پرەزيدەنتتىڭ كاسپيدى كەشەندى زەردەلەۋ جانە ساقتاۋ, سونداي-اق ءوڭىردىڭ ەكولوگيالىق تۇراقتىلىعىن قولداۋ جونىندەگى تاپسىرمالارىن ورىنداۋ شەڭبەرىندە ۇكىمەت رەزەرۆىنەن «كاسپي تەڭىزى قازاق عىلىمي-زەرتتەۋ ينستيتۋتى» اق-عا 1,1 ملرد تەڭگە ءبولىندى. ءتيىستى قاۋلىعا پرەمەر-مينيستر ولجاس بەكتەنوۆ قول قويدى, دەپ جازادى Egemen.kz.
قارجىلاندىرۋ ينستيتۋتتىڭ عىلىمي الەۋەتىن جاقسارتۋعا ىقپال ەتەدى. قاراجاتقا تەڭىزدە مونيتورينگ جۇرگىزۋ ءۇشىن نەگىزگى جابدىقتاردى ساتىپ الۋ جانە گيدروبيولوگيالىق جانە گيدروحيميالىق زەرتحانالاردى جاراقتاندىرۋ جوسپارلانىپ وتىر. بۇل تەڭىزدىڭ قازاقستاندىق سەكتورىندا بولىپ جاتقان پروتسەستەر تۋرالى ءوزىنىڭ عىلىمي-نەگىزدەلگەن بازاسىن قالىپتاستىرۋعا مۇمكىندىك بەرەدى.
كاسپي تەڭىزىنە البىرت تۇقىمداس بالىقتىڭ شاباقتارى جىبەرىلدى
بۇگىندە عزي ءتيىمدى شارالاردى ازىرلەۋ ءۇشىن حالىقارالىق عىلىمي قوعامداستىققا بەلسەندى ينتەگراتسيالانىپ كەلەدى, كاسپي ماڭى ەلدەرىنىڭ ۋنيۆەرسيتەتتەرى مەن عىلىمي-زەرتتەۋ ورتالىقتارىنىڭ قاۋىمداستىعىنا كىردى.
ايدىن ورتاسىندا پايدا بولعان ارال: كاسپي تەڭىزىنىڭ ەكىگە ءبولىنۋىنىڭ باستاپقى نىشانى ما؟
وسى قاۋلىنى جۇزەگە اسىرۋ ءۇشىن ەكولوگيا جانە تابيعي رەسۋرستار مينيسترلىگىنە بارلىق قاجەتتى شارانى قابىلداۋ, قارجى مينيسترلىگىنە بيۋدجەت قاراجاتىنىڭ ماقساتتى پايدالانىلۋىنا قاتاڭ باقىلاۋدى قامتاماسىز ەتۋ تاپسىرىلدى.
كاسپي تەڭىزىنىڭ جاعالاۋىندا جاڭا ءورت ءسوندىرۋ-قۇتقارۋ ءبولىمى اشىلدى