كەشە…

...جاستار اكتسياسى ءوتتى ەرجان بايتىلەس. كەشە قىزىلوردا وبلىستىق ىشكى ساياسات باسقارماسى مەن «قى­­زىلوردا جاستارى» قاۋىم­داس­تىعىنىڭ ۇيىمداستىرۋىمەن «بولاشاقتىڭ ىرگەسىن بىرگە قا­لاي­مىز!» اتتى جاستار اكتسياسى ءوتتى. اكتسيانىڭ باستى ماقساتى – جولداۋدىڭ باسىم باعىتتارى مەن نەگىزگى مىندەتتەرىن ءتۇسىندىرۋ جانە ناسيحاتتاۋ, جولداۋدىڭ ەل دامۋىنداعى ماڭىزى مەن قۇن­دىلىعىن ۇعىندىرۋ جانە جاس­تاردىڭ پاتريوتتىعى مەن بەلسەندىلىگىن ارتتىرۋ بولاتىن. اكتسياعا وبلىستاعى جاستار ۇيىمدارىنىڭ وكىلدەرى, مۇناي­شى­لار, دارىگەرلەر, مۇعالىمدەر, جو­عارى جانە ارناۋلى ورتا وقۋ ورىندارى ستۋدەنتتەرى مەن بەلسەندى جاستاردان تۇراتىن بار­لى­عى 3000-عا جۋىق ادام قاتىستى. شارا بارىسىندا وبلىستىق ىشكى ساياسات باسقارماسىنىڭ باستىعى رۋسلان رۇستەموۆ تاۋەلسىزدىك جىل­دارىنداعى بارلىق جەتىستىك­تەردىڭ نەگىزى ەلباسى جولداۋىن­دا جاتقانىن ايتىپ, ونىڭ ەل دا­مۋىنا ەلۋلى ۇلەس قوساتىنىن باسا جەتكىزدى. اكتسيا بارىسىندا قاتىسۋ­شى­لاردىڭ ۇندەۋى جاريا ەتىلدى. شارا سوڭى سىر ءوڭىرىنىڭ ونەرلى ونەرپازدارىنىڭ كونتسەرتتىك باع­دارلاماسىنا ۇلاستى. قىزىلوردا. * * * ...ونكۇندىك باستالدى ءنازيرا جارىمبەتوۆا. وبلىستىق ونكولوگيالىق اۋرۋلار ديسپانسەرى مەن سالاماتتى ءومىر سالتىن قالىپتاستىرۋ ورتا­لىعى بىرىگىپ,   قاتەرلى ىسىك اۋرۋ­لا­رى پروفيلاكتيكاسى بويىنشا ونكۇندىك باستادى. دارىگەرلەر مەن ماماندار  قاتەرلى ىسىك تۋرا­لى جۇرتشىلىقتى كوبىرەك حاباردار ەتۋ, ولاردىڭ  سانيتارلىق ءما­دەنيەتىن كوتەرۋدى باستى ماق­سات ەتىپ وتىر. ويتكەنى, قاتەرلى ىسىكتى ەرتە ساتىسىندا انىقتاۋ ادام ءومىرىنىڭ كەپىلى بولىپ تابىلادى. وبلىستا 2010 جىلى 2178 اۋرۋ انىقتالعان, سونىڭ 19 پايىزى ىسىكتىڭ اسقىنىپ كەتكەن كەزىندە تىركەلگەن. بۇگىندە قوستاناي وبلىسى بويىنشا  11 مىڭنان اسا  وسى قاتەرلى اۋرۋعا شالدىققان جان­داردىڭ  تەڭ جارتىسىنا جۋى­عى بەس جىلدان استام ءومىر سۇرۋدە. ولار قۇلانتازا ايىعادى دەگەن دە دارىگەرلەر ءۇمىتى بار. ون كۇن بويى ونكولوگيالىق ديسپانسەردە دارىگەرلەر لەكتسيالار وقى­دى, تىلەك بىلدىرگەندەردىڭ تەكسەرىلۋىنە دە بار مۇمكىندىك جاسالعان. قوستاناي. * * * ...سوت تورەلىگى ماسەلەسى قارالدى ەلىمىزدە سوت تورەلىگىن تەك سوت قانا جۇزەگە اسىراتىنى كونستيتۋتسيادا اتاپ كورسەتىلگەن. دەمەك, سوتقا تۇسكەن ىستەردى قاراعان كەزدە سوت تورەلىگىنىڭ ساپاسى زاڭدىلىقتىڭ ساقتالۋى,  شاعىم­داردىڭ قارالۋ ناتيجەسى اتالعان سالا قىزمەتكەرلەرىنەن كاسىبي بىلىكتىلىك پەن جاۋاپكەرشىلىكتى تالاپ ەتەدى. وسىعان وراي كەشە وب­لىستىق سوتتا ءوڭىر سۋديا­لارى­نىڭ وتكەن جىلى سوت تورە­لىگىن جۇزەگە اسىرۋ قورىتىندىسى قارالعان ءماجىلىس ءوتتى. ماجىلىستە 2010 جىلى وبلىس  سوتتارى جۇزەگە اسىرعان سوت تورەلىگى قىزمەتىن القا ءتور­اعا­لارى ل.مەرەكەنوۆ پەن ە.توتى­بايتەگى قورىتىندىلاپ,  سوت اكتىلەرى­نىڭ سانى مەن ساپاسىنا توقتالدى. وبلىستىق سوت توراعاسى م.تاي­­مەردەنوۆ سوتتاردىڭ تەك ءادىل­دىك, زاڭدىلىق جانە ناقتى­لىقپەن قابىلداعان شەشىمدەرى عانا جا­عىمدى قوعامدىق پىكىر قالىپ­تاستىرعانىن جەتكىزدى. سوت تورە­لىگى كورسەتكىشتەرىن تومەن­دەت­كەن سۋديالارعا الدا تالاپ قاتال بولاتىنى قاتاڭ ەسكەرتىلدى. وتكەن جىلدىڭ قورى­تىن­دىسىن ەكشەگەن جيىن بيلەردىڭ كاسىبي ءبىلىم-بىلىگىن  ەكشەدى. كۇمىسجان بايجان. الماتى وبلىسى.