ءبىر قاراعاندا ەشقانداي وزگەشەلىگى جوق سەكىلدى كورىنگەنىمەن, فوتو, بەينە كامەرالارعا تۇسىرگەندە, سۋرەتتەرگە جان بىتكەندەي اسەر قالدىرادى. كورمەنىڭ تارتىمدى تۇسى – مۇراجايعا كەلۋشىلەر ەكسپوزيتسيانىڭ ءبىر بولىگىنە اينالادى. مۋلتفيلم كەيىپكەرلەرى, تۋعان جەر تابيعاتى, عالامداعى عاجايىپ قۇبىلىستار كورسەتىلگەن جيىرمادان استام سۋرەت بالالاردى عانا ەمەس, ەرەسەكتەردى دە قىزىقتىردى.
– الداعى ۋاقىتتا سۋرەتتەردى الىستاعى اۋىلدارعا دا اپارىپ, كورسەتەمىن, – دەيدى ورىنعالي ساريەۆ. – ءبىر ايدان استام ۋاقىت وبلىس ورتالىعىنىڭ تۇرعىندارى مەن قوناقتارى كورمەنى تاماشالادى. قىزىعۋشىلىق كوپ ەكەنىن اڭعاردىم, ەندى وسى باعىتتاعى جۇمىستارىمدى جەتىلدىرىپ, تاعى دا جاڭا كارتينالار سالعىم كەلەدى.
جاس كاسىپكەر بۇعان دەيىن ماحامبەت اۋدانىندا جارناما اگەنتتىگىن اشقان. ەندى بيزنەسىن كەڭەيتىپ, زامان تالابىنا ساي جاڭالىقتار ەنگىزۋگە نيەتتى.
باقىتگۇل باباش,
«ەگەمەن قازاقستان»
اتىراۋ
سۋرەتتى تۇسىرگەن
نۇربەيبىت نۇعمانوۆ
