پاۆلودار. 4 مامىر. پاۆلودار وبلىسى اكىمىنىڭ ورىنباسارى بولىپ مەيرام بەگەنتاەۆ تاعايىندالدى. بۇل تۋرالى pavlodarnews.kz-كە سىلتەمە جاساعان egemen.kz ءتىلشىسى حابارلادى.
مەيرام بەگەنتاەۆ V شاقىرىلعان پارلامەنت ءماجىلىسىنىڭ دەپۋتاتى, پارلامەنت ءماجىلىسىنىڭ الەۋمەتتىك-مادەني دامۋ كوميتەتىنىڭ مۇشەسى بولعان.
«جاڭا قىزمەتتە «100 ناقتى قادام» ۇلت جوسپارى اياسىندا كوپتەگەن ماڭىزدى مىندەتتەردى ورىنداۋعا تۋرا كەلەدى. سونىمەن قاتار, الەۋمەتتىك سالاداعى مەملەكەتتىك باعدارلامالاردى جۇزەگە اسىرىپ, حالىقتى جۇمىسپەن قامتۋ ماسەلەلەرىنە باسا نازار اۋدارۋ قاجەت», – دەدى جاڭا ورىنباسارىن تانىستىرعان وبلىس اكىمى بولات باقاۋوۆ.
مەيرام مۇحامەتراقىم ۇلى 1974 جىلى 1 مامىردا پاۆلودار وبلىسى, ەرتىس اۋدانى, زارەچنوە اۋىلىندا تۋعان. 1991 جىلى جەلەزين ورتا مەكتەبىن ءبىتىرىپ, پاۆلودار يندۋستريالدى ينستيتۋتىنا وقۋعا ءتۇسىپ, 1996 جىلى «اۆتوموبيل جانە تراكتور جاساۋ» ماماندىعى بويىنشا ينتسيتۋتتى ۇزدىك اياقتايدى. 1994 جىلى س.تورايعىروۆ اتىنداعى پاۆلودار مەملەكەتتىك ۋنيۆەرسيتەتىنىڭ ستۋدەنتتەر كاسىپوداق كوميتەتىنىڭ توراعاسى بولىپ سايلاندى.
1999 جىلى پاۆلودار ۋنيۆەرسيتەتىن «قۇقىقتانۋ» ماماندىعى بويىنشا ۇزدىك بىتىرگەن.
1999 جىلدىڭ ءساۋىر ايىنان باستاپ پاۆلودار ۋنيۆەرسيتەتىنىڭ مادەنيەت اكادەمياسىنىڭ ديرەكتورى, 2000 جىلدىڭ قىركۇيەك ايىنان باستاپ قوعامدىق عىلىمدار كافەدراسىنىڭ وقىتۋشىسى بولعان.
2003 جىلى ءىىى شاقىرىلعان پاۆلودار قالالىق ماسليحاتىنىڭ دەپۋتاتى بولىپ سايلاندى. سول جىلدىڭ قازان ايىنان باستاپ س.تورايعىروۆ اتىنداعى پاۆلودار مەملەكەتتىك ۋنيۆەرسيتەتىنىڭ اكىمشىلىك دەپارتامەنتىنىڭ ديرەكتورى, پرورەكتور بولىپ قىزمەت اتقاردى.
2005 جىلدىڭ ءساۋىر ايىندا «ستۋدەنتتىك جانە جاستار ەڭبەك وتريادىنىڭ پاۆلودار وبلىستىق شتابى» جاستار قوعامدىق بىرلەستىگىنىڭ توراعاسى بولدى.
2006 جىلدان باستاپ قر ستۋدەنتتىك قۇرىلىس جانە جاستار ەڭبەك وتريادىنىڭ رەسپۋبليكالىق شتابىنىڭ ءبىرىنشى ورىنباسارى, 2007 جىلى IV شاقىرىلعان پاۆلودار قالالىق ماسليحاتىنىڭ دەپۋتاتى بولىپ سايلاندى, پاۆلودار قالالىق ماسليحاتىنىڭ الەۋمەتتىك ساياسات بويىنشا كوميسسياسىنىڭ توراعاسى بولدى.
2010 جىلدىڭ جەلتوقسان ايىندا ءبىرىنشى پرورەكتور - ستراتەگيالىق جوسپارلاۋ, الەۋمەتتىك جانە تاربيە جۇمىسى پرورەكتورى بولىپ تاعايىندالدى.
2011 جىلى «نۇر وتان» حالىقتىق-دەموكراتيالىق پارتياسىنىڭ پاۆلودار وبلىستىق فيليالىنىڭ پاۆلودار وبلىستىق قوعامدىق سايلاۋ الدىنداعى شتابىنىڭ توراعاسىنىڭ ورىنباسارى بولدى.
فاريدا بىقاي.
دەرەك, فوتو: pavlodarnews.kz.