وتكەن تاۋلىكتە تاراز – شۋ جانە ارىس – تۇلكىباس ۋچاسكەلەرىندە ەلەكتروۆوز بەن جەڭىل اۆتوكولىك سوقتىعىسا جازداعان. بۇل تۋرالى «قازاقستان تەمىر جولى» ءباسپاسوز قىزمەتى حابارلادى, دەپ جازادى Egemen.kz.
ءبىرىنشى جاعداي ساعات 06:26-دا تاراز – شۋ ۋچاسكەسىندە بولعان. اقشولاق – ۇشبۇلاق ارالىعىنىڭ تەمىرجول وتكەلىندە ەلەكتروۆوز ءماشينيسى 55 كم/ساع جىلدامدىقپەن Chevrolet Cobalt كولىگىنە سوقتىعىسپاس ءۇشىن شۇعىل تەجەگىشتى باسۋعا ءماجبۇر بولعان.
جەدەل ارەكەتتىڭ ارقاسىندا وقىس وقيعا بولماعان. دەسە دە وقيعا سالدارىنان پويىز سوڭعى ستانساعا 22 مينۋت كەشىگىپ جەتكەن.
رامازان ايىندا پويىزداردا الكوگول ونىمدەرى ساتىلمايدى
وقيعا تۋرالى اقپارات تاراز قالاسىنىڭ جول پوليتسياسىنا جولدانعان.
ەكىنشى جاعداي ساعات 15:35-تە ارىس – تۇلكىباس ۋچاسكەسىندە تىركەلگەن. شىمكەنت – قىزىلساي ارالىعىندا 51 كم/ساع جىلدامدىقپەن كەلە جاتقان № 2230 پويىز ءماشينيسى جەڭىل ءاۆتوموبيلدىڭ جولعا شىعۋىنا بايلانىستى تەجەگىشتى باسۋعا ءماجبۇر بولعان.
8 ناۋرىز مەرەكەسىنە وراي پويىزدارعا قوسىمشا ۆاگوندار قوسىلدى
ال جەڭىل كولىكتىڭ جۇرگىزۋشىسى وقيعا ورنىنان قاشىپ كەتكەن. سالدارىنان پويىز ۋاقىت كەستەسىنەن 16 مينۋت كەشىككەن.
ەكى فاكت بويىنشا دا تەرگەۋ جۇرگىزىلىپ جاتىر.
ەندى شۋ مەن وتار اراسىندا ەلەكترپويىزى قاتىنايدى