اقمولا. 4 ءساۋىر. اقمولا وبلىسى بويىنشا مەملەكەتتىك كىرىستەر دەپارتامەنتىنىڭ ەكونوميكالىق تەرگەۋ قىزمەتى 2015 جىلى ايتارلىقتاي ناتيجەلەرگە قول جەتكىزىپ, ەلىمىزدىڭ ەكونوميكالىق قاۋىپسىزدىگىن قورعاۋعا ەلەۋلى ۇلەس قوستى. بۇل تۋرالى اتالعان دەپارتامەنتتىڭ ءباسپاسوز قىزمەتى «egemen.kz» تىلشىسىنە حابارلادى.
وتكەن جىلى «كولەڭكەلى» ەكونوميكا سالاسىندا (جالعان كاسىپكەرلىك, الكوگول جانە كونترافاكتىلى ونىمدەردىڭ, مۇناي جانە مۇناي ونىمدەرىنىڭ زاڭسىز اينالىمى, جالعان اقشا جاساۋ, زاڭسىز ويىن بيزنەسى, بانكروتتىق) بارلىعى 357 قىلمىس, اعىمداعى جىلدىڭ وتكەن مەرزىمىندە 93 قىلمىس انىقتالدى.
كەلتىرىلەن زازال 1 288 106 028 تەڭگەنى قۇراسا, ءوندىرىپ الىنعانى 528 547 228 تەڭگە (نەمەسە 41 پايىز) بولىپ وتىر. سونداي-اق, 74 277 440 تەڭگەنىڭ م ۇلىگىنە تىيىم سالىنعان.
2015 جىلدا بارلىعى وندىرىستە 652 قىلمىستىق ءىس بولدى, 276 قىلمىستىق ءىس وندىرىسپەن اياقتالدى.
ەلىمىزدىڭ ەكونوميكاسىنا وراسان ۇلكەن زيان كەلتىرۋشى جالعان كاسىپكەرلىك سالاسى ارقىلى اقشا اعىمى زاڭسىز اينالىمعا وتەتىنى بەلگىلى. سول ءۇشىن سالىق باعىتىنداعى بىرنەشە قۇرىلىمدارمەن بىرلەسكەن, ءتيىمدى قارىم-قاتىناس ناتيجەسىندە 2015 جىلدا 21 قىلمىس, 2016 جىلدا 9 قىلمىس اشكەرلەندى.
سونىمەن قاتار, جەدەل-ىزدەستىرۋ شارالار ناتيجەسىندە جالعان شوت-فاكتۋرالاردى ازىرلەۋمەن اينالىساتىن ۇيىمداسقان قىلمىستىق توپ انىقتالدى.
قىلمىسكەرلەر جالعان شوت-فاكتۋرالاردى بەرۋ بارىسىندا, قىلمىس ۇستەندە ۇستالدى. بۇل توپ 5 ادامنان تۇردى. قازىرگى كەزدە قىلمىستىق ءىس وندىرىسپەن اياقتالىپ, سوتتا قارالۋدا. كەلتىرىلگەن زالال سوماسى 3,6 ملدر. تەڭگەدەن اسادى.
ەكونوميكالىق تەرگەۋلەر قىزمەتىنىڭ مىندەتى – بيزنەس بىرلەستىكە كەدەرگى تۋعىزباۋ, كەرىسىنشە, جاۋاپسىز كاسىپكەرلەردىڭ زاڭسىز ءىس-ارەكەتتەرىنە جول بەرمەۋ.
باقبەرگەن امالبەك.
دەرەك, سۋرەت: وبلىستىق مەملەكەتتىك كىرىس دەپارتامەنتىنىڭ ءباسپاسوز قىزمەتى.