ساكەنگە ارنالعان ەنتسيكلوپەديا

قاراعاندىداعى «بولاشاق» ۋني­ۆەرسيتەتى, ورتالىق  قازاقستان گۋ­مانيتارلىق عىلىمي-زەرتتەۋ ينس­تيتۋتىنىڭ شىعارماشىلىق توبى ازىرلەگەن بۇل بىرەگەي باسىلىم جاقىندا وقىرمان قاۋىم قولىنا ءتيدى. ونىڭ باستى ارقاۋى – قايسار قالامگەردىڭ, كورنەكتى قايراتكەر­دىڭ ادەبيەتتەگى, قوعامدىق-ساياسي ومىردەگى كۇرەسكەرلىك ءىس-قىزمەتىنە تىعىز بايلانىستى دەرەك-ءمالى­مەت­تەردى تولىق توپتاستىرۋعا, بارلىق تۋى­ندىلارىنىڭ تۋ, جازىلۋ ت­ا­ريحىن جان-جاقتى تانىستىرۋعا ارنالعان. سونىمەن قاتار جۇرت­شىلىققا جاقسى تانىمال «اباي, «شاكارىم» ەنتسيكلوپەديا­لارىن­داعىداي ءومىر سۇرگەن ورتاسىنداعى ارىپتەستەرى, تۋعان-تۋىستارى, دوس-جاراندارى, ايالاعان ارۋلارى, ءوزىن­دىك ىزدەنىستە, ۇستانىمدا, يدەيالىق وي-ماقساتتا پىكىرى ۇيلەسكەن-ءۇي­لەس­پەگەن تۇلعالار, شىعارما­لارىن­دا بەينەلەنگەن كەيىپكەرلەر, ونداعى سۋرەتتەلگەن جەر-سۋ اتاۋ­لارى تۋرا­لى مۇقيات باياندالادى. بۇل رەتتە كىتاپتىڭ باس رەداكتورى,  زاڭ عى­لىم­دارىنىڭ دوكتورى, پروفەسسور نۇرلان دۋلاتبەكوۆ ۇيىت­قىلىق ەتكەن جەرگىلىكتى ادە­بيەتشى, تاريحشى, ولكەتانۋشى عا­لىم­دار توبىنىڭ ىجداعاتتى زەرت­تەۋ­لەرى­نىڭ ەلەۋلى ەڭبەككە قوسىل­عان ءبىر ۇلەسى رەتىندە باعالاۋعا بولار ەدى. ءسابيت مۇقانوۆ, ەسماعامبەت, ىسمايىلوۆ, سەرىك قيراباەۆ, تۇر­سىنبەك كاكىشەۆ سىندى ساكەن­تانۋ­شىلاردىڭ ءار جىلداردا جا­ريا­لان­عان ماقالالارىمەن اشى­لىپ, ودان ءارى تاقىرىپ اۋقىمى جو­عارىدا اتالعان جايلارعا قا­تىس­­تى­رىلىپ ورىلگەن ەنتسيكلوپە­ديا­نىڭ اتىنا زاتى سايلىلىعىنا قاي وقىرمان دا كوز جەتكىزە الادى. ۇلتىمىزدىڭ اياۋلى ارىسى ءجونىن­دە جازىلعان, زەرتتەلگەن ەڭ­بەكتەر از ەمەستىگىن بىلەمىز. سو­لاردىڭ شو­عىرلى ورتاسىندا وسى­ناۋ تۋىندىنىڭ ءجونى دە, ءمانى دە بولەك بولارىنا سەنىم بار. ءسوز ورايىندا ايتا كەتسەك, ءسا­كەن­گە ارناپ  ەنتسيكلوپەديالىق با­سى­لىم شىعارۋ جونىندە وي تاس­تاعان پارلامەنت سە­ناتىنىڭ دە­پۋتاتى ورالباي ءابدى­كارىموۆتىڭ ءوزى دە رەداكتسيالىق القانىڭ ءمۇ­شەسى رەتىندە كولەمدى دە كۇردەلى ەڭبەكتىڭ سا­پالى دايىندالۋىنا ۇلەس قوسىپتى. وسىنداي ۇلكەن ءبىر ەڭبەكتى ءبىتىرىپ, قاناتتانعان  «بولاشاق» ۋنيۆەرسيتەتى جانىنداعى شىعار­ماشىلىق توپ العا جاڭا ماق­ساتتار قويىپ وتىر دەسەك, كەزەكتى ىزدەنىس بۇقار جىراۋ, قاز داۋىستى قازىبەك بي تۋرالى ەنتسيكلوپەديا ازىرلەۋگە باعىتتالعان. قازىر سول نيەتتەگى ءىس باستالىپ تا كەتتى. ايقىن نەسىپباي. قاراعاندى.