وتىن-ەنەرگەتيكا كەشەنىن تسيفرلىق ترانسفورماتسيالاۋ اياسىندا گاز سالاسىندا دا قىزمەت كورسەتۋ ءتاسىلى تۇبەگەيلى وزگەرىپ كەلەدى. ەنەرگەتيكا مينيسترلىگى بۇل باعىتتا بىرقاتار تسيفرلىق شەشىمدى كەزەڭ-كەزەڭىمەن ەنگىزىپ, تۇتىنۋشى مەن كومپانيا اراسىنداعى بايلانىستى جەڭىلدەتۋگە باسىمدىق بەرىپ وتىر, دەپ جازادى Egemen.kz
وتكەن جىلى QazaqGaz Aimaq ءموبيلدى قوسىمشانى ىسكە قوستى. قوسىمشا گاز تۇتىنۋشىلارعا ەسەپتەگىش كورسەتكىشتەرىن قاشىقتان ءارى ىڭعايلى جولمەن جولداۋعا مۇمكىندىك بەرەدى. ونىڭ باستى ەرەكشەلىگى – كورسەتكىشتەردى فوتو ارقىلى اۆتوماتتى تۇردە تانۋ, دەرەكتەردەگى قاتە مەن اۋىتقۋلاردى الدىن الا تەكسەرۋ. سونداي-اق پايدالانۋشىلار تۇتىنۋ كولەمى مەن تولەمدەر تاريحىن كورە الادى, ەسەپتەگىشتى تەكسەرۋ مەرزىمى مەن جوسپارلى جۇمىستار جونىندە حابارلاما الادى.
تسيفرلاندىرۋ جانە جاساندى ينتەللەكت جىلى قانداي جوبالار جۇزەگە اسادى؟
قازىرگى تاڭدا قوسىمشادا ۆيرتۋالدى AI-كەڭەسشى جابىق تەستىلەۋ كەزەڭىنەن ءوتىپ جاتىر. جاساندى ينتەللەكتكە نەگىزدەلگەن بۇل تسيفرلىق كومەكشى تابيعي گاز تۇتىنۋشىلاردىڭ سۇراقتارىنا تاۋلىك بويى جاۋاپ بەرۋگە باعىتتالعان. كومپانيانىڭ كولل-ورتالىعى ازىرگە تەك جۇمىس ۋاقىتىندا قىزمەت كورسەتسە, تۇرمىستىق گازعا قاتىستى ساۋالدار كەز كەلگەن مەزەتتە, دەمالىس پەن مەرەكە كۇندەرى دە تۋىندايتىنى بەلگىلى. وسى ولقىلىقتىڭ ورنىن AI-كەڭەسشى تولتىرماق.
جاڭا سەرۆيس بىرنەشە LLM-مودەلدە سىناقتان وتكىزىلىپ, ەڭ ءتيىمدى ءارى ءدال نۇسقاسى تاڭدالىپ جاتىر. اقپاراتتىڭ ساپاسى مەن وزەكتىلىگىنە ايرىقشا ءمان بەرىلگەن. ۆيرتۋالدى كومەكشى تاريفتەر, سالالىق نورماتيۆتىك-قۇقىقتىق تالاپتار مەن ەرەجەلەر, قاجەتتى قۇجاتتار ءتىزىمى, گازعا قوسىلۋ ءتارتىبى جانە وزگە دە سۇراقتار بويىنشا تولىق ءارى جاڭارتىلعان مالىمەت ۇسىنادى. بۇل تۇتىنۋشىلارعا قاجەتتى كەڭەستى جەدەل ءارى قولايلى تۇردە الۋعا جول اشادى.
جاساندى ينتەللەكت جاڭىلسا, كىم جاۋاپتى؟
AI-كەڭەسشىنىڭ فۋنكتسيونالى گازبەن جابدىقتاۋ تاقىرىبىمەن شەكتەلەدى. ونىڭ ءبىلىم بازاسى تۇراقتى تۇردە جاڭارتىلىپ, سەرۆيس الداعى ۋاقىتتا دا جەتىلدىرىلە بەرمەك.
ادام & جاساندى ينتەللەكت: دۋەت پە, دۋەل مە؟
بۇگىندە ءموبيلدى قوسىمشانى جارتى ميلليوننان استام ادام جۇكتەگەن. سونىڭ كومەگىمەن 200 مىڭنان اسا گاز ەسەپتەگىش كورسەتكىشى جولدانعان. بۇل تسيفرلاندىرۋدىڭ گاز سالاسىنداعى ناقتى ناتيجەسىن كورسەتەتىن ماڭىزدى كورسەتكىشتەردىڭ ءبىرى سانالادى.