ماجىلىستە ستاندارتتاۋ تۋرالى زاڭ جوباسى تانىستىرىلدى

وتىرىستى ەكونوميكالىق رەفورما جانە وڭىرلىك دامۋ كوميتەتىنىڭ توراعاسى ن.س. سابيليانوۆ جۇرگىزدى. قازاقستان رەسپۋبليكاسىنىڭ ينۆەستيتسيالار جانە دامۋ ءبىرىنشى ۆيتسە-ءمينيسترى ا.پ. راۋ بايانداما جاسادى. «ستاندارتتاۋ تۋرالى» زاڭ جوباسى ستاندارتتاۋدىڭ ماقساتتارى, قاعيداتتارى, ستاندارتتاۋ سۋبەكتىلەرىنىڭ قۇزىرەتى مەن ءوزارا ءىس-قيمىل راسىمدەرى ناقتى انىقتالعان ستاندارتتاۋ سالاسىندا قىزمەتتى جۇزەگە اسىرۋ بارىسىندا سۋبەكتىلەر مەن ولاردىڭ قارىم-قاتىناستارىنىڭ جيىنتىعى رەتىندە ۇلتتىق ستاندارتتاۋ جۇيەسىن قالىپتاستىرۋ ماقساتىندا ازىرلەنگەن. قازاقستان رەسپۋبليكاسىنىڭ زاڭناماسىن «ستاندارتتاۋ تۋرالى» زاڭ جوباسىنىڭ نورمالارىنا سايكەس كەلتىرۋ ماقساتىندا 6 كودەكس پەن 43 زاڭدارعا وزگەرىستەر ەڭگىزۋدى كوزدەيتىن «قازاقستان رەسپۋبليكاسىنىڭ كەيبىر زاڭنامالىق اكتىلەرىنە ولشەم بىرلىگىن قامتاماسىز ەتۋ جانە ستاندارتتاۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» ىلەسپە زاڭ جوباسى ازىرلەنگەن. سونداي-اق ىلەسپە زاڭ جوباسى ۇلتتىق زاڭنامانى حالىقارالىق ساۋدا ۇيىمىنىڭ تالاپتارىنا, ەۋرازيالىق ەكونوميكالىق وداقتىڭ ولشەم بىرلىگىن قامتاماسىز ەتۋ سالاسىنداعى قۇقىعىنا ۇيلەستىرۋگە باعىتتالعان. پارلامەنت ماجىلىسىندە وسى زاڭدار جوبالارىن قاراستىرۋ جونىندەگى جۇمىس توبىنىڭ جەتەكشىسى بولىپ, ەكونوميكالىق رەفورما جانە وڭىرلىك دامۋ كوميتەتىنىڭ شەشىمىمەن دەپۋتات ا.ت. پەرۋاشەۆ بەلگىلەندى.