قاراعاندى. 28 ناۋرىز. قاراعاندىدا وليمپيادا چەمپيونى, ۆەل باركەر كۋبوگىنىڭ يەگەرى سەرىك ساپيەۆ پوليتسيا قىزمەتكەرلەرىن جاتتىقتىردى. بۇل تۋرالى وبلىستىق ىشكى ىستەر دەپارتامەنتىنىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى.
سەرىك ساپيەۆ قاراعاندى قالالىق ىشكى ىستەر باسقارماسى جول-پاترۋلدىك پوليتسياسى پولكىنىڭ جەكە قۇرامىمەن كەزدەسىپ, شەبەرلىك ساباعىن وتكىزدى. چەمپيون ءبىر ساعاتتا ءتارتىپ ساقشىلارىنا بوكس جاتتىعۋلارىن كورسەتتى.
«بۇل – مەن ءۇشىن ۇلكەن قۇرمەت. قوعامدىق ءتارتىپتى ساقتاۋ ىسىنە از دا بولسا ۇلەسىمدى قوسقانىما قۋانىشتىمىن. ءتارتىپ ساقشىلارى كاسىبي تۇرعىدا ءوز ءىسىنىڭ ۇزدىگى بولۋ ءۇشىن بىلگەنىمدى ۇيرەتۋگە تىرىستىم», – دەدى سەرىك ساپيەۆ.
قاراعاندى قالالىق ىشكى ىستەر باسقارماسى جول-پاترۋلدىك پولكىنىڭ كومانديرى سىمبات تورەبەكوۆ وليمپيادا چەمپيونىنا شەبەرلىك سىنىبىن وتكىزگەنى ءۇشىن العىس ايتتى.
قايرات ءابىلدينوۆ.
دەرەك, فوتو: قاراعاندى وبلىسى ىشكى ىستەر دەپارتامەنتىنىڭ ءباسپاسوز قىزمەتى.