مىندەتتەر بەلگىلەندى

29 قاڭتاردا پرەمەر-مينيستر كارىم ءماسىموۆتىڭ ءتور­اعالى­عىمەن ۇكىمەت وتىرىسى ءوتتى. پرەمەر-مينيستر مەملەكەت باس­­شىسىنىڭ پارلامەنت پالا­تا­لا­رىنىڭ بىرلەسكەن وتىرىسىندا قا­زاقستان حالقىنا جولداۋىندا جۇك­تەلگەن مىندەتتەردى ىسكە اسى­رۋعا دەرەۋ كىرىسۋ قاجەتتىگىن اتاپ كورسەتتى. ك.ءماسىموۆ اۋىل شارۋاشىلى­عى مينيسترلىگىنە يندۋستريا جانە جاڭا تەحنولوگيالار, ەكونومي­كا­لىق دامۋ جانە ساۋدا مينيسترلىكتەرىمەن بىرلەسە وتىرىپ, ەكى اپتالىق مەرزىمدە مال شارۋاشىلىعىن دا­مى­تۋ جونىندەگى جوبانى ىسكە اسىرۋدىڭ تەتىكتەرى مەن كەزەڭدەرى بويىنشا ۇسىنىستاردى ەنگىزۋدى تاپ­سىردى. يندۋستريا جانە جاڭا تەحنولوگيالار مينيسترلىگىنە ەكو­نوميكالىق دامۋ جانە ساۋدا, مۇ­ناي جانە گاز, قورشاعان ورتانى قورعاۋ مينيسترلىكتەرىمەن بىرلەسىپ, 1 شىلدەگە دەيىن ۇكىمەتتىڭ قارا­ۋى­نا ەنەرگيا تيىمدىلىگىن ارتتىرۋدىڭ كەشەندى جوس­پارىن ازىرلەپ, ەنگىزۋ تاپسىردى. ەكونوميكالىق دامۋ مينيسترلىگىنە وبلىستار مەن استانا جانە الماتى قالالارى اكىمدەرىمەن بىرلەسىپ, اعىمداعى جىلدىڭ 1 شىلدەسىنە دەيىن ۇدەمەلى يندۋستريالىق-يننوۆاتسيالىق دامۋ باعدارلا­ما­سىن ىسكە اسىرۋدى جانە ەكونو­مي­كانىڭ ءوسىم نۇكتەلەرىن قامتاماسىز ەتۋدى ەسكەرە وتىرىپ, اۋماقتاردى دامىتۋ باعدارلاماسىنىڭ جوباسىن ۇكىمەت قا­راۋىنا ەنگىزۋ تاپسى­رىل­دى. سو­نىمەن قاتار, 2011 جىلدىڭ 1 ءسا­ۋىرىنە دەيىن حالىقتى ساپالى اۋىز سۋمەن قامتاماسىز ەتۋدىڭ جاڭا باع­دار­لاماسىنىڭ جوباسىن ەنگىزۋ دە جۇكتەلدى. ءبىلىم جانە عىلىم مينيسترلىگىنە ەكى اپتالىق مەرزىمدە كاسىپتىك-تەحنيكالىق ما­مان­داردى دايارلاۋ جونىندەگى ۇلتتىق كەڭەستىڭ قۇرامى جانە ونىڭ 2011 جىلعى جۇمىس جوس­پارى ءجو­نىندە ۇسىنىس­تار ەنگىزۋدى تاپ­سىر­دى. دەنساۋلىق ساقتاۋ مينيسترلىگىنە ءبىر اي مەرزىم ىشىندە ۇكىمەتتىڭ قاراۋىنا حالىق­تىڭ ماق­سات­تى توپ­تارىنىڭ ارا­سىندا ۇلتتىق سكرينينگتىك زەرتتەۋلەر جۇرگىزۋدىڭ جوس­پارىن ەنگىزۋ تاپسىرىلدى. ءبىر اي ىشىندە كولىكتىك مەديتسينانى دا­مىتۋ, ونىڭ ىشىندە 50 اۆتوەمحانا, جولداعى دارىگەرلىك-قۇتقارۋ بەكەتتەرى جانە سانيتارلىق اۆياتسيانى 16 تىكۇشاقپەن تولىق­تى­رۋعا قا­تىس­تى ناقتى ۇسىنىستاردى ەنگىزۋ جۇك­تەلدى. مادەنيەت مينيسترلىگىنە تىلدەردى قولدانۋ مەن دامىتۋدىڭ  2011-2020 جىلدارعا دەيىنگى مەملەكەتتىك باع­دارلاماسىن جۇزەگە اسىرۋ ءجونىن­دەگى ءىس-شارالار جوسپا­رىن ازىرلەۋدى تەزدەتۋ تاپ­سىرىلدى. سونداي-اق, مينيسترلىككە ەكى اپتا مەرزىم ىشىندە ەلىمىز تاۋەلسىزدىگىنىڭ 20 جىل­دىعىن تويلاۋ جونىندەگى جال­پىۇلتتىق ءىس-شا­رالار جوس­پارىن جۇزەگە اسىرۋدىڭ تەتىكتەرى, ونىڭ ىشىندە مەرەي­توي­لىق شارالارعا ينۆەستورلار مەن وتان­دىق بيزنەس وكىلدەرىنىڭ قاتىسۋى ءما­سەلەلەرى بويىنشا ۇسىنىستاردى ەنگىزۋ تاپ­سىرىلدى. ەڭبەك جانە حا­لىقتى الەۋ­مەتتىك قورعاۋ مينيسترلىگىنە ءتيىستى مەملەكەتتىك ورگاندارمەن ءبىر­لەسىپ, 2011-2020 جىلدارعا دەيىنگى جۇ­مىسپەن قامتۋدىڭ تۇبە­گەي­لى جاڭا باع­دارلاماسىن ازىرلەۋ جۇك­تەلدى. قارجى مينيسترلىگىنە ءبىر اي مەرزىمدە قارجى قاداعالاۋ اگەنتتىگىمەن بىرلەسە شاعىن نەسيەلەندىرۋ قۇرال­دارىنا قولجەتىمدىلىكتى كەڭەي­تۋ­گە باعىت­تالعان كەشەندى ءىس-شارالار جونىندە ۇسىنىستار ازىرلەپ, ەنگىزۋ تاپ­سىرىلدى. 2011 جىلدىڭ 1 ءساۋى­رىنە دەيىن شاعىن نەسيەلەندىرۋ تە­تىكتەرىن جەتىلدىرۋگە باعىتتالعان زاڭ­داردىڭ جوباسىن ۇكىمەتتىڭ قا­راۋىنا ەنگىزۋ, قارجى جانە اۋىل شارۋا­شىلىعى مينيسترلەرىنە قول­جە­تىمدى شاعىن نەسيەلەندىرۋدى اۋىل شارۋا­شى­لىعىنىڭ وزەكتى ءما­سە­لە­لەرىمەن ساباقتاستىرۋدى جۇكتەدى. ك.ءماسىموۆ مەملەكەت باسشى­سىنىڭ جولداۋىنداعى تاپسىرما­لاردى ورىنداۋ جونىندەگى 2011 جىل­عى جالپىۇلتتىق ءىس-شارالار جوس­پارىن قىسقا مەرزىمدە ازىرلەۋ قا­جەتتىلىگىن اتاپ ءوتتى. ۆەنەرا تۇگەلباي.