ورال. 4 مامىر. باتىس قازاقستان وبلىسىندا بالا اسىراپ الۋشى اتا-انالارعا قولداۋ, دەمەۋ بەرەتىن ارنايى ورتالىق بيىلعى جىلدىڭ ناۋرىز ايىنىڭ باسىندا اشىلىپ, جۇمىسقا كىرىسكەن بولاتىن. ەندى ول جاڭا دا جايلى عيماراتقا كوشىپ قونىس تويىن تويلاماقشى. بۇل تۋرالى egemen.kz ءتىلشىسى حابارلادى.
وسىناۋ شاپاعاتى مەن ساۋابى مول ىسكە بەل شەشە كىرىسكەن «انا ءۇيى» قوعامدىق قورىنىڭ باتىس قازاقستان وبلىسىنداعى ۇيلەستىرۋشىسى ناديا ليسيتسينانىڭ ايتۋىنشا, بالا اسىراپ الۋعا نيەتتى جاندارعا قولداۋ كورسەتۋ ءىسى, 2014 جىلى باستالعان. وسى ارالىقتا ءتۇرلى قيىندىقتارعا ۇشىراعان نەمەسە وتباسىندا ءزابىر كورگەن ءسابيلى 60 جاس انا قور قىزمەتىنەن پانا تاۋىپ, نارەستەسىن بالالار ۇيىنە تاپسىرۋدان باس تارتقان.
دەگەنمەن, وبلىستا ءالى دە بولسا انا الاقانىنا, اكە مەيىرىنە ءزارۋ جەتىم بالا كوپ. ولاردى بولاشاق اتا-انالارىنا جولىقتىرۋ جوعارىداعى ورتالىقتىڭ باستى مىندەتى بولىپ تابىلادى.
جەرگىلىكتى بيلىك ورگاندارى مەن قايىرىمدى كاسىپكەرلەر جان-جاقتى قولداپ وتىرعان ورتالىقتا كۇنى بۇگىن تاجىريبەلى پەداگوگتار, زاڭگەر مەن پسيحولوگ ماماندار جۇمىس ىستەيدى.
تەمىر قۇسايىن.
دەرەك: egemen.kz.
فوتو: dailynews.kz.