فوتو: kz.oqu.news (ارحيۆ)
ساۋدا جانە ينتەگراتسيا مينيسترلىگىنىڭ مالىمەتىنشە, ينسپەكتسيا ماماندارى «بارىس-IV» بازارىن تەكسەرۋ بارىسىندا ۆەتەريناريالىق ىلەسپە قۇجاتتارى جوق, ءتيىستى تاڭبالانباعان جانە ارنايى قاپتاماسىز ساتىلىمعا شىعارىلعان 13 680 تاۋىق جۇمىرتقالارىن انىقتادى. اكىمشىلىك قۇقىق بۇزۋشىلىق تۋرالى كودەكسىنە سايكەس حاتتامالار تولتىرىلىپ, كىنالى تۇلعالارعا جالپى سوماسى 1 297 500 تەڭگە كولەمىندە ايىپپۇل سالىندى.
قازاقستان جۇمىرتقا يمپورتىنا شەكتەۋ قويدى: نارىقتا وتاندىق ءونىم ۇلەسى ارتتى
ء«ونىمدى جويۋ ۇدەرىسى ادام مەن جانۋارلاردىڭ دەنساۋلىعىنا, سونداي-اق قورشاعان ورتاعا قاۋىپ توندىرەتىن تاعام ونىمدەرىن جويۋ ەرەجەلەرىنە (ۇكىمەتتىڭ №140 قاۋلىسى) سايكەس, 2026 جىلدىڭ 10 ماۋسىمىندا تاركىلەنگەن 13 680 جۇمىرتقا قالالىق مال قورىمىنداعى «بەككەر شۇڭقىرىنا» تاستالىپ, بيوتەرميالىق ادىسپەن كونسەرۆاتسيالاندى», دەلىنگەن حابارلامادا.
شىمكەنتتە رەسەيدەن زاڭسىز اكەلىنگەن 11,8 مىڭ جۇمىرتقا جويىلدى
بۇدان سوڭ, كوتەرمە جانە بولشەك ساۋدا ۇيىمدارىنىڭ باسشىلارىنا ۆەتەريناريالىق-سانيتاريالىق تالاپتاردى ساقتاۋ بويىنشا ءتۇسىندىرۋ جۇمىستارى جۇرگىزىلدى. وزگە ەلدەردەن زاڭسىز اكەلىنگەن ونىمدەردى ساتۋعا تىيىم سالۋ تۋرالى رەسمي حاتتار جولداندى.
ەسكە سالايىق, بۇعان دەيىن ەاەو ەلدەرىنەن جۇمىرتقانى يمپورتتاۋعا تىيىم سالىناتىنى تۋرالى ايتىلعان ەدى.
