قازاق بوكسىنا بەتبۇرىس كەرەك

قازاق بوكسى ءۇشىن ۇلكەن وقيعانىڭ باسى كورىندى. جاقىندا الماتىدا ءىىى جازعى سپارتاكيادا اياسىندا بوكستان اۋەسقويلار اراسىندا ءوتىپ جاتقان قازاق­ستان چەمپيوناتى باستالار الدىندا حالىقارالىق اۋەسقوي بوكس قاۋىمداستىعىنىڭ (AIBA) پرەزيدەنتى چينگ كۋو ۆۋ ەكى كۇندىك جۇمىس ساپارى بارىسىندا رەسپۋبليكا بوكس فەدەراتسياسىمەن ەكى ماڭىزدى قۇجاتقا قول قويدى. ءبىرىنشى قۇجات ءوز ەلىمىزدە تۇڭ­عىش رەت جاسوسپىرىمدەر اراسىن­داعى الەم چەمپيوناتىن وتكىزۋ جونىندە سوڭعى كەلىسىم-شارتتارعا قول قويۋعا, ال ەكىنشىسى الماتى ماڭىندا AIBA بوكس اكادەمياسىن سالۋ ماسەلەسىنە ارنالدى. ەڭ اۋەلى AIBA-نىڭ بۇل كەلىسىمدەرگە قول قويۋى ەلىمىزدىڭ حالىقارالىق اۋەسقوي بوكس قاۋىمداستىعىمەن سوڭعى كەزدەرى بىرىگىپ, تىنباي ىستەگەن جۇمىسىنىڭ جەمىسى دەۋىمىز كەرەك. ەكىنشىدەن, ول – قازاق بوكسى­­نىڭ دامۋىنا جاسالعان تاعى ءبىر ۇلكەن قادام. ەندى قازاق بوكسىنا وسىنداي ماڭىزدى ەكى قۇجاتتان كەيىن تىنىسىن كەڭ تارتىپ, تەك العا ءجۇرۋ ءۇشىن جۇمىس ىستەۋىنە بولادى. العاشقى قۇجاتقا قول قويۋ بىردەن جۇزەگە اسقان جوق. بۇعان قا­زاق­ستان جاعى قىتايدا AIBA-نىڭ كونگرەسى ءوتىپ جاتقان كەزدە قول جەتكىزدى. ال باسىندا ءجاسوس­پىرىم­دەر اراسىنداعى الەم چەمپيونا­تىن وتكىزۋدى فرانتسيا ءوز موينىنا الماقشى بولعان ەكەن. بىراق ولار ءبىر اي قالعاندا بۇل شەشىمدەرىنەن باس تارتىپتى. سودان كەيىن AIBA امالسىزدان الەم چەمپيو­ناتىن ءوت­كىزۋدى ازىربايجانعا ءوت­كىز­گەن بولا­تىن. مۇندا دا ءدال سون­داي جاع­داي قايتالانعان سوڭ AIBA قاراشا ايىندا قىتايدا وتكەن ءوزىنىڭ كەزەكتى كونگرەسىندە قازاقستاندى الەم چەمپيوناتىن وتكىزۋگە لايىق­تى ەل دەپ تاپتى. سودان بەرى قا­زاقستان استانادا جاسوسپىرىمدەر اراسىندا الەمدىك باسەكەنى وتكىزۋ ءۇشىن قولداعى بار جاعدايدىڭ ءبارىن جاساپ كەلەدى. ەكىنشىدەن, ال­ماتى ماڭىندا AIBA بوكس اكادە­مياسىن سالۋ ءجو­نىن­دەگى كەلىسىم دە ەكى جاققا وتە ماڭىزدى قۇجات بو­لىپ تابىلادى. بۇل اكادەميا­نىڭ قۇرىلىس جوبا­سى بىلتىر قاراشا ايىندا ال­ماتىدا وتكەن AIBA-نىڭ كونگرەسىندە بەكىتىلدى. مۇندا جاتتىعۋ زالدارى, ماماندار مەن سپورتشى­لاردىڭ ءوز بىلىكتىلىگىن ارت­­تىرۋ ءۇشىن ءدارىس وقىتىلاتىن ءبول­مەلەر, تورە­شى­لەر­دىڭ سانات­تا­رىن كوتەرۋگە ار­نال­عان ءدارىس زال­دارى, قوناق ءۇي, باسسەين مەن باسقا دا ينفرا­قۇرى­لىمدار قاراستى­رىل­عان. ونىڭ قۇ­رىلىسى 3-4 جىل­دىڭ ىشىندە اياق­تا­لادى. سودان كەيىن AIBA-عا مۇشە ەلدەردىڭ ما­مان­دارى, باپكەرلەرى مەن تورە­شى­لەرى وسى جەردە ءدارىس الاتىن بو­لا­دى. ەڭ باستىسى – اكادەميا جۇمى­سىن باستاعان كەزدە ءبىزدىڭ تورە­شى­لەر مەن باپكەرلەر دە بىلىكتىلىگىن ارتتىرۋ ءۇشىن اقشاسىن شىعارىپ, شەتەلگە بارماي, ءوز ەلىمىزدە ار­نايى ەمتيحان تاپسىرا الادى. داستان كەنجالين.