سەنات دەپۋتاتتارىنىڭ وڭىرلەرگە جۇمىس ساپارى جالعاسىپ جاتىر. ولار اۋىل-ايماققا جاڭا كونستيتۋتسياداعى باسىم باعىتتاردى جان-جاقتى تالداپ, 15 ناۋرىزدا وتەتىن رەفەرەندۋمنىڭ ماڭىزىن ءتۇسىندىردى.
سەناتورلار جانبولات جورگەنباەۆ پەن زاكيرجان كۋزيەۆ الماتى وبلىسىنداعى جۇمىس ساپارى اياسىندا الاتاۋ قالاسىندا ورنالاسقان «كناۋف گيپس قاپشاعاي» جشس ەڭبەك ۇجىمىمەن كەزدەستى.
«رەفەرەندۋم – ەلىمىزدىڭ دامۋىنىڭ ستراتەگيالىق باعىتىن ايقىندايتىن ماڭىزدى قوعامدىق-ساياسي قادام. ازاماتتاردىڭ مەملەكەت ومىرىندە شەشىم قابىلداۋعا تىكەلەي قاتىسۋى دەموكراتيا قاعيدالارىن نىعايتادى جانە قوعام مەن بيلىك اراسىنداعى ءوزارا سەنىمدى ارتتىرادى. اشىق تالقىلاۋ مەن پىكىر الماسۋ قوعامدىق كەلىسىمدى نىعايتۋعا ىقپال ەتىپ, مەملەكەت پەن ازامات اراسىنداعى سىندارلى ديالوگتى دامىتۋعا نەگىز قالىپتاستىرادى», دەدى ج.جورگەنباەۆ.
ال سەناتور التىنبەك نۇح ۇلى «ادىلەتتى جانە پروگرەسسيۆتى قازاقستاننىڭ حالىقتىق كونستيتۋتسياسى ءۇشىن!» جالپىۇلتتىق كواليتسياسىنىڭ مۇشەلەرىمەن بىرگە پاۆلودار وبلىسىندا مارعۇلان عىلىمي ورتالىعىندا عىلىمي قوعامداستىق وكىلدەرىمەن كەزدەستى. ول نەگىزگى زاڭ جوباسى مەملەكەتتىك ساياساتتىڭ ستراتەگيالىق باسىمدىقتارى رەتىندەگى ءبىلىم, عىلىم جانە يننوۆاتسيانىڭ ءرولىن كۇشەيتۋدى كوزدەيتىنىن ايتتى. كەزدەسۋدە سونداي-اق مادەني مۇرانى ساقتاۋعا, ۇلتتىق بىرەگەيلىكتى نىعايتۋعا جانە قۇندىلىقتاردىڭ ساباقتاستىعىن قامتاماسىز ەتۋگە باعىتتالعان ەرەجەلەر, تەحنولوگيالىق, تسيفرلىق دامۋدى قۇقىقتىق جاعىنان كۇشەيتۋ ماسەلەلەرى تالقىلاندى.
دەپۋتاتتار شاكارىم بۇقتۇعۇتوۆ پەن ولگا بۋلاۆكينا شىعىس قازاقستان وبلىسىنىڭ حالقىمەن كەزدەستى. ولار التاي قالاسىنىڭ تۇرعىندارى مەن قۇقىق قورعاۋ ورگاندارىنىڭ وكىلدەرىنە جاڭا زاڭ جوباسىنىڭ باستى ەرەجەلەرى – مەملەكەتتىك باسقارۋ ۇلگىسىن جۇيەلى جاڭارتۋ, پارلامەنتتىڭ ءرولىن كۇشەيتۋ, قوعامدىق باقىلاۋ تەتىكتەرىن كەڭەيتۋ, سونداي-اق ازاماتتاردىڭ قۇقىقتارى مەن بوستاندىقتارىنىڭ كەپىلدىكتەرىن نىعايتۋ ماسەلەلەرىن ايتىپ بەردى. سەناتورلار بەلسەندى ازاماتتىق ۇستانىم تانىتىپ, تۇرعىنداردىڭ جاڭا كونستيتۋتسيا جوباسىنا بەيجاي قاراماي الداعى رەفەرەندۋمعا قاتىساتىندارىنا سەنىم ءبىلدىردى.
سونىمەن قاتار قىزىلوردا وبلىسىنا جۇمىس ساپارى بارىسىندا رۋسلان رۇستەموۆ جاڭا كونستيتۋتسيا جوباسىنىڭ ەرەجەلەرىن جانە زاڭدىلىق پەن ەكونوميكالىق قاۋىپسىزدىكتى نىعايتۋ ماسەلەلەرىن تۇسىندىرۋگە ارنالعان بىرقاتار كەزدەسۋ وتكىزدى. تاسبوگەت كەنتىندە تۇرعىندارمەن مازمۇندى كەزدەسۋ ءوتتى. وندا نەگىزگى زاڭنىڭ جاڭا رەداكتسياسىنىڭ جوباسىن قالىپتاستىرۋداعى ماڭىزدى تاسىلدەر تالقىلاندى.