وتاندىق مۋزىكانتتار سولتۇستىك افريكانىڭ ەڭ ءىرى ساحنالارىنىڭ ءبىرى – Opéra d’Alger-دە ونەر كورسەتىپ, الجير وپەراسىنىڭ سيمفونيالىق وركەسترىمەن بىرگە شىعارماشىلىق تاجىريبەسىن ورتاعا سالدى. كونتسەرت باعدارلاماسىندا استور پياتستسوللا مەن انتونيو ءۆيۆالديدىڭ كلاسسيكالىق تۋىندىلارى, سونداي-اق ۇلى ابايدىڭ رۋحىنان شابىت العان فرانتسۋز كومپوزيتورى پەر تيللۋانىڭ «ابايدىڭ ارمانى» اتتى سيمفونيالىق شىعارماسى بار.
ءالجيردىڭ مادەنيەت مينيسترلىگىنىڭ شاقىرۋىمەن ءارى قازاقستاننىڭ الجيردەگى ەلشىلىگىنىڭ قولداۋىمەن جۇزەگە اسقان ساپار اياسىندا تريو مۇشەلەرى «Higher National School of Music of Algiers» وقۋ ورنىندا شەبەرلىك ساباقتارىن وتكىزىپ, جاس مۋزىكانتتارمەن تاجىريبە ءبولىستى. وتاندىق ورىنداۋشىلىق ءداستۇردى تانىستىرۋ – گاسترولدىك ساپاردىڭ ماڭىزدى ءبىر بولىگى بولىپ تاريح قويناۋىنا ەندى.
«Forte trio» مەملەكەتتىك تريوسى – ەلىمىزدەگى فورتەپيانو, سكريپكا, ۆيولونچەلدەن تۇراتىن العاشقى ءھام جالعىز مەملەكەتتىك انسامبل. ۇجىمنىڭ كوركەمدىك جەتەكشىسى – بەلگىلى پيانيست, پروفەسسور تيمۋر ۋرمانچەەۆ. قۇرامىندا حالىقارالىق بايقاۋلاردىڭ لاۋرەاتتارى ماقسات ءجۇسىپوۆ (سكريپكا) پەن مۇرات ناربەكوۆ (ۆيولونچەل) ونەر كورسەتەدى. قۇرىلعانىنان بەرگى 13 جىل ىشىندە تريو حالىقارالىق ساحنالاردا قازاقستاننىڭ ورىنداۋشىلىق مەكتەبىن تانىتىپ, الەمنىڭ تۇكپىر-تۇكپىرىندە مۋزىكالىق ديالوگ ورناتتى. گاسترولدىك كارتاسىنا كانادا, يتاليا, فرانتسيا, گەرمانيا, اقش, اۋستريا, چەحيا, برازيليا, قىتاي جانە باسقا ەلدەر كىرەدى.
ءيا, مۋزىكا شەكارانى بىلمەيدى. «Forte trio» ءدال وسىنى كورەرمەنگە سەزدىرىپ, جۇرەكتەرگە ۇمتىلماس اسەر قالدىردى.
