استانا. 4 مامىر. ينۆەستيتسيالار جانە دامۋ ۆيتسە-ءمينيسترى بولىپ حايروۆ ەرلان قارتاي ۇلى تاعايىندالدى. بۇل تۋرالى inform.kz-كە سىلتەمە جاساعان egemen.kz ءتىلشىسى حابارلادى.
ەرلان قارتاي ۇلى 1978 جىلى 15 ماۋسىمدا قاراعاندى قالاسىندا تۋعان.
1999 جىلى «حالىقارالىق ەكونوميكالىق قارىم-قاتىناستار» ماماندىعى بويىنشا قاراعاندى مەملەكەتتىك ە.بوكەتوۆ اتىنداعى ۋنيۆەرسيتەتىن بىتىرگەن.
1999 جىلدان 2001 جىلعا دەيىن سىرتقى ەكونوميكالىق بايلانىستار سالاسىندا مەملەكەتتىك ورگاندارىندا جۇمىس اتقاردى.
2002-2004 جىلدارى پرەمەر-مينيستر كەڭسەسىنىڭ سىرتقى بايلانىستار ءبولىم مەڭگەرۋشىسىنىڭ ورىنباسارى بولدى.
2004 جىلدان 2006 جىلعا دەيىن پرەزيدەنت اكىمشىلىگىنىڭ سىرتقى ساياسات ورتالىعىنىڭ باس ينسپەكتورى, 2006 جىلى ەكونوميكا جانە بيۋدجەتتىك جوسپارلاۋ مينيسترلىگىنىڭ اكىمشىلىك باسشىسىنىڭ قىزمەتىن اتقاردى.
2006-2007 جىلدارى «اتامەكەن» كاسىپكەرلەر جانە جۇمىس بەرۋشىلەر وداعىنىڭ باسقارما توراعاسىنىڭ ورىنباسارى, باسقارما توراعاسىنىڭ كەڭەسشىسى, 2007-2010 جىلدارى سىرتقى بايلانىستار بويىنشا «قازاقتەلەكوم» اكتسيونەرلىك قوعامىنىڭ اتقارۋشى ديرەكتورى لاۋازىمىن اتقاردى.
2010 جىلى - KAZNEX INVEST ەكسپورت جانە ينۆەستيتسيا جونىندەگى ۇلتتىق اگەنتتىگى اكتسيونەرلىك قوعامىنىڭ ەۋروپا ەلدەرى بويىنشا وڭىرلىك ديرەكتورى, 2011 جىلدىڭ اقپانىندا يندۋستريا جانە جاڭا تەحنولوگيالار مينيسترلىگىنىڭ ينۆەستيتسيا كوميتەتى توراعاسىنىڭ ورىنباسارى قىزمەتىنە تاعايىندالدى.
2013 جىلدىڭ اقپانىنان باستاپ يندۋستريا جانە جاڭا تەحنولوگيالار مينيسترلىگىنىڭ ينۆەستيتسيا كوميتەتىنىڭ توراعاسى. ال 2014 جىلدىڭ قازانىنان باستاپ ينۆەستيتسيالار جانە دامۋ مينيسترلىگى ينۆەستيتسيا كوميتەتىنىڭ توراعاسى بولدى.
ايان ءابدۋالي.
دەرەك, فوتو: inform.kz.