استانا. 26 ءساۋىر. ءۇندىستاننىڭ وڭتۇستىك-باتىسىنداعى كارناتاكا شتاتىندا جۇك ماشيناسى مەن جەڭىل موتوريكشا كولىگى سوقتىعىسىپ, 11 ادام قازا تاپتى. بۇل تۋرالى تاسس اقپارات اگەنتتىگىنە سىلتەمە جاساعان egemen.kz ءتىلشىسى حابارلادى.
پوليتسيا قىزمەتكەرلەرى اپاتتىڭ تۇماندى ايماقتا بولعانىن مالىمدەدى. الدىن الا بولجام بويىنشا موتوريكشا كولىگىندە شامامەن 20 جولاۋشى بولعان. وقيعا ورنىندا 9 ادام مەرت بولسا, ەكەۋى اۋرۋحاناعا بارار جولدا كوز جۇمعان.
جۇك كولىگىنىڭ جۇرگىزۋشىسى وقيعا ورنىنان ءىزىن سۋىتىپ ۇلگەرگەن. قازىر وعان ىزدەۋ جاريالاندى.
ايتا كەتەيىك, ءۇندىستان جول اپاتى بويىنشا جانە وسىدان قازا تابۋشىلار كورسەتكىشى بويىنشا الەمدە الدىڭعى ەلدەردىڭ قاتارىندا تۇر. وڭتۇستىك ازيا مەملەكەتىندە جىلىنا 200 مىڭعا جۋىق ادام جول-كولىك وقيعاسىنىڭ قۇربانى بولىپ, جۇزدەگەن مىڭى ءتۇرلى دەڭگەيدە جاراقات الادى.
ايان ءابدۋالي.
دەرەك: تاسس.
فوتو: 24.kz.