گولوۆكين-الۆارەس جەكپە-جەگى وتپەۋى مۇمكىن

ەكى سالماقتا بۇرىنعى الەم چەمپيونى سەرحيو مارتينەستىڭ پىكىرى بويىنشا مەكسيكالىق ساۋل الۆارەس پەن قازاقستاندىق گەننادي گولوۆكين اراسىنداعى جەكپە-جەك كەم دەگەندە بەس جىلدان كەيىن ءوتۋى مۇمكىن. بۇل تۋرالى championat.com حابارلادى. «الۆارەس قازاقستاندىق بوكسشىمەن ءالى ءبىراز ۋاقىتقا دەيىن كەزدەسپەيدى. مەن ءتىپتى, بۇل ايقاس وتپەۋى مۇمكىن دەگەن پىكىردى دە جوققا شىعارمايمىن. ال ەگەر بۇل ءىس جۇزەگە اسسا, جەتى-سەگىز جىلدان كەيىن نەمەسە كەم دەگەندە بەس جىلدان كەيىن ءوتۋى مۇمكىن. ماسەلەنىڭ ءبارى «كانەلودا» عانا ەمەس ونى باسقاراتىندارعا بايلانىستى», – دەدى 42 جاستاعى بوكسشى. الەمدىك بوكستا قوس سپورتشىنىڭ اراسىنداعى جەكپە-جەك ەڭ كۇتۋلى وقيعالاردىڭ ءبىرى رەتىندە ەسەپتەلىپ تۇر. وسىعان دەيىن مەكسيكالىق بوكسشىنىڭ پروموۋتەرى كەلىسسوزدەر كوپ ۇزاماي اياقتالاتىنىن, بوكس كەشى وسى جىلدىڭ قىركۇيەك ايىندا وتەتىنىن مالىمدەگەن بولاتىن. ايتا كەتەيىك, ورتا سالماقتا WBA (Super), IBO, WBC جانە IBF تۇجىرىمدارى بويىنشا الەم چەمپيونى گەننادي گولوۆكين 18 ناۋرىزدا WBA (Regular) بەلبەۋىنىڭ يەگەرى دەننيەل دجەيكوبسپەن جۇدىرىقتاسادى. ال ساۋل الۆارەس 6 مامىردا وتانداسى كىشى حۋليو سەزار چاۆەسپەن قولعاپ تۇيىستىرەدى.