قوس مەكەمە قونىستاندى

حرومتاۋ اۋداندىق سوتى مەن پرو­كۋراتۋراسىنىڭ قىزمەتكەرلەرى جا­قىندا جارقىن قۋانىشكا كەنەلدى. وسى ەكى مەكەمە ەڭسەلى جاڭا عيماراتقا ور­نالاستى. ناتيجە­سىن­دە ولار پايدالا­نىپ كەلگەن ەكى بىردەي بالالار مەكەمەلەرى بو­سا­دى. جاڭا عيماراتقا قو­نىس­تانۋ سالتانا­تىنا ارنايى كەلگەن وبلىس اكىمى ەلەۋسىن ساعىندىقوۆتىڭ ءما­لىمدەۋىنشە, قۇ­قىق قورعاۋ ورگان­دارى­نىڭ ماتە­ريال­دىق-تەحني­كا­لىق بازاسىن جاق­سارتۋ قول­عا الىن­عان. وتكەن جىلى العا اۋداندىق سوتى جاڭا عي­ما­راتقا كوشسە, بيىل اۋ­داندىق پروكۋراتۋرا دا سايلى دا جايلى مەكەن-جايعا قول جەتكىزىپ وتىر ەكەن. عيماراتتى سالۋعا وبلىستىق بيۋد­جەتتەن 151 454,0 مىڭ تەڭگە ءبو­لىنگەن. قۇرىلىستى «سانجار» جشس اي­نال­دىرعان التى ايدىڭ ءىشىن­دە اياقتاپتى. جالپى الاڭى 1295 شارشى مەتر عي­مارات جىلۋ, جەلدەتۋ, سۋ, كارىز, ەلەكتر جۇيە­لە­رىمەن قامتاماسىز ەتىلگەن. سونداي-اق, بايلانىس جانە ءورت ءسون­دىرۋ جەلىلەرى ورناتىلعان. عيماراتتىڭ سالتاناتتى اشىلۋ راسىمىنە قاتىسقان جوعارعى سوت سۋدياسى جولىمبەت بايىشەۆ پەن باس پروكۋراتۋرانىڭ قۇقىقتىق ستا­تيس­تيكا جانە ارنايى ەسەپكە الۋ كو­ميتەتىنىڭ توراعاسى مارات احمەت­جا­نوۆتىڭ ايتۋىنشا, مۇنداي عيمارات ەلىمىزدە ازىرگە نەكەن-ساياق كورىنەدى. ساتىبالدى ءساۋىرباي. اقتوبە وبلىسى.