ۇيالى بايلانىس قىزمەتىن كورسەتۋ تۋرالى جالپىعا ورتاق شارت

وسى جالپىعا ورتاق شارت (بۇدان ءارى – شارت) بۇدان ءارى «وپەراتور» دەپ اتالاتىن قازاقستان رەسپۋبليكاسى كولىك جانە كوممۋنيكاتسيا مينيسترلىگى 24.08.1998 ج. بەرگەن متك № دس 0000317 «قازاقستان رەسپۋب­ليكاسىنىڭ اۋماعىندا GSM ستاندارتىنىڭ ۇيالى بايلانىسىنىڭ قىزمەتىن ۇسىنۋ ءجو­نىندەگى كاسىپكەرلىك قىزمەتىمەن اينالىسۋعا ارنالعان» قازاقستان رەسپۋبليكاسىنىڭ مەملەكەتتىك ليتسەنزياسى (بۇدان ءارى – «ليتسەنزيا») نەگىزىندە ءىس-ارەكەت جاسايتىن «كار-تەل» جاۋاپكەرشىلىگى شەكتەۋلى سەرىكتەستىگىنىڭ بۇ­دان ءارى «ابونەنت» دەپ اتالاتىن وندا ايقىندالعان تالاپتارعا سايكەس وسى شارتقا قوسىلعان تۇلعاعا ۇيالى بايلانىس قىزمەتىن ۇسىنۋ تالاپتارىن ايقىندايدى. 1. شارت ءمانى 1.1. وسى شارت بويىنشا وپەراتور ابونەنتكە تاڭدالعان تاريفتىك جوسپارعا سايكەس ۇيالى بايلانىس قىزمەتىن (بۇدان ءارى – «قىز­مەتتەر») كورسەتەدى, ال ابونەنت وسى شارتپەن كوزدەلگەن تارتىپپەن وپەراتور كورسەتەتىن قىزمەتتەردى تولەيدى. 1.2. وپەراتور ابونەنتكە ابونەنتتىك ءنومىردى جانە سايكەستەندىرۋ كارتاسىنىڭ ءنو­مىرىن (SIM-كارتاسىن) بولەدى. 1.3. وپەراتور ابونەنتكە مىناداي نەگىزگى قىزمەتتەردى كورسەتەدى: – شۇعىل شاقىرۋلاردى قوسا العاندا, داۋىس بايلانىسىنىڭ قىزمەتى; – قىسقا ماتىندىك حابارلامالاردى جىبەرۋ قىزمەتتەرى. 1.4. ۇيالى بايلانىس جەلىسىنىڭ مۇمكىن­دىكتەرىنە قاراي وپەراتور انىقتاعان تىزىمدەگى كورسەتىلەتىن قوسىمشا قىزمەتتەر ابونەنتتىڭ ءوتىنىشى بويىنشا ۇسىنىلادى. 1.5. كەلىسىم-شارت بويىنشا وپەراتوردىڭ ابونەنت تاڭداعان تاريف جوسپارى, قوسىمشا كورسەتىلەتىن قىزمەتتەر ءتىزىمى, سونىمەن قاتار ناۋقاندار تۋرالى اكتسيالار وپەراتوردىڭ سايتىندا, وپەراتوردىڭ جانە/نەمەسە ءۇشىنشى تۇلعالاردىڭ كەڭسەلەرىندە جازىلادى جانە/نەمەسە قىسقا ماتىندىك حابارلامالار جىبەرۋ ارقىلى جانە/نەمەسە وپەراتوردىڭ قىز­مەتتەرى تۋرالى جارنامالىق ماتەريال­دا­رىن­دا جانە/نەمەسە وپەراتوردىڭ اقپاراتتىق-انىقتامالىق قىزمەتتەرىندە جاريالانادى. وسىعان وراي ابونەنت وپەراتوردىڭ قوسىمشا قىزمەتتەرىنە تاپسىرىس بەرە وتىرىپ, سول قىزمەتتەردىڭ كورسەتىلۋ شارتتارىمەن, تاريفتەلۋى, تولەم جولدارىن جانە ونى الۋعا ءوز كەلىسىمىن بەرەدى. وپەراتور قىزمەتتەرىنىڭ ءتىزىمى وسىمەن توقتاپ قالمايدى جانە ونى وپەراتور تو­لىقتىرىپ وتىرۋى مۇمكىن. 2. جالپى ەرەجەلەر 2.1.    وسى شارتتىڭ ماقساتى ءۇشىن مىناداي نەگىزگى تۇسىنىكتەمەلەر قولدانىلادى: ابونەنت – وسى ماقسات ءۇشىن ابونەنتتىك ءنومىردى جانە (نەمەسە) سايكەستەندىرۋ كودىن بولە وتىرىپ, وسى شارت ونىمەن جاسالعان جەكە نەمەسە زاڭدى تۇلعا. ابونەنتتىك ءنومىر – وسى شارتتى جاساۋ كەزىندە ابونەنتكە بولىنەتىن جانە ونىمەن باسقا ابونەنتتىك قۇرىلعىلاردى قوسۋ كەزىندە ابونەنتتىك قۇرىلعىنى وپەراتور جەلىسىنە قوسۋدى سايكەستەندىرۋشى تەلەفون ءنومىرى. ابونەنتتىك قۇرىلعى – ابونەنت تاپسىر­عان اقپاراتتى بەرۋ نەمەسە قابىلداۋ ءۇشىن ەلەكتر بايلانىسى دابىلدارىن قالىپتاس­تى­راتىن نەمەسە وپەراتور جەلىسىنە قوسىلاتىن جەكە پايدالانۋ بايلانىسى قۇرالى. سىمسىز مودەم (USB-مودەم) – بۇل اق­پا­راتتاردى جىبەرىپ/قابىلداۋ ءۇشىن عالامتورعا قوسىلۋعا وپەراتور جەلىسىن پايدالاناتىن جىبەرىپ-حابارلاۋشى. ۇيالى بايلانىستىڭ جەلىسىن قولدانۋ ءۇشىن مودەمگە SIM-كارتا سالىنادى. تاريفتەندىرۋ بىرلىگى – ابونەنت تاڭ­دا­عان تاريفتىك جوسپارعا سايكەس وپەراتور كور­سە­تەتىن قىزمەتتەردىڭ ءتيىستى ءتۇرى ءۇشىن تولەم الىناتىن اقپاراتتىڭ ۋاقىتىن, سانىن نەمەسە كولەمىن ولشەۋ بىرلىگى. وپەراتوردىڭ قىزمەت كورسەتۋ ايماعى – وپەراتور ليتسەنزياعا جانە ءوز جەلىسىنىڭ تەحنيكالىق مۇمكىندىكتەرىنە سايكەس قىزمەت­تەر كورسەتەتىن اۋماق. سايكەستەندىرۋ (يدەنتيفيكاتسيالىق) كو­دى – ءوندىرۋشى-زاۋىت يەمدەنگەن ابونەنتتىك قۇرىلعى نەمەسە ابونەنتتىك ستانتسيا باي­لانىس وپەراتورى جەلىسىنە قوسىلعاندا جىبەرىلەتىن كود. ەكسپرەسس تولەم كارتاسى – وپەراتور جەلىسىندە ابونەنتتىڭ قولجەتىمدىلىگىنىڭ جا­سى­رىن جەكە كودى بار, ابونەنتكە وپەراتور قىز­مەت­تەرىن كورسەتە الاتىن قاراجات مولشەرى كور­سەتىلگەن, سونىمەن قاتار بەلسەندىرۋ ءتارتى­بىمەن وپەراتور وندىرگەن كارتون نەمەسە پلاس­تيكالىق كارتا. جەكە كابينەت – كومپانيا سايتىنداعى ابونەنتتىڭ جەكە ءبولىمى, وعان تىركەلگەننەن كەيىن, ابونەنت جەكە مالىمەتتەرى تۋرالى, بايلانىس قىزمەتتەرىنىڭ شوتتارىن (تولەم­دەر, شوت جاعدايى, شوت بويىنشا ەگجەي-تەگجەيلى اقپارات), تاريف جوسپارلارى مەن قو­سىمشا قىزمەتتەر تۋرالى اقپارات الادى. تاريف جوسپارى مەن ەسەپتەسۋ جۇيەسىنىڭ شارت­تارىنا سايكەس جەكە ەسەپتىك جازبالارىن, جەلى قىزمەتتەرىن, ابونەنتتىك قىزمەت كورسەتۋدى (قوسىمشا قىزمەتتەردى قوسۋ/اجىراتۋ, تەڭگە­رىمدى تولتىرۋ, تاريف جوسپارىن اۋىستىرۋ جانە باسقالار) باسقارۋدى جۇزەگە اسىرادى. دەربەس شوت – ابونەنتتىڭ وپەراتور قىز­مەتتەرىن تولەۋگە ەنگىزىلگەن اقشالاي قاراجا­تىنىڭ ءتۇسۋى مەن جۇمسالۋىن, سونداي-اق وپەراتور قىزمەتتەرىنىڭ كورسەتىلگەن كولەمىنىڭ ەسەبىن جۇرگىزۋگە ارنالعان وپەراتوردىڭ انا­ليتيكالىق ەسەپ قۇجاتى (وپەراتوردىڭ اۆتو­ماتتاندىرىلعان ەسەپ ايىرىسۋ جۇيەسىندەگى ەلەكتروندىق فايل). ابونەنتتىڭ ۇيالى بايلانىس قىزمەتتەرىن قولدانۋى جانە تولەمدەردىڭ ءتۇسۋى بويىنشا جاسالعان امالداردىڭ ەسەبىن جۇرگىزۋگە ارنالعان وپەراتوردىڭ اناليتيكالىق ەسەپ (وپەراتوردىڭ اۆتوماتتاندىرىلعان ەسەپ ايىرىسۋ جۇيەسىندەگى ەلەكتروندىق فايلى) قۇجاتى. پرايس-پاراق – ولاردىڭ قۇنىن كورسەتە وتىرىپ, وپەراتور كورسەتەتىن قىزمەتتەردىڭ رەتكە كەلتىرىلگەن تىزبەسى. ەسەپتىك كەزەڭ (ەسەپ ايىرىسۋدىڭ نەسيەلىك ءتارتىبى ءۇشىن) – ول مەرزىم ىشىندە ابونەنت وسى شارت بويىنشا وپەراتور كورسەتكەن قىزمەتتەردى تولەيتىن ەسەپتىك كەزەڭنىڭ اياق­تالۋىنان كەيىنگى وتىز كۇنتىزبەلىك كۇن. تىركەۋ پاراعى – ابونەنت تۋرالى ءمالى­مەتتەردى, ابونەنتتىك ءنومىر تۋرالى اقپاراتتى جانە وسى كەلىسىم-شارتتى جاساسۋ بارىسىندا تاڭدالعان تاريفتىك جوسپار تۋرالى اقپا­رات­تى قامتيتىن وسى كەلىسىم-شارتقا قوسىمشا. روۋمينگ – وپەراتوردىڭ باسقا ۇيالى باي­لانىس وپەراتورلارى اراسىنداعى روۋمينگتىك كەلىسىم نەگىزىندە باسقا ۇيالى بايلانىس وپە­راتورى جەلىسىندە ابونەنتتىڭ ۇيالى بايلانىس قىزمەتىن ۇسىنۋى. وپەراتور سايتى – وپەراتوردىڭ ينتەرنەت (عالامتور) جەلىسىندەگى www.beeline.kz مە­كەن-جايىنداعى اقپاراتتىق رەسۋرسى (دەرەككوز). تاريفتىك جوسپار – وپەراتوردىڭ ابونەنتتەرگە نەمەسە ابونەنتتەردىڭ بەلگىلى ءبىر توبىنا نە بەلگىلى ءبىر شەكتەۋلى اۋماقتا بەلگىلەيتىن تاريفتىك ۇسىنىستارىنىڭ جۇيەسى. ەسەپتىك كەزەڭ – قىزمەتتەر كورسەتىلگەن جانە ەسەپتەلىنگەن كۇنتىزبەلىك اي. شارتتى سوما – ابونەنتتىڭ اقشالاي ەكۆي­ۆالەنتتىگى كورىنىستەگى قىزمەتتەردى الۋعا ار­نالعان قۇقىقتارىنىڭ كولەمى. وپەراتور قىزمەتتەرى – وپەراتوردىڭ ابونەنتكە كورسەتەتىن نەگىزگى جانە قوسىمشا ۇيالى بايلانىس قىزمەتتەرى. SIM-كارتا – ابونەنتتى سايكەستەندىرەتىن جانە ابونەنتتىڭ وپەراتور قىزمەتتەرىنە قول­جە­تىمدىلىگىن قامتاماسىز ەتەتىن ابونەنتتىك قۇ­رىلعىنىڭ بولىگى بولىپ تابىلاتىن ميكرو­پرو­تسەس­سورلىق مودۋلدەن تۇراتىن دەربەس قول­جەتىمدىلىك كارتاسى. 2.2. شارت جاريا بولىپ تابىلادى, شارت­تىڭ تالاپتارى قازاقستان رەسپۋبليكاسىنىڭ قول­دانىستاعى زاڭناماسىنا جانە ليتسەنزياعا سايكەس ازىرلەنگەن جانە وپەراتور دەربەس ورنا­تادى. شارتتىڭ تالاپتارىن ابونەنت شارتتىڭ اجىراماس بولىگى بولىپ تابىلاتىن تىركەۋ نى­سانىنا (شارتقا №1 قوسىمشا) قول قويۋ ار­قىلى تۇتاستاي العاندا, وعان قوسىلۋ جولىمەن قابىلداۋى مۇمكىن. 2.3. ابونەنتتىڭ وسى شارت بويىنشا قۇ­قىقتارى مەن مىندەتتەرى قازاقستان رەسپۋبلي­كاسىنىڭ قولدانىستاعى زاڭناماسىندا جانە وسى شارتتا بەلگىلەنگەن تارتىپپەن باسقا تۇل­عالارعا بەرىلۋى مۇمكىن ەمەس. وپەراتور قا­زاق­ستان رەسپۋبليكاسىنىڭ قولدانىستاعى زاڭنا­ما­سىنا سايكەس باسقا زاڭدى جانە جەكە تۇلعالاردى ءوز قىزمەتىن جۇزەگە اسىرۋ ءۇشىن تارتۋعا قۇقىلى. 2.4. وپەراتور قازاقستان رەسپۋبليكاسىنىڭ قولدانىستاعى زاڭناماسىنا سايكەس وسى شارت­تى ورىنداۋ كەزىندە ابونەنت تۋرالى قىز­مەتتىك اقپاراتتىڭ (تەلەفون نومىرلەرى, ءساي­كەستەندىرۋ كودتارى, ەلەكتروندىق پوشتا مەكەن-جايى, پوشتا مەكەن-جايى, جەكە تۇلعا ءۇشىن جەكە سايكەستەندىرۋ ءنومىرى, دەرەكتەمەلەر (زاڭدى تۇلعالار ءۇشىن) بيزنەس سايكەستەندىرۋ ءنومىرى, قوسىلعان قۇن سالىعى بويىنشا ەسەپكە قويۋ تۋرالى كۋالىك), بيلينگتىك مالىمەتتىڭ جانە ابو­نەنتكە ۇسىنىلاتىن قىزمەتتەر تۋرالى ءما­لىمەتتىڭ, دەرەكتەردى بەرۋ جەلىسىندەگى ابونەنت­تىڭ مەكەن-جايىنىڭ, دەرەكتەردى بەرۋ جەلىسىندەگى ينتەرنەت رەسۋرستارعا جۇگىنۋ مەكەن-جاي­لارىنىڭ, ينتەرنەت رەسۋرستىڭ سايكەستەندىرۋ­شىلەرىنىڭ, دەرەكتەردى بەرۋ جەلىسىنىڭ حاتتا­ما­لارىنىڭ ەلەكتروندىق ەسەبىن جۇرگىزەدى. ابونەنت تىركەۋ پاراعىن تولتىرىپ, وسى شارتقا وتىرعاننان كەيىن وسى شارت بويىنشا تالاپ­تاردىڭ ورىندالۋى ماقساتىندا وپەراتوردىڭ ونىڭ ىشىندە, ءۇشىنشى تۇلعالاردى تارتا وتى­رىپ, ابونەنت تۋرالى قىزمەتتىك اقپاراتتى جيناۋدى, ساقتاۋدى جانە پايدالانۋدى جۇزەگە اسىرۋ قۇقىعىنا كەلىسىمىن بىلدىرەدى جانە قارسى ەمەس. وپەراتور ءوز قىزمەتى شەڭبەرىندە ولاردى ابونەنتتىڭ قوسىمشا كەلىسىمىن الماستان ءۋا­كىلەتتى ورگاندارعا جانە (نەمەسە) ۇيىمدارعا بەرۋگە قۇقىلى. 2.5. وپەراتوردىڭ قىزمەت كورسەتۋ ايما­عىن­دا وپەراتور ۇسىناتىن ۇيالى بايلانىس سا­پا­سى قازاقستان رەسپۋبليكاسىندا قولدانى­لا­تىن ستاندارتتار مەن تەحنيكالىق نورمالارعا سايكەس كەلەدى. 2.6.    راديوتولقىنداردىڭ تارالۋىنىڭ تا­بي­عي جاعدايلارىنا بايلانىستى ۇيالى باي­لا­نىس قىزمەتتەرىنىڭ ساپاسى قولايسىز مەتەورو­لوگيالىق جاعدايلاردىڭ, توپوگرافيالىق كە­دەر­گىلەردىڭ سالدارلارىنان (جەر ءۇستى جانە جەر استى تۇرعىن ءۇي جانە تۇرعىن ءۇي ەمەس قۇ­رىلىستاردىڭ, عيماراتتاردىڭ, يماراتتاردىڭ جانىندا, سونداي-اق, ولاردىڭ ىشىندە, رەلەف­تىڭ جانە قۇرىلىستاردىڭ ماڭىندا), ەنەرگيا كوزدەرىنىڭ جانىندا, تۋننەلدەردە, جەرتو­لە­لەردە, تەحنيكالىق سەبەپتەرگە بايلانىستى, سون­داي-اق, وپەراتوردىڭ قىزمەتىمەن بايلانىس­تى وزگە دە سەبەپتەرگە وراي ناشارلاۋى, ءۇزىلۋى, كەدەرگىلەرگە ۇشىراۋى نەمەسە بولماۋى مۇمكىن. اتالعان سەبەپتەردىڭ سالدارىنان بايلانىستىڭ ناشارلاۋى نەمەسە بولماۋى وپەراتوردىڭ ءوز مىندەتتەمەلەرىن ءتيىستى ورىنداماۋ فاكتىسى بو­لىپ تابىلمايدى. 2.7. ۇيالى بايلانىس جەلىسىنىڭ كونسترۋكتيۆتى ەرەكشەلىكتەرىنە بايلانىستى ابونەنتكە ۇسى­نىلاتىن ۇيالى بايلانىس وپەراتوردىڭ قۇ­زىرەتىنەن تىس ورنالاسقان باسقا بايلانىس وپە­راتورلارى (ونىڭ ىشىندە, ابونەنتتەردىڭ) جانە پايدالانۋشىلاردىڭ جابدىقتارىنىڭ ساپا­سى­نا بايلانىستى بولادى. 3. وپەراتوردىڭ قۇقىقتارى مەن مىندەتتەرى 3.1. وپەراتور مىنالارعا: 1) شارتتىڭ قولدانىلۋ مەرزىمىندە ابونەنتتىك ءنومىردى ابونەنتكە پايدالانۋعا بەرۋگە جانە وسى شارتتىڭ تالاپتارىنا سايكەس وپە­راتوردىڭ جەلىسىنە ابونەنتتىڭ ابونەنتتىك قۇرىلعىسىن قوسۋعا; 2) ابونەنتتىڭ تاڭداپ العان تاريف جوس­پارىنا سايكەس نەگىزگى قىزمەتتەر كورسەتۋگە; 3) ءوتىنىش نەگىزىندە ابونەنتكە قوسىمشا قىزمەتتەر كورسەتۋگە; 4) وپەراتوردىڭ ارەكەت ەتۋ اياسىندا ابونەنتكە وسى شارتتىڭ تالاپتارىنا سايكەس قىزمەت كورسەتۋگە; 5) ابونەنتكە ءتىزىمى قازاقستان رەسپۋب­لي­كا­سىنىڭ زاڭناماسىندا ايقىندالعان شۇعىل مە­ديتسينالىق, قۇقىق قورعاۋ, ءورت, اپات, ان­ىق­تاما جانە باسقا دا قىزمەتتەرمەن تەگىن قو­سى­لۋ­لار­دى ۇسىنۋدى قامتاماسىز ەتۋگە; 6) ابونەنتتەردىڭ قىزمەت كورسەتۋ ورىن­دا­رىندا, وپەراتوردىڭ اقپاراتتىق سايتىندا ونى ورنالاستىرۋ جولىمەن جانە/نەمەسە قازاقستان رەسپۋبليكاسىنىڭ قولدانىستاعى زاڭناماسىنا قايشى كەلمەيتىن وزگە دە وسى شارتتا قا­راس­تىرىلعان تاسىلدەرمەن ابونەنتتەرگە وپەراتور جانە كورسەتىلەتىن ۇيالى بايلانىس قىزمەتتەرى تۋرالى تولىق جانە شىنايى اقپاراتتى ۇسى­نۋعا; 7) قىزمەتتەردى پايدالانۋدىڭ ماسەلەلەرى بويىنشا ابونەنتكە تەگىن كەڭەس بەرۋدى ۇيىم­داستىرۋعا; 8) وپەراتوردىڭ نورماتيۆتىك-تەحنيكالىق قۇجاتتارىنا سايكەس كورسەتىلەتىن قىزمەت­تەر­دىڭ كەمشىلىكتەرىن جويۋ جونىندەگى شارالاردى قابىلداۋعا; 9) ابونەنتتىڭ جازباشا ءوتىنىشى بويىنشا وپەراتوردىڭ كىناسى بويىنشا بايلانىستىڭ بول­ماۋى جاعدايىندا قىزمەتتەر ءۇشىن تولەمدى قايتا ەسەپتەۋدى جۇرگىزۋگە; 10) ابونەنتكە (جەكە باسىن كۋالاندىراتىن قۇجاتتى ۇسىنۋ كەزىندە) ابونەنت العان اعىم­داعى ەسەپتىك كەزەڭدەگى قىزمەتتەر, ولاردى پايدالانۋ ۋاقىتى, ولاردىڭ ۇزاقتىعى مەن قۇنى تۋرالى, ابونەنتتىڭ وپەراتوردىڭ وفيسىنە ءتيىستى جازباشا وتىنىشىمەن ابونەنتتىڭ كەلۋى كەزىندە بايلانىستىڭ باسقا پايدالانۋ­شى­لا­رى­مەن بارلىق شىعىس قوسىلىستارى تۋرالى اق­پاراتتى تەگىن ۇسىنۋعا مىندەتتى. وتكەن ەسەپتىك كەزەڭ ءۇشىن اتالعان اقپاراتتى ۇسىنۋ ابونەنتكە مولشەرى پرايس-پاراقتا كورسەتىلەتىن تولەم­گە ۇسىنىلادى; 11) ەگەر شوتتاردى جەتكىزۋ قىزمەتى ابونەنتتىڭ تاڭدالعان ەسەپ ايىرىسۋ تارتىبىندە كوزدەلەتىن بولسا, وسى شارتتا كورسەتىلگەن مەكەن-جاي بويىنشا نەمەسە ەلەكتروندىق پوشتا بويىنشا ابونەنتكە قىزمەتتەر ءۇشىن شوتتى قويۋعا جانە ولاردى تەگىن جەتكىزۋگە; 12) ابونەنتكە ولاردى الۋ ساتىنەن باستاپ 30 (وتىز) كۇنتىزبەلىك كۇننەن كەشىكتىرمەي جازباشا جۇگىنۋلەرگە نەمەسە تالاپ-ارىزدارعا جازباشا جاۋاپتى جىبەرۋگە; 13) ابونەنتكە كورسەتىلگەن قىزمەتتەر ءۇشىن ارتىق تولەنگەن اقشا قاراجاتىن قايتارۋعا نەمەسە ولاردى قىزمەتتەردى اۆانستاۋ رەتىندە ەسەپتەۋگە; 14) تاۋلىك بويى رەجىمىندە ابونەنتتى اع­ىم­داعى شوتتاعى اقشا تەڭگەرىمىن تەكسەرۋ ءمۇم­كىندىگىن قامتاماسىز ەتۋگە; 15) ابونەنتتىڭ تولەمدى راستاۋىن وپەرا­توردىڭ الۋى نەمەسە قىزمەتتەردى تولەۋ ءجونىن­دەگى بەرەشەكتى جويۋىن راستايتىن قۇجاتتاردى الۋى ساتىنەن باستاپ 24 ساعات ىشىندە قىز­مەتتەردى كورسەتۋدى جاڭعىرتۋعا; 16) ابونەنتتىڭ دەربەس شوتىنداعى اقشا­لاي قاراجاتىنىڭ مولشەرىنە بايلانىستى ابونەنتكە كورسەتىلەتىن قىزمەتتەر كولەمىن شەكتەۋگە; 17) قازاقستان رەسپۋبليكاسىنىڭ قولدانىس­تاعى زاڭناماسىندا كوزدەلگەن وزگە دە مىندەتتەردى كوتەرۋگە مىندەتتى. 3.2. وپەراتور مىنالارعا: 1) وسى شارتتىڭ تالاپتارىنا, سونداي-اق, جالپى قولجەتىمدى تاسىلمەن (ونىڭ ىشىندە: بۇقارالىق اقپارات قۇرالدارى ارقىلى نەمەسە قىسقا ماتىندىك حابارلامالاردى جىبەرۋ جولى­مەن نە اقپاراتتى وپەراتوردىڭ سايتىندا جانە (نەمەسە) وپەراتوردىڭ جانە (نەمەسە) ءۇشىنشى تۇلعالاردىڭ وفيستەرىندە ورنالاستىرۋ جولى­مەن) ابونەنتتى بۇل تۋرالى حابارلاندىرا وتى­رىپ, ۇيالى بايلانىستىڭ قىزمەتتەرىن كورسەتۋ تالاپتارىنا وزگەرىستەر (تولىقتىرۋلار) ەنگىزۋگە قۇقىلى. وسى شارتتىڭ تالاپتارىنا وزگە­رىستەر (تولىقتىرۋلار) ەگەر, شارتقا وزگەرىس­تەردى (تولىقتىرۋلاردى) ەنگىزۋ تۋرالى ابونەنتتى حابارلاندىرۋ ساتىنەن باستاپ 30 (وتىز) كۇنتىزبەلىك كۇننىڭ اياقتالۋى بويىنشا وسىنداي وزگەرىستەردى قابىلداۋدان جازباشا باس تارتۋدى وپەراتور الماعان جاعدايدا ابونەنت قا­بىلداعان دەپ سانالادى; 2) وسىنداي وزگەرىستەردىڭ كۇشىنە ەنۋىنە دەيىن 15 (ون بەس) كۇنتىزبەلىك كۇننەن كەشىكتىرمەي ابونەنتتى جالپى قولجەتىمدى تاسىلمەن (ونىڭ ىشىندە: بۇقارالىق اقپارات قۇرالدارى ارقىلى نە اقپاراتتى وپەراتوردىڭ سايتىندا جانە (نەمەسە) وپەراتوردىڭ جانە (نەمەسە) ءۇشىنشى تۇلعالار وفيستەرىندە ورنالاستىرۋ جولىمەن) ابونەنتتى بۇل تۋرالى حابارلاندىرا وتىرىپ, تاريفتەردى وزگەرتۋگە, جاڭا تاريفتىك جوسپار­لاردى ەنگىزۋگە, وزگەرتۋگە جانە تاراتۋعا قۇقى­لى. بۇل رەتتە, وسى شارت ەگەر, ابونەنت ول بويىنشا وعان قىزمەتتەر كورسەتىلگەن تاريفتىك جوسپاردى تاراتۋ تۋرالى حابارلاما ساتىنەن باستاپ 30 (وتىز) كۇنتىزبەلىك كۇن ىشىندە باسقا تاريفتىك جوسپار بويىنشا قىزمەت كورسەتۋگە كوشپەيتىن جاعدايدا كۇشىن توقتاتادى; 3) ابونەنتتەن الدىن الا حابارلاماسىز ابو­نەنتتىك قۇرىلعىنىڭ جوعالۋى نەمەسە ۇرلا­نۋى, نەمەسە ۇنەمى قۇزىرلى ەمەس باسقا تۇل­عانىڭ قولدانۋى تۋرالى اقپاراتتىڭ كەلىپ تۇسۋىنە, سونداي-اق قازاقستان رەسپۋبليكا­سى­نىڭ قولدانىستاعى زاڭناماسىندا جانە وسى شارتتا كوزدەلگەن جاعدايلارداعى ءبىر جاقتى تارتىپپەن شارتتىڭ كۇشىن توقتاتا تۇرۋعا نەمەسە توقتاتۋعا; 4) ابونەنتتىڭ وسى شارتتىڭ تالاپتارىن بۇزۋى جاعدايىندا ابونەنتكە جازباشا حابار­لامانى نەمەسە قىسقا ماتىندىك حابارلامانى جىبەرۋ كۇنىنەن باستاپ 10 (ون) كۇنتىزبەلىك كۇن­نىڭ اياقتالۋى بويىنشا بۇزۋشىلىقتاردى تو­لىق جويعانعا دەيىن قىزمەتتەردى ۇسىنۋدى توق­تاتا تۇرۋعا (قىزمەتتەردى ۇسىنۋدى جاڭعىرتۋ بۇزۋشىلىقتاردى تولىق جويۋدان كەيىن وپەرا­توردىڭ تاريفتەرى بويىنشا جۇرگىزىلەدى); 5) ابونەنتتىڭ وسى شارتتىڭ تالاپتارىن بۇزۋى جاعدايىندا, وندا بىرنەشە ابونەنتتىك نومىرلەردىڭ بولۋى كەزىندە باسقالارى بويىن­شا بەرەشەكتى وتەۋ ەسەبىنە ءبىر ابونەنتتىك ءنو­مىرلەر بويىنشا قىزمەتتەردى تولەۋگە الىنعان اقشا قاراجاتىن ەسەپتەۋگە نەمەسە ابونەنتتى الدىن الا حابارلاندىرۋسىز بارلىق ابونەنتتىك نومىرلەر بويىنشا قىزمەتتەردى ۇسىنۋدى توقتاتا تۇرۋعا; 6) قوسىمشا قىزمەتتەردى كورسەتۋ كەزىندە وپەراتور ابونەنتتى جالپى قولجەتىمدى ءتاسىل­مەن حابارلاندىرا (ونىڭ ىشىندە: قىسقا ءماتىن­دىك حابارلامالاردى جىبەرۋ جولىمەن نە اق­پاراتتى وپەراتوردىڭ سايتىندا جانە (نەمەسە) وپەراتوردىڭ جانە (نەمەسە) ءۇشىنشى تۇلعالار وفيستەرىندە ورنالاستىرۋ جولىمەن) وتىرىپ, وسىنداي قىزمەتتەردى ۇسىنۋ تالاپتارىن بەلگىلەۋگە قۇقىلى. 7) اۆانستىق ەسەپ ايىرىسۋ جۇيەسى ابو­نەن­تىنىڭ كەلىسىمىمەن نەسيەلىك تۇرعىدا قىزمەتتەر كورسەتىلەدى. اۆانستىق ەسەپ ايىرىسۋ ءتارتىبىنىڭ ابونەنتتەرىنە كورسەتىلەتىن قىزمەتتەردى وپەراتور ءوزى بەلگىلەيدى. وپەراتور نەسيەلىك تۇر­عى­دا كورسەتكەن قىزمەتتەر قۇنىن ابونەنت ءوزىنىڭ دەربەس شوتىن تولتىرۋ ارقىلى تولەيدى جانە وپەراتوردىڭ كورسەتىلگەن قىزمەتتەرىنىڭ قۇنىن ابونەنت قىزمەتكە قوسىلعاندا دەربەس شوت ەسەبىنەن شىعارۋعا كەلىسىمىن بەرەدى. 8) ابونەنتتىڭ كورسەتىلگەن قىزمەتتەر ءۇشىن بەرەشەكتەرى بولعان جاعدايدا ابونەنت شارت­تىڭ تالاپتارى مەن قازاقستان رەسپۋبليكا­سى­نىڭ قولدانىستاعى زاڭناماسىنا قايشى كەلمەي­تىن بەرەشەكتى وندىرۋگە قاجەتتى شارت ايا­سىندا الىنعان اقپاراتتاردى ءۇشىنشى تۇلعالار­عا جەتكىزۋگە قارسىلىعىن بىلدىرمەي, ءوز كەلىسىمىن بەرەدى, وپەراتور بەرەشەكتى ءوندىرۋ ءۇشىن ءۇشىنشى تۇلعالاردى جۇمىلدىرۋعا قۇقىلى. 11) قازاقستان رەسپۋبليكاسىنىڭ قولدانىس­تاعى زاڭناماسىندا كوزدەلگەن وزگە دە قۇ­قىقتاردى جۇزەگە اسىرۋعا قۇقىلى. 4. ابونەنتتىڭ قۇقىقتارى مەن مىندەتتەرى 4.1. ابونەنت مىنالارعا مىندەتتى: 1) ونى پايدالانۋ جونىندەگى نۇسقاۋلىققا سايكەس جانە بەلگىلى ءبىر اۋماقتا (اۋەجاي, ۇشاق جانە باسقالارى) قولدانىلاتىن ەرەكشە وكىم­دەر مەن ەرەجەلەردى, سونداي-اق, مۇمكىن بولا­تىن كەدەرگىلەردىڭ تۋىنداۋى جاعدايىنداعى نەمەسە قاۋىپتى جاعدايداعى شەكتەۋلەردى (مەدي­تسي­نالىق مەكەمەلەر, تەحنيكالىق قىزمەت كورسەتۋ ستانتسيالارى, وتىندى ساقتاۋ جانە تيەپ-ءتۇسىرۋ اۋماقتارى, جارىلىس جۇمىستارىن جۇرگىزۋ ور­ىندارى جانە باسقالارى) ەسكەرە وتىرىپ, قا­زاقستان رەسپۋبليكاسىنىڭ اۋماعىنداعى قولدا­نىس­تاعى ستاندارتتارعا جاۋاپ بەرەتىن سايكەستىك سەرتيفيكاتى بار ءتيىستى ساپاداعى ابونەنتتىك قۇرىلعىنى پايدالانۋعا; 2) ابونەنت قىزمەت كورسەتۋ شارتتارىمەن مۇقيات تانىسىپ, وپەراتورعا دۇرىس تولتى­رىلعان, قول قويىلعان تىركەۋ پاراعىن وپە­راتورعا تاپسىرۋعا; 3) شارتتىڭ تالاپتارىنا, تاڭدالعان ەسەپ ايىرىسۋلارعا جانە تاريفتىك جوسپارعا سايكەس قىزمەتتەردى ۋاقىتىلى تولەۋگە; 4) وپەراتورعا وسى شارتتىڭ 2.4-تارماعىنا سايكەس ابونەنت تۋرالى مالىمەتتەرگە جات­قى­زىلعان شىنايى دەرەكتەردى ۇسىنۋعا مىندەتتى. اتالعان دەرەكتەردىڭ وزگەرۋى جاعدايىندا وسىن­داي وزگەرىستەر ساتىنەن باستاپ 5 (بەس) كۇن­تىزبەلىك كۇن ىشىندە بۇل تۋرالى وپەراتوردى جازباشا حابارلاندىرۋعا; 5) جەكە جانە سايكەستەندىرۋ كودتارىن قۇ­پيادا ساقتاۋعا مىندەتتى. جەكە جانە/نەمەسە سايكەستەندىرۋ كودىن جوعالتۋ نەمەسە ولارعا ءۇشىنشى تۇلعالاردىڭ قولجەتىمدىلىگى تۋرالى اقپاراتتىڭ بولۋى جاعدايىندا بۇل تۋرالى وپەراتورعا جەدەل جازباشا نەمەسە اۋىزشا نىساندا (اۋىزشا نىساندا حابارلاعان ساتتەن 12 ساعاتتان كەش ەمەس مەرزىمدە جازباشا نىساندا) حابارلاۋعا; 6) ابونەنتتىك ءنومىردى ءۇشىنشى تۇلعاعا بەرۋ كەزىندە بۇل تۋرالى وپەراتورعا جەدەل حابار­لاۋعا جانە شارتتى جاڭا ابونەنتكە قايتا رەسىمدەۋگە مىندەتتى. وسى تارماقتا بەلگىلەنگەن ءتارتىپتى بۇزۋمەن بايلانىستى ءۇشىنشى تۇلعا­لاردىڭ ابونەنتتىك ءنومىردى پايدالانۋى ابونەنتتى شارتتىڭ تالاپتارىن ورىنداۋ ءۇشىن جاۋاپكەرشىلىكتەن بوساتپايدى; 7) ابونەنتتىك قۇرىلعىنى, ابونەنتتىڭ سايكەستەندىرۋ كارتاسىن, USB –مودەمدى جانە قىزمەتتەرگە بايلانىستى باسقا دا قۇرىل­عى­لاردى كامەلەتكە تولماعان جاسوسپىرىمدەردى قو­سا العاندا, ءۇشىنشى تۇلعالاردىڭ پايدالانۋ­لا­رى مەن قولجەتىمدىلىگىن قاتاڭ ءوزى باقىلاۋعا; 8) SIM-كارتانىڭ زاقىمدانۋى, جوعالۋى, ۇرلانۋى جاعدايىندا بۇل تۋرالى وپەراتورعا وپەراتور قىزمەتتەرىن توقتاتۋ وتىنىشىمەن جازباشا نەمەسە اۋىزشا نىساندا (اۋىزشا نىساندا حابارلاعان ساتتەن 12 ساعاتتان كەش ەمەس مەرزىمدە جازباشا نىساندا) حابارلاۋعا; 9) قازاقستان رەسپۋبليكاسىنىڭ قولدانىس­تاعى زاڭناماسىندا كوزدەلگەن وزگە دە مىندەتتەردى كوتەرۋگە مىندەتتى. 4.2. ابونەنت مىنالارعا: 1) وپەراتوردىڭ ۇيالى بايلانىس جەلىسىن قا­زاقستان رەسپۋبليكاسىنىڭ قولدانىستاعى زاڭ­نا­ماسىنىڭ ەرەجەلەرىنە جانە وسى شارتتىڭ تالاپتارىنا سايكەس قولدانىستاعى ستاندارتتارمەن, تەحنيكالىق نورمالارمەن جول بەرىلەتىن تاسىلدەرمەن راديوتەلەفون سويلەسۋلەرىن ءجۇر­گىزۋ جانە اقپاراتتى بەرۋ ءۇشىن پايدالانۋعا; 2) وپەراتوردان قازاقستان رەسپۋبليكاسى­نىڭ قولدانىستاعى زاڭناماسىندا كوزدەلگەن كو­لەمدە جانە تارتىپپەن قىزمەتتەردى كورسەتۋدىڭ مازمۇنى مەن ەرەكشەلىكتەرى, قىزمەتتەردى ءتو­لەۋ ءتارتىبى تۋرالى, وپەراتور قىزمەتىنىڭ جۇ­مىس رەجيمدەرى تۋرالى اقپاراتتى جانە باسقا دا اقپاراتتى الۋعا; 3) وپەراتور كەلىسىمىمەن ەسەپ ايىرىسۋ ءتار­تىبىن, تاريفتىك جوسپاردى, ۇسىنىلاتىن قىز­مەت­تەردىڭ جيىنىن تاڭداۋدى جانە/نەمەسە اۋ­ىس­تىرۋدى ابونەنت وزىنە ىڭعايلى جولمەن جۇزەگە اسىرۋىنا بولادى: – جازباشا نىسانداعى ءوتىنىش بەرۋ; – ابونەنتتىك قۇرىلعىنىڭ پەرنەتاقتا­سى­نان ساندار قيسىنىن (پارمەنىن) تەرۋ; – جەكە كابينەتە وزگەرىستەردى وزدىك ەنگىزۋ. 4) قازاقستان رەسپۋبليكاسىنىڭ قولدانىس­تاعى زاڭناماسىندا كوزدەلگەن وزگە دە قۇقىق­تاردى جۇزەگە اسىرۋعا قۇقىلى. 4.3. ابونەنتكە مىنالارعا: 1) باسقا ابونەنتتەرگە وپەراتوردىڭ قىز­مەت­تەرىن پايدالانۋعا كەدەرگى كەلتىرۋگە; 2) باسقا ابونەنتتەرگە ولاردىڭ كەلىسىمىنسىز (سپام) وپەراتوردىڭ جەلىسىن پايدالانا وتى­رىپ, جارناما, اقپاراتتىق جانە باسقا دا ما­تەريالداردى جاپپاي جىبەرۋدى جۇرگىزۋگە; 3) وپەراتور جەلىسىنىڭ كەز كەلگەن باعدار­لامالارىنا, دەرەكقورلارىنا جانە باسقا دا باعدارلامالىق ەلەمەنتتەردى قۇرايتىن جەلىلەرىنە وزدىگىنەن (زاڭسىز) ەنۋدى جۇرگىزۋگە, سونداي-اق, وپەراتور جەلىس جۇمىسىنىڭ بۇزىلۋىنا الىپ كەلۋى مۇمكىن كەز كەلگەن باسقا دا ءىس-ارەكەتتەردى جۇزەگە اسىرۋعا; 4) كەز كەلگەن كوممۋتاتسيالىق قۇرىلعىلار ارقىلى دابىلداردى تونالدىق تەرۋدىڭ كومە­گىمەن كىرىس جانە/نەمەسە شىعىس شاقىرۋلا­رىنىڭ قايتا جولداۋدى پايدالانۋعا; 5) سويلەسۋلەردىڭ تاريفتەلمەگەن ينتەرۆال­د­ارىن پايدالانۋ كەزىندە تەرىس پايدالانۋ­شى­لىقتارعا, سونداي-اق مارشرۋتيزاتسيانى بۇزۋ­مەن بايلانىستى تەرىس پايدالانۋشىلىقتارعا جول بەرۋگە; 6) وپەراتوردىڭ جەلىسى ارقىلى ۆيرۋستاردان نەمەسە باسقا دا زياندى قۇرامداس ءبو­لىك­تەردەن تۇراتىن تۇراتىن كەز كەلگەن اقپاراتتى نەمەسە باعدارلامالىق قامتاماسىز ەتۋدى بەرۋگە; 7) قوسىمشا قىزمەتتىڭ كەز كەلگەن تاسىلىمەن الىنعان باعدارلامالىق قامتاماسىز ەتۋدى نەمەسە يەسىنىڭ نەمەسە زاڭدى قۇقىق يەسىنىڭ رۇق­ساتىنسىز زياتكەرلىك مەنشىك قۇقىعىنىڭ وب­ەك­تىسى بولىپ تابىلاتىن باسقا دا ماتەريال­داردى بەرۋگە, شىعارۋعا نەمەسە تاراتۋعا; 8) ابونەنتتىك ءنومىردى جەلىنىڭ جۇمىسىن بۇزۋعا جانە وپەراتورعا زيان كەلتىرۋى مۇمكىن لوتورەيالاردى, داۋىس بەرۋلەردى, بايقاۋلاردى, ۆيكتورينالاردى, جارنامالاردى, سۇراۋ سالۋ­لار­دى, جاپپاي جىبەرۋلەردى, ءۇشىنشى تۇلعالارعا بايلانىس قىزمەتتەرىن ۇسىنۋعا, كەسىمدى بايلا­نىس جەلىسىندەگى, ءىر-تەلەفونياداعى قولجەتىم­دىلىك ءۇشىن شليۋزدەردى ورناتۋعا جانە باسقا دا ءىس-شارالاردى جۇرگىزۋ ءۇشىن پايدالانۋعا تىي­ىم سالىنادى. 5. وپەراتور قىزمەتتەرىنىڭ قۇنى جانە ەسەپ ايىرىسۋ ءتارتىبى 5.1. وپەراتور قىزمەتتەردىڭ بارلىق تۇرلە­رىنە ارنالعان تاريفتەردى دەربەس بەلگىلەيدى جانە تاريفتىك جوسپارلاردا كورسەتىلەدى. وپەراتور تاريفتىك جوسپارلاردىڭ تىزبەسىن, ولاردى پايدالانۋ تالاپتارىن, ولارعا ەنگىزىلگەن ۇيالى بايلانىس قىزمەتتەرىن جانە ولارداعى تاريفتەردى ايقىندايدى جانە وپەراتوردىڭ سايتىن­دا جانە (نەمەسە) وپەراتوردىڭ وفيستەرىندە ور­نالاستىرۋ ارقىلى جانە/نەمەسە ءۇشىنشى تۇلعا­لار نەمەسە قازاقستان رەسپۋبليكاسىنىڭ قولدا­نىستاعى زاڭناماسىندا شەكتەۋ قويىلماعان باسقا دا جولمەن ابونەنتتەردىڭ نازارىنا جەتكىزىلەدى. 5.2. قىزمەتتەر ءۇشىن تاريفتەر – قازاقستان رەسپۋبليكاسىنىڭ ۇلتتىق ۆاليۋتاسى – تەڭگەدە بەلگىلەنەدى. قىزمەتتەردى كورسەتۋ ءۇشىن بارلىق تولەمدەر قازاقستان رەسپۋبليكاسىنىڭ ۇلتتىق ۆاليۋتاسى – تەڭگەدە جۇرگىزىلەدى. 5.3. راديوتەلەفون قوسىلىسى ۇزاقتىعىنىڭ ەسەبى قابىلدانعان تاريفيكاتسيا بىرلىگىنە ءساي­كەس جۇرگىزىلەدى. قازاقستان رەسپۋبليكا­سىنىڭ زاڭ­ناماسىندا بەكىتىلگەن تاريفيكاتسيا بىرلىگى­نىڭ از مولشەرىنىڭ ترافيگى قىزمەتتەردىڭ اتال­عان ءتۇرى ءۇشىن تاريفيكاتسيا بىرلىكتەرىنىڭ تولىق مولشەرى رەتىندە تاريفتەلەدى. 5.4. قىزمەتتەر ءۇشىن ەسەپ ايىرىسۋلار مىناداي ەسەپ ايىرىسۋدىڭ جۇيەلەرى ارقىلى ابونەنت تاڭداعان ەسەپ ايىرىسۋدىڭ تارتىبىنە بايلانىستى جۇزەگە اسىرىلادى: ەسەپ ايى­رى­سۋدىڭ نەسيەلىك ءتارتىبى, ەسەپ ايىرىسۋدىڭ اۆانستىق ءتارتىبى. 5.5. وپەراتوردىڭ شوتىنا اقشا قاراجا­تى­نىڭ ءتۇسۋى نەمەسە وپەراتوردىڭ كاسساسىنا اق­شا قاراجاتىن ەنگىزۋ كۇنى تولەم كۇنى (ابو­نەنتتىڭ تەڭگەرىمىنە اقشا قاراجاتىن اۋدارۋ) دەپ سانالادى. 5.6. روۋمينگتە كورسەتىلگەن قىزمەتتەردىڭ قۇنى روۋمينگ سەرىكتەستەرىنىڭ بەرەتىن اقپاراتى كەلىپ تۇسكەن سايىن ەسەپتەلەدى. روۋمينگ با­رىسىندا كىرىس جانە شىعىس بايلانىس, ونىڭ ىشىندە باعىتتاۋلار وپەراتور تاريفتەرىندە كورسەتىلگەندەي تولەنۋگە جاتادى. تاريفتەر مەن قىزمەتتەردى كورسەتۋ شارتتارى وپەراتور سايتىندا جانە/نەمەسە وپەراتوردىڭ جانە/نەمەسە ءۇشىنشى تۇلعالار وفيسىندە كورسەتىلگەن. 5.7. قىزمەت كورسەتۋگە (روۋمينگ جانە ت.ب.) جۇمىلدىرىلعان بايلانىس وپەراتورلارى جانە ءۇشىنشى تۇلعالارمەن ءوزارا ەسەپ ايىرىسۋ ەرەكشەلىگىنە قاراي كەيبىر جەكە قىزمەتتەر قۇنى كەيىنگى ەسەپتەسۋ كەزەڭىنىڭ ەگجەي-تەگجەيلى شوتىنا قوسىلۋى مۇمكىن. 5.8. ەسەپ ايىرىسۋدىڭ نەسيەلىك ءتارتىبى. 1) ەسەپتىك كەزەڭدە وپەراتور كورسەتكەن قىزمەتتەردى تولەۋدى ابونەنت وپەراتور قويعان شوت نەگىزىندە ەسەپتىك كەزەڭ ىشىندە جۇزەگە اسىرادى. وسى شارتقا قول قويۋ كەزىندە ابونەنت ءوزىنىڭ تاڭداعان تاريفتىك جوسپارىندا بەلگىلەنگەن سوماداعى كەپىلدى جارنانى تولەيدى. كەپىلدى جارنا روۋمينگ قىزمەتىن قوسۋ كەزىندە دە بەلگىلەنگەن. بەرەشەكتىڭ بولماۋى كەزىندە كەپىلدى جارنا شارتتى بۇزۋ كەزىندە نەمەسە ابونەنتتىك ءنومىردى ەسەپ ايىرىسۋدىڭ اۆانستىق تارتىبىنە كوشىرۋ كەزىندە ابونەنتتىڭ جەكە شوتىنا قايتارۋعا جاتادى. 2) ابونەنتتىڭ وسى شارتتىڭ 5.8-تارما­عى­نىڭ 1) تارماقشاسىندا كوزدەلگەن كورسەتىلگەن قىزمەتتەردى وپەراتوردىڭ تولەۋ مەرزىمىن بۇ­زۋى جاعدايىندا وپەراتور الدىن الا جازباشا حابارلاندىرۋسىز مىنالارعا: ا) قىزمەتتەردى كورسەتۋدى توقتاتا تۇرۋعا; ب) ەگەر, قىزمەتتەردى تولەۋ جونىندەگى بەرەشەك قىزمەتتەردى ۇسىنۋدى توقتاتا تۇرۋ ساتىنەن باستاپ 30 (وتىز) كۇنتىزبەلىك كۇن ىشىندە وتەل­مەيتىن بولسا, وسى شارتتىڭ كۇشىن بىرجاقتى تارتىپپەن توقتاتۋعا قۇقىلى. 3) وپەراتور ۇسىنىلاتىن قىزمەتتەردىڭ ش­ە­گىن ء(ليميتىن) بەلگىلەۋگە قۇقىلى. ليميت ءمول­شەرى وتكەن كەزەڭدەر ءۇشىن ابونەنتتىك ءنو­مىر بويىنشا سويلەسۋلەردىڭ جيىلىگىن, شوت­تار­دى تولەۋدىڭ ۋاقتىلىعىن جانە كەپىلدى جارنا­نىڭ مولشەرىن ەسكەرە وتىرىپ, ەسەپتەلەدى. وپەراتور كورسەتىلگەن قىزمەتتەردىڭ قۇنىنىڭ بەلگىلەنگەن شەكتەن (ليميتتەن) اسۋى جاعدايىندا قىزمەتتەردى ۇسىنۋدى توقتاتا تۇرۋعا قۇقىلى, ال ابونەنت وپەراتور كورسەتكەن ناقتى قىزمەتتەر ءۇشىن تولەم جۇرگىزۋگە مىندەتتەنەدى. 5.9. ەسەپ ايىرىسۋدىڭ اۆانستىق ءتارتىبى 1) ابونەنت قىزمەتتەردى تۇتىنۋدىڭ بول­جام­دى كولەمى مولشەرىندە اۆانستىق تولەمدەر ارقىلى تاڭدالعان تاريفتىك جوسپارعا سايكەس قىزمەتتەردى تولەيدى. وسى شارتقا قول قويۋ كەزىندە ابونەنت ابونەنت تاڭداعان تاريفتىك جوسپاردا بەلگىلەنگەن سومادا باستاپقى اۆانستىق تولەمدى ەنگىزەدى. 2) ابونەنتكە ابونەنتتەرمەن ەسەپ ايى­رىسۋدىڭ اۆتوماتتاندىرىلعان جۇيەسىندە تەڭ­گەرىمىن تولتىرۋ ءۇشىن جەكە شوتىنىڭ دەربەس ءنومىرى ۇسىنىلادى. ابونەنت تولەم قۇجات­تارىندا ول بويىنشا تولەم جۇرگىزىلەتىن سوما­نى جانە تەڭگەرىمدى ءۇشىن وعان ۇسىنىلعان شوت­تىڭ دەربەس ءنومىرىن كورسەتەدى. ابونەنت اۆانس­تىق تولەم سوماسىن قىزمەتتەردى تۇتىنۋدىڭ بولجامدى كولەمىن جانە وپەراتوردىڭ قولدا­نىستاعى تاريفتەرىن ەسكەرە وتىرىپ, دەربەس ايقىندايدى. 3) ابونەنت وپەراتور قىزمەتتەرى ءۇشىن تولەمدى جاساماي نەمەسە دەر كەزىندە تولەم جاساماعان (اۆانستىق تولەمدى تولەمەگەن) جاع­داي­دا وپەراتور جەلىسىنەن ناقتى اجىراتقانعا دەيىن توقتاتا تۇرادى نەمەسە دەربەس شوتتى تولتىرعانعا دەيىن ابونەنتكە قىزمەت كور­سەتۋدى شەكتەيدى. 4) قىزمەتتەردى پايدالانۋ شاراسى بويىن­شا ابونەنتتىڭ جەكە شوتىنان ابونەنتتىڭ تاڭ­دالعان تاريفتىك جوسپارىنا سايكەس ايقىندا­لا­تىن ءتيىستى سومانى اۆتوماتتى تۇردە ەسەپتەن شىعارادى. 5) وپەراتور ابونەنتتىڭ بەرەشەگىنىڭ تۋ­ىنداۋىن بولدىرماۋ ماقساتىندا قوسىلۋدى ءۇزۋ ارقىلى دەربەس شوتتا قارجىنىڭ تاۋسىلۋى ساتىندە قىزمەتتەردى ۇسىنۋدى توقتاتا تۇرادى. 6) روۋمينگ قىزمەتىن قوسۋ كەزىندە وپەراتور كەپىلدى جارنا تۇرىندە ۇسىنىلاتىن قىزمەت­تەردىڭ بولجامدى كولەمىن بەلگىلەۋگە قۇقىلى. وپەراتور ابونەنتتىڭ كەلىسىمىنسىز بەلگىلەنگەن كەپىلدى جارنادان كورسەتىلگەن قىزمەتتەردىڭ قۇنىنىڭ اسۋى جاعدايىندا ابونەنتتىك ءنومىر بويىنشا قىزمەتتەردى ۇسىنۋدى توقتاتا تۇرۋعا قۇقىلى. 6. تاراپتاردىڭ جاۋاپكەرشىلىگى 6.1. وپەراتور قازاقستان رەسپۋبليكاسىنىڭ قولدانىستاعى زاڭناماسىندا كوزدەلگەن ءتارتىپ­پەن شارت مىندەتتەمەلەرىن ورىنداماعانى نەمەسە ءتيىستى ورىنداماعانى, قىزمەتتەردىڭ جا­ريالانعان ساپاسى, قىزمەتتەر تۋرالى اقپارات­تىڭ شىنايىلىعى ءۇشىن ابونەنتتىڭ الدىندا جاۋاپكەرشىلىكتە بولادى. 6.2. وپەراتور ەگەر, وسى شارت بويىنشا مىندەتتەمەلەردى ورىنداماۋ نەمەسە ءتيىستى ور­ىنداماۋ مىنالاردىڭ سالدارىنان ەكەنىن ءدا­لەلدەيتىن بولسا جاۋاپكەرشىلىكتەن بوساتىلادى: 1) تويتارىلمايتىن كۇش جاعدايىندا ء(ورت, ءتىلسىز قياپات, اسكەري ءىس-قيمىلدار جانە باس­قالارى); 2) وپەراتوردىڭ شارت بويىنشا ءوز مىندەتتەمەلەرىن ورىنداماۋىنا الىپ كەلگەن مەملەكەتتىك ورگاننىڭ اكتىنى شىعارۋى; 3) ابونەنتتىڭ قازاقستان رەسپۋبليكاسىنىڭ زاڭناماسىندا جانە وسى شارتتا بەلگىلەنگەن قىزمەتتەردى كورسەتۋ تالاپتارىن بۇزۋى; 4) ءۇشىنشى تۇلعالاردىڭ قىزمەتتەردى زاڭ­سىز پايدالانۋى; 5) ءۇشىنشى تۇلعالاردىڭ وزگە دە ءىس-ارە­كەتتەرى (ارەكەتسىزدىكتەرى), سونداي-اق وپەراتور­دىڭ قۇزىرەتىنەن تىس جاعدايلار. 6.3. وپەراتور مىنالار ءۇشىن: 1) باسقا بايلانىس وپەراتورلارى, سونداي-اق, باسقا وپەراتورلار ۇسىناتىن قىزمەتتەرمەن وپەراتوردىڭ قىزمەتتەردى ۇيلەستىرۋى كەزىندەگى قىزمەتتەردىڭ ساپاسى ءۇشىن; 2) وپەراتوردىڭ جەلىنى جانە (نەمەسە) قىز­مەتتەردى پايدالانا وتىرىپ, ءۇشىنشى تۇلعالار كورسەتەتىن قىزمەتتەردىڭ ساپاسى مەن مازمۇنى ءۇشىن; 3) ابونەنتتىڭ, بايلانىستى پايدالانۋ­شى­لاردىڭ جانە وزگە دە تۇلعالاردىڭ قا­زاقستان رەسپۋبليكاسىنىڭ, ونىڭ ىشىندە, اۆتورلىق جانە سالالاس قۇقىقتاردى قورعاۋ جونىندەگى قولدانىستاعى زاڭناماسىن ساقتا­ماعانى ءۇشىن; 4) ماتەريالداردى جانە (نەمەسە) اقپا­راتتى الۋعا كەلىسىم بەرگەن ابونەنتكە جەلى جانە (نەمەسە) وپەراتوردىڭ قىزمەتتەرى ار­قىلى ءۇشىن­شى تۇلعالارعا جىبەرىلەتىن جارنا­مانىڭ, اقپا­راتتىق جانە باسقا دا ماتە­ريالداردىڭ جانە (نەمەسە) وزگە دە اقپا­راتتىڭ مازمۇنى مەن نى­سانى ءۇشىن; 5) بايلانىس وپەراتورى جەلىسىندە جۇزەگە اسىراتىن جەدەل-ىزدەستىرۋ قىزمەتىن اتقارا­تىن ورگانداردىڭ ءىس-ارەكەتتەرىنە جانە وسى ورگان­داردىڭ ابونەنت جانە كورسەتىلگەن قىزمەتتەرى تۋرالى اقپاراتتى اشكەرەلەۋلەرى ءۇشىن, سونداي-اق قۇقىق قورعاۋ ورگاندارىنىڭ ابونەنتكە كور­سەتىلەتىن قىزمەتتى توقتاتۋ جانە/نەمەسە شەكتەۋ ءۇشىن; 6) ءۇشىنشى تۇلعالار اكىمدەيتىن بۇكىل الەمدىك ينتەرنەت جەلىسىنىڭ جەكە تۇيىندەرى نەمەسە رەسۋرستارىنىڭ قولجەتىمسىزدىگى ءۇشىن; 7) قازاقستان رەسپۋبليكاسىنىڭ قولدا­نىس­تاعى زاڭناماسىندا كوزدەلگەن وزگە دە جاعدايلاردا جاۋاپكەرشىلىكتە بولمايدى. 6.4. وسى شارتپەن كوزدەلگەن مىندەتتەمەلەردى ورىنداماۋى نەمەسە ءتيىستى ورىنداماۋى, ونىڭ ىشىندە, وسى شارتتىڭ 4.3-تارماعىندا بەلگىلەنگەن تىيىم سالۋلاردى بۇزۋ جاعداي­ىندا ابونەنت وپەراتوردىڭ الدىندا جاۋاپكەرشىلىكتە بولادى جانە وپەراتورعا تولىق كولەمدە شىعىنداردى وتۋگە مىندەتتى. ابو­نەنت­تىڭ وسى شارتتىڭ 4.3-تارماعىندا بەل­گىلەن­گەن تىيىم سالۋلاردى قايتا بۇزۋى جاع­دايىندا وپەراتور شارتتى بۇزۋعا جانە كەلتىرىلگەن شىعىنداردى ءوندىرىپ الۋعا قۇقىلى. 6.5. قىزمەتتەردى تولەمەۋ, تولىق ەمەس نەمەسە ۋاقتىلى ەمەس تولەۋ جاعدايىندا ابونەنت وپەراتورعا ءاربىر مەرزىمى وتكەن كۇن ءۇشىن ورىندالماعان مىندەتتەمە سوماسىنان 0,1% مولشەرىندە وسىماقىنى تولەيدى. 6.6. ابونەنتتىك قۇرىلعىنىڭ جانە/نەمەسە SIM-كارتانىڭ جوعالۋى, ۇرلانۋى نەمەسە وزگە جاعدايلاردا بولماۋى كەزىندە ابونەنت قىز­مەتتەردى ۇسىنۋدى توقتاتۋ (توقتاتا تۇرۋ) تۋرالى 12 ساعات ىشىندە وپەراتورلىڭ ابونەنتتەن جازباشا ءوتىنىشتى نەمەسە ودان كەيىنگى جازباشا حابارلاندىرۋمەن اۋىزشا ءوتى­نىشتى الۋى ساتىنە دەيىن وپەراتور كورسەتكەن قىزمەتتەردى تولەۋ جونىندەگى مىندەتتەمەلەردى الادى. 6.7. ەگەر وپەراتوردىڭ كىناسى بويىنشا قىزمەتتەردى ۇسىنۋدىڭ دالەلدەنگەن ەلەۋلى بۇزىلۋى سالدارىنان ورىن الاتىن بولسا, وپە­راتوردىڭ جاۋاپكەرشىلىگى, قازاقستان رەس­پۋب­ليكاسىنىڭ قولدانىستاعى زاڭناماسىندا وزگە بەلگىلەنبەسە, وندا بەكىتىلگەن ءبىر ايلىق ەسەپتىك كورسەتكىشكە تەڭ سومادان اسپاۋى ءتيىس. كەز كەلگەن جاعدايدا وپەراتور الىنباعان پايدا, ماتەريالدىق جانە (نەمەسە) مورال­دىق شى­عىن تۇرىندەگى ابونەنتتىڭ مۇمكىن بو­لاتىن زالالدارى ءۇشىن جاۋاپكەرشىلىكتە بولمايدى. 7. شارتتىڭ قولدانىلۋ مەرزىمى, ونى بۇزۋ ءتارتىبى 7.1. وسى شارت ابونەنتتىڭ تىركەۋ نى­سانىنا قول قويۋ كۇنىنەن باستاپ كۇشىنە ەنەدى جانە قازاقستان رەسپۋبليكاسىنىڭ قولدانىس­تاعى زاڭناماسىندا جانە وسى شارتتا كوز­دەلگەن نەگىزدەر بويىنشا ونى توقتاتۋ ساتىنە دەيىن كۇشىندە بولادى. 7.2. ابونەنت كەز كەلگەن ۋاقىتتا بىرجاقتى تارتىپپەن (بىرجاقتى باس تارتۋ) شارتتى بۇزۋعا قۇقىلى. ابونەنت شارتتان باس تارتۋ تۋرالى ءوتىنىشتى وپەراتورعا جازباشا نى­ساندا ۇسىنۋى ءتيىس. وپەراتوردىڭ قىزمەتتەر­دى كورسەتۋدى ناقتى توقتاتۋى ابونەنتتىڭ جازباشا وتىنىشتە كورسەتىلگەن كۇنىنەن باستاپ جۇرگىزىلەدى. شارتتىڭ بۇزىلۋى جاعدايىندا ابونەنتتىڭ بەرەشەگىنەن بوساتپايدى. 7.3. ابونەنت باستاماسىمەن وسى كەلى­سىم-شارتتى بۇزۋ/توقتاتۋ بارىسىندا وپەراتور ابونەنتتىڭ بەرەشەگى بولماعان جاعدايدا ابونەنتكە ونىڭ جەكە ەسەبىندەگى اقشالاي قا­راجات قالدىعى ابونەنتتىڭ كەلىسىم-شارتتى بۇزۋ جونىندەگى جازباشا جەتكىزىلگەن ءوتىنىشىن تىركەۋ ساتىنەن كەيىنگى 30 (وتىز) كۇنتىزبەلىك كۇن ىشىندە قايتارىلادى. 7.4. ابونەنتتىڭ وسى شارت تالاپتارىن بۇزعان جاعدايدا, سونىمەن قاتار قازاقستان رەسپۋبليكاسىنىڭ قولدانىستاعى زاڭناما­سىن­دا قاراستىرىلعان باسقا دا جاعدايلاردا وپەراتور وسى شارتتى بىرجاقتى تارتىپتە (بىرجاقتى باس تارتۋ) بۇزۋعا قۇقىلى. ەگەر وسى شارتتا تۋرا بەلگىلەنبەگەن بولسا, وپەراتور ابونەنتكە شارتتى بۇزۋ تۋرالى حابارلاما جىبەرەدى. بۇل جاعدايدا شارتتىڭ كۇشى وپەراتور حابارلاماسىندا كورسەتىلگەن مەرزىمنەن باستاپ جويىلادى. 7.5. كەز كەلگەن نەگىزدەمەلەر بويىنشا شارتتى بۇزۋ كەزىندە ابونەنتتىك ءنومىر الى­نادى, ابونەنتتىڭ مەنشىگىندەگى ابونەنتتىك قۇرىلعىنى وپەراتور ساتىپ المايدى, SIM-كارتانىڭ, سونداي-اق, ساتىپ الىنعان, بىراق بەلسەندىرىلمەگەن ەكسپرەسس تولەم كارتالا­رى­نىڭ قۇنى ابونەنتكە وتەلمەيدى. USB-مو­دەم­نىڭ قۇنى ونىڭ بەلسەندىرىلمەگەن جانە ساپاسى مەن جاعدايىنا وپەراتوردىڭ ءمىنى بولماعان جاعدايدا قايتارىلادى. شارتى بۇزۋ نەمەسە توقتاتۋ جاعدايىندا ابونەنتتىڭ كەلىسىمىنسىز ابونەنتتىك ءنومىر الىنىپ, الداعى ۋاقىتتا وپەراتوردىڭ باسقا ابونەنتىنە بەرىلۋى ءمۇم­كىن. وپەراتوردىڭ كەز كەلگەن اكتسيا اياسىندا ۇسىناتىن بونۋستار مەن جەڭىلدىكتەرى ابونەنتكە قايتارىلمايدى جانە قۇنى تولەن­بەيدى. 8. وزگە شارتتار 8.1. وسى شارتتىڭ تالاپتارىمەن رەتتەل­مەگەندەردىڭ بارلىعىندا تاراپتار قازاقستان رەسپۋبليكاسىنىڭ قولدانىستاعى زاڭناماسىن باسشىلىققا الادى. 8.2. تاراپتار وسى شارت بويىنشا ءما­سە­لەلەر جونىندەگى بارلىق داۋلار مەن كەلىسپەۋ­شىلىكتەردى قازاقستان رەسپۋبليكا­سى­نىڭ قول­دانىستاعى زاڭناماسىنا سايكەس شەشەدى. 8.3. وسى شارت بىردەي زاڭدى كۇشى بار مەملەكەتتىك جانە ورىس تىلدەرىندە جاسالعان. مەملەكەتتىك جانە ورىس تىلدەرىندەگى شارت ماتىندەرىندە قايشىلىقتار بولعان كەزدە ورىس تىلىندەگى شارت ماتىنىنە باسىمدىق بەرىلەتىن بولادى. 9. وپەراتوردىڭ دەرەكتەمەلەرى: «22-كار-تەل» جشس, زاڭدى مەكەن-جايى: قازاقستان رەسپۋبليكاسى, 050040, الماتى ق., بوستاندىق اۋدانى, كوكتەم-2 شاعىن اۋدانى, 22-ءۇي, تەل. +7 727 3500606, فاكس +7 727 3500605, e-mail beeline@kartel.kz, ستن 600900131390, IBAN KZ54826A1KZTD2008414 الماتى ق. «اتف بانك» اق فيليالى, بيك ALMNKZKA, بسن 980540000397.