ورازانىڭ باستالۋىنا وراي ۇلتتىق تاسىمالداۋشىنىڭ پويىزدارىنداعى ۆاگون-مەيرامحانالار قىزمەتى ۋاقىتشا وزگەرتىلەدى. جولاۋشىلارعا قولايلى جاعداي جاساۋ ماقساتىندا ارنايى كەستە ەنگىزىلىپ, اس ءمازىرى دە سوعان ساي بەيىمدەلەدى, دەپ جازادى Egemen.kz.
جولاۋشىلار تاسىمالى اق حابارلاۋىنشا, جاڭا ءتارتىپ 40 ۆاگون-مەيرامحانادا قولدانىلادى. ولار كۇن سايىن تاڭعى 8:00-دەن تۇنگى 24:00-گە دەيىن جۇمىس ىستەيدى. سونىمەن بىرگە ورازا ۇستاۋشىلار ءۇشىن سارەسى ۋاقىتىندا, ياعني ساعات 04:00-دەن 05:00-گە دەيىن اشىق بولادى. بۇل ارالىقتا جولاۋشىلار اۋىز بەكىتەر الدىندا تاڭعى اس ىشە الادى.
پرەزيدەنت قازاقستان حالقىن رامازان ايىنىڭ باستالۋىمەن قۇتتىقتادى
رامازان ايىندا ۆاگون-مەيرامحانالاردا ارنايى ازىرلەنگەن ءمازىر توپتامالارى ۇسىنىلادى. ال اۋىزاشار كەزىندە جولاۋشىلارعا سۋ مەن قۇرما تەگىن تاراتىلادى. قاسيەتتى ايدىڭ تالاپتارىنا ساي, وسى كەزەڭدە پويىزداردا الكوگول ونىمدەرى ساتىلمايدى.
اللەرگياسى بار ادامدار ورازانى قالاي ۇستايدى؟
كومپانيا ۇجىمى بارشا مۇسىلمان قاۋىمدى رامازان ايىنىڭ باستالۋىمەن قۇتتىقتاپ, رۋحاني كەمەلدەنۋ مەن ىزگى تىلەكتەرىن جەتكىزدى.
اراق ىشكەن ادام 40 كۇنگە دەيىن ورازا ۇستاي الماي ما؟