ەسىرتكى كونترابانداسى ءۇشىن قىتايدا ءتۇرلى جازا مەرزىمدەرىنە سوتتالعان ءبىزدىڭ ەلدىڭ ەكى ازاماتشاسى سىرتقى ىستەر مينيسترلىگىنىڭ جانە قازاقستاننىڭ قحر-داعى ەلشىلىگىنىڭ قولداۋىمەن بەيجىڭ قالاسىنان قازاقستانعا جەتكىزىلدى.
قىتاي تاراپىنىڭ قۇزىرلى ورگاندارى سوتتالعانداردى قازاقستانعا بەرۋ تۋرالى بۇل شەشىمدى 2011 جىلدىڭ 22 اقپانىنداعى قازاقستان رەسپۋبليكاسى مەن قىتاي حالىق رەسپۋبليكاسى اراسىنداعى شارتتى ىسكە اسىرۋ ماقساتىندا جانە سوتتالعانداردىڭ وتىنىشتەرى نەگىزىندە قابىلدادى. وسىعان وراي قىتاي سوتىنىڭ ۇكىمىن تانۋ جانە ورىنداۋ تۋرالى كەپىل نەگىزىندە قحر قۇزىرلى ورگاندارىنا قازاقستان سوتىنىڭ ءتيىستى قاۋلىلارى جولداندى.
ال جەتكىزىلگەن سوتتالعاندار جازالارىنىڭ قالعان مەرزىمدەرىن قازاقستان رەسپۋبليكاسىنىڭ ۇلتتىق زاڭناماسىنا سايكەس قازاقستاننىڭ تۇزەۋ مەكەمەلەرىندە وتەيتىن بولادى, دەپ حابارلادى باس پروكۋراتۋرانىڭ ءباسپاسوز قىزمەتى.