اۋداندا جايىلىمدىق جانە ەگىستىك جەرلەردىڭ جەتىسپەۋشىلىگى وزەكتى ماسەلە بولىپ وتىرعاندىقتان, پروكۋراتۋرا وتكەن جىلدان بەرى ماقساتسىز پايدالانىلىپ جاتقان اۋماقتاردى انىقتاۋعا باعىتتالعان ارنايى جوبانى جۇزەگە اسىرىپ كەلەدى.
پروكۋرورلىق قاداعالاۋ ناتيجەسىندە 2025 جىلى مەملەكەت مەنشىگىنە 23 مىڭ گەكتاردان استام پايدالانىلماي جاتقان اۋىل شارۋاشىلىعى جەرى قايتارىلدى. ال بيىلعى جىلدىڭ وزىندە كاداسترلىق قۇنى 20 ميلليون تەڭگەدەن اساتىن 3,5 مىڭ گەكتاردان استام جايىلىمدىق جەر مەملەكەتكە وتكىزىلدى.
ىلە الاتاۋىنىڭ تاۋ بوكتەرىندەگى جەر تەلىمى مەملەكەتكە قايتارىلدى
اتاپ ايتقاندا, «نان-جەر» جشس-دان 1 412 گەكتار جەر قايتارىلسا, «بايمىرزا-اگرو» جشس 2 150 گەكتار جايىلىمدىق القاپتى ءوز ەركىمەن مەملەكەت مەنشىگىنە بەرگەن.
پروكۋراتۋرا جەرگىلىكتى اتقارۋشى ورگاندارعا قايتارىلعان جەرلەردى تۇرعىندار مەن كاسىپكەرلەردىڭ يگىلىگىنە بەرۋ بويىنشا ءتيىستى جۇمىستار جۇرگىزۋدى تاپسىردى.
