي الەمدى قايتا قۇرۋعا جانە ۇعىنۋعا قابىلەتتى, باسەكەگە لايىق مامانداردىڭ دامۋىن ۇيلەسىمدى قالىپتاستىرۋعا ۇلكەن ماڭىز بەرەتىندىگىمەن ەرەكشەلەنىپ وتىر.
تاريحي داۋىرلەر مەن كەزەڭدەردىڭ قايسىسىن الىپ قاراساق تا, ۇلى ويشىل دانالار مەن ساياساتكەرلەر ەلدىڭ رۋحاني الەۋەتىن دامىتۋ قاجەتتىلىگى جونىندە, مەملەكەتتىك ينستيتۋتتىڭ وسى باعىتتاعى ءرولى تۋرالى ايتىپ كەلەدى. ءبىزدىڭ زامانىمىزدا بۇل ءداستۇر «بولاشاققا باعدار: رۋحاني جاڭعىرۋ» اتتى جاڭا باعدارلامالىق قۇجاتىندا كورىنىس تاۋىپ وتىر.
پرەزيدەنت ن.نازارباەۆ تۇلعالاردى قالىپتاستىرۋدا ۋنيۆەرسيتەتتەردىڭ ماڭىزدى ورنى بار ەكەنىن اتاي وتىرىپ, الەۋمەتتانۋ, فيلوسوفيا جانە پسيحولوگيا باعىتىنداعى گۋمانيتارلىق سالانى كۇشەيتۋ تۋرالى ءسوز قوزعادى. ەلىمىزدىڭ ءوسكەلەڭ جاس بۋىنىنا قاراتا ايتقان سوزىندە جاستاردى رۋحاني, ادامگەرشىلىك تۇرعىدان كەمەل بولۋعا شاقىردى. ويتكەنى يننوۆاتسيالىق الەۋەتتى جەتكىزۋشى جانە قۇندى رەسۋرستاردى جۇزەگە اسىرۋشى جاستار بولماق.
جوعارى مەكتەپ وقىتۋشىسى جانە پسيحولوگيا ماگيسترى رەتىندە مەن ءۇشىن بۇل قۇجاتتىڭ ماڭىزدىلىعى جوعارى. ويتكەنى ماقالادا قوعامىمىزدىڭ قۋاتتى قىرلارىنىڭ نەگىزدەرى ەگجەي-تەگجەيلى جازىلعان. ياعني, قازاقستاننىڭ ءۇشىنشى جاڭعىرۋى – قازاقستاندىق قوعامنىڭ رۋحاني جاڭعىرۋىنا نەگىز بولىپ وتىر.
ليۋدميلا گيتيحماەۆا,
ل.ن.گۋميلەۆ اتىنداعى ەۇۋ الەۋمەتتىك عىلىمدار فاكۋلتەتى دەكانىنىڭ ستۋدەنتتەرمەن جۇمىس جونىندەگى ورىنباسارى
