استانا. 26 ءساۋىر. ارمەنيانىڭ استاناسى ەرەۆاندا جولاۋشىلار اۆتوبۋسى جارىلىپ, 2 ادام قازا تاپتى. بۇل تۋرالى ريا «نوۆوستي» اقپارات اگەنتتىگىنە سىلتەمە جاساعان egemen.kz ءتىلشىسى حابارلادى.
پوليتسيا باسشىسى ۆلاديمير گاسپاريان جارىلعىش زاتتىڭ قوعامدىق كولىك ىشىندە وڭ جاق بولىگىندەگى ەكىنشى ورىندىقتىڭ تۇسىنا ورناتىلعانىن, سونىمەن قاتار, تەرگەۋ امالدارى اياقتالعاننان كەيىن ناقتى مالىمەت بەرىلەتىنىن ايتتى. قازىر ءتارتىپ ساقشىلارى بەينەباقىلاۋ ارقىلى بومبانى كىمنىڭ الىپ كىرگەنىن انىقتاۋدا.
ايتا كەتەيىك, وتكەن دۇيسەنبى كۇنى, كەشكە تامان قالانىڭ ورتالىعىندا «بوگدان» ماركالى اۆتوبۋس جارىلدى. رەسمي مالىمەتتەر بويىنشا, تاعى 7 ادام زارداپ شەككەن. ولاردىڭ اراسىندا بالالار دا بار. دارىگەرلەر ناۋقاستاردىڭ جاعدايى تىم اۋىر ەكەنىن مالىمدەدى.
ايان ءابدۋالي.
دەرەك, فوتو: ريا «نوۆوستي».