كوكتەمگى ەگىن ەگۋ جانە جيناۋ جۇمىستارىنا قانشا قارجى بولىنەدى؟

2026 جىلعا ارنالعان ەگىس القاپتارىنىڭ بولجامدى قۇرىلىمى بەكىتىلدى. جالپى ەگىس كولەمى 23,8 ملن گەكتاردى قۇرايدى. بۇل – وتكەن جىلمەن سالىستىرعاندا 180 مىڭ گەكتارعا ارتىق.

ەگىس قۇرىلىمى بيداي القاپتارىن قىسقارتىپ, تابىستىلىعى جوعارى داقىلداردىڭ ۇلەسىن ارتتىرۋعا باعىتتالعان. مۇنداي قادام قايتا وڭدەۋ كاسىپورىندارىن شيكىزاتپەن تۇراقتى قامتۋعا جانە باعا قۇبىلۋىنىڭ تاۋەكەلدەرىن ازايتۋعا مۇمكىندىك بەرەدى.

2026 جىلعا جوسپارلانعان وزگەرىستەر:

ازىقتىق داقىلدار – 242 مىڭ گەكتارعا ۇلعايادى; ارپا – 94 مىڭ گەكتارعا كوبەيەدى; جۇگەرى – 90 مىڭ گەكتارعا ارتىپ, 265 مىڭ گەكتارعا جەتكىزىلەدى; مايلى داقىلدار – 55 مىڭ گەكتارعا وسەدى; كارتوپ – 10,3 مىڭ گەكتارعا ۇلعايادى; بيداي القابى – 125 مىڭ گەكتارعا قىسقارىپ, 12,1 ملن گەكتاردى قۇرايدى. قارجىلاندىرۋ ەرتە باستالدى

ءمينيستردىڭ ايتۋىنشا, كوكتەمگى دالا جۇمىستارىنا ءوتىنىم قابىلداۋ وتكەن جىلدىڭ قازان ايىندا باستالعان. بۇل شارۋالارعا ناۋقانعا الدىن الا دايىندالۋعا مۇمكىندىك بەردى.

قازىرگى تاڭدا شامامەن 1 900 اۋىل شارۋاشىلىعى تاۋارىن وندىرۋشىگە 200 ملرد تەڭگە كولەمىندە قارجى بەرىلدى. بۇل – جوسپارلانعان سومانىڭ شامامەن 30%-ى جانە وتكەن جىلدىڭ وسى كەزەڭىمەن سالىستىرعاندا 6%-عا ارتىق.

جەڭىلدەتىلگەن نەسيە كوكتەمگى ەگىن ەگۋ مەن كۇزگى جيىن-تەرىم جۇمىستارىن ۋاقىتىلى ءارى ساپالى اتقارۋعا باعىتتالعان.

ەگىن جيناۋ ناۋقانى اياقتالۋعا جاقىن

ديزەل وتىنى مەن تەحنيكا جاڭارتۋ

ەگىس ناۋقانىن ۇزدىكسىز وتكىزۋ ءۇشىن 402 مىڭ توننا جەڭىلدەتىلگەن ديزەل وتىنى ءبولىندى. سونىمەن قاتار اۋىل شارۋاشىلىعى تەحنيكاسى پاركىن جاڭارتۋ دەڭگەيىن 8%-عا دەيىن جەتكىزۋ جوسپارلانىپ وتىر. 

ۇكىمەت قابىلداپ وتىرعان بۇل شارالار كوكتەمگى دالا جۇمىستارىنىڭ تيىمدىلىگىن ارتتىرىپ, اگرارلىق سەكتوردىڭ تۇراقتى دامۋىنا نەگىز قالايدى.

مەملەكەت باسشىسى اقمولا وبلىسىنداعى ەگىن جيناۋ ناۋقانىمەن تانىستى