ەگيپەتتەگى جاعداي حاقىندا

سوڭعى كۇندەرى ەگيپەت اراب رەسپۋبليكاسىندا قالىپتاسقان جاعدايعا بايلانىستى قر ءسىم اتال­مىش ەلدەگى قازاقستاندىقتاردىڭ قاۋىپسىز­دى­گىن قامتاماسىز ەتۋ ماقساتىندا بارلىق ءتيىستى شارالاردى قابىل­داۋ­دا. ماسەلەن, ءبىزدىڭ ازامات­تا­رىمىزدى ەگيپەتتەن شى­عارۋ تۋرالى شەشىم قا­بىلدانىپ, قازىر تاياۋ تاۋلىك­تەردە كايرگە جانە ودان كەرى قاراي تجم-ءنىڭ ارنايى ۇشاعىنىڭ جىبەرىلۋى جونىندەگى جۇمىستار جۇرگىزىلۋدە. قر-نىڭ ەگيپەتتەگى ەلشىلىگى وسى ەلدەن كەتۋگە نيەتتى ازامات­تاردىڭ قازاقستانعا ورالۋىن قامتاماسىز ەتۋ ءجو­نىن­دەگى ءوتىنىش­تە­رىن قابىلداۋدا. ول ءۇشىن قر كون­سۋلى ەربول ەلۋ­باەۆپەن تومەن­دەگى تەلەفون ءنو­مى­رى ارقىلى باي­لانىسۋ قاجەت: (8-10-20) 126-789-300. سونىمەن بىرگە, كاير اۋەجايىمەن قاتار, ەگيپەت­تىڭ قالعان بارلىق حالىقارالىق اۋەجايلارى تۇ­راق­تى رەيستەردى قابىلداپ جانە ۇشىرىپ جاتقاندىعىن حابار­لايمىز. سون­دىقتان دا, ءبىز ەگيپەتتىڭ اۋ­دان­دارىندا قالىپ وتىرعان قازاق­ستان­دىقتارعا ەلدەن ءوز بەتتەرىنشە كەتۋگە ۇسىنىس بىلدىرەمىز. اتالعان ەلدەگى ءبىزدىڭ وتانداستارىمىزدىڭ سا­نىنا كەلسەك, قر-نىڭ ەگيپەتتەگى ەلشىلىگىنىڭ كون­سۋل­دىق ەسەبىندە قا­زاق­ستان­نىڭ 185 ازاماتى تۇر. ولار­دىڭ ىشىندە ءبىز­دىڭ ديپ­لوماتتاردىڭ كومەگىمەن شۇعىل تۇردە وتا­نىنا ورا­لۋ­عا 156 ادام تىلەك ءبىلدىردى. قازاق­ستان­دىق­تاردىڭ ءبىر بولىگى ەل­شىلىكتى ەسكەرتپەي-اق ەلگە ءوز بەتتەرىنشە كەلىپ جانە كەتىپ جاتقاندىعىن اتاپ ءوتۋ قاجەت. جوعارىدا اتالعان جاعدايعا بايلانىستى قر ءسىم قازاقستان ازاماتتارىنا بۇل ەلگە ۋاقىتشا بارماي تۇرا تۇرۋعا كەڭەس بەرەدى, دەپ حابارلادى قر ءسىم-ءىنىڭ ءباسپاسوز قىزمەتى.