وبلىس اكىمى نۇرلىبەك نالىباەۆ قالا تۇرعىندارىن ساياباقتىڭ اشىلۋىمەن قۇتتىقتاپ, وڭىردە «تازا قازاقستان» جالپىۇلتتىق جوباسى اياسىندا اتقارىلعان جۇمىستى اتاپ ءوتتى.
– پرەزيدەنت قاسىم-جومارت توقاەۆ: «تۋعان جەرىمىزدى ەشكىم سىرتتان كەلىپ تازالاپ, كوركەيتىپ بەرمەيدى. وتانىمىزدى تازا ۇستاۋ – ءار ازاماتتىڭ قاستەرلى پارىزى», دەگەن بولاتىن. «تازا قازاقستان» جالپىۇلتتىق جوباسى تازالىق مادەنيەتىن كەڭىنەن ناسيحاتتاۋعا, تۋعان جەرىمىزدى كوركەيتۋگە تىڭ سەرپىن بەردى. جوبا اياسىندا بيۋدجەت قاراجاتىنان بولەك, كاسىپكەرلەردىڭ دەمەۋشىلىگىمەن ورتالىق الاڭدار, دەمالىس ورىندارى, ويىن, سپورت الاڭدارى قايتا جاڭعىرتىلىپ, تۇرعىن ۇيلەر مەن الەۋمەتتىك نىساندار زاماناۋي ۇلگىدە جوندەۋدەن وتكىزىلدى. وڭىرىمىزدە بىركەلكى ديزاين كود بەكىتىلىپ, وبلىس ورتالىعىنان باستاپ بارلىق ەلدى مەكەن بىرەگەي ارحيتەكتۋرالىق تالاپتارعا سايكەستەندىرىلدى. قىزىلوردا قالاسىندا 2 ملرد 905 ملن تەڭگەگە 83 ەسكى كوپقاباتتى تۇرعىن ءۇيدىڭ قاسبەتتەرى زاماناۋي پانەلدەرمەن قاپتالدى. بيىل دا بۇل جۇمىس جالعاسىن تابادى. وبلىس ورتالىعىندا جاڭا نىساندار بوي كوتەرىپ, جاسىل جەلەك پەن ساياباقتار سانى كوبەيىپ كەلەدى. وسكەلەڭ ۇرپاق ءۇشىن تازا, جايلى ءارى قاۋىپسىز ورتا قۇرۋ الداعى ۋاقىتتا دا جالعاسادى. «تازا قازاقستان» جالپىۇلتتىق جوباسى اياسىنداعى اكتسيالارعا, تابيعات قورعاۋ شارالارىنا جاستار مەن قوعام بەلسەندىلەرىنىڭ ۇلەسىن ەرەكشە ايتۋىمىز كەرەك, – دەدى ءوڭىر باسشىسى.
جالپى كولەمى 31 گەكتارلىق ساياباققا 2 مىڭنان اسا اعاش, 50 مىڭنان اسا ساندىك بۇتا, 17 ءتۇرلى كوپجىلدىق گۇل ەگىلدى. ونىڭ اۋماعىنان 300 ورىندىق زاماناۋي بالالار لاگەرى, بوتانيكالىق ءبىلىم ورتالىعى, توعىز قاباتتى 15 تۇرعىن ءۇي بوي كوتەرىپ كەلەدى.
قىزىلوردا
