استانا. 9 ناۋرىز. ءۇندىستاننىڭ وڭتۇستىگىندە وديشيا شتاتىنا قاراستى بحۋبانەشۆار قالاسىندا ءىرى جول اپاتى وقيعاسى بولدى. بۇل تۋرالى تاسس اقپارات اگەنتتىگىنە سىلتەمە جاساعان egemen.kz ءتىلشىسى حابارلادى.
جۇك كولىگىنىڭ جۇرگىزۋشىسى رولگە يە بولا الماي ءۇش بىردەي جولاۋشىلار اۆتوبۋسىن سوققان. جەدەل جەتكەن قۇتقارۋشىلار توبى 5 ادامدى كولىك استىنان امان الىپ شىعارعان. سونداي-اق, 25 ادام ءتۇرلى جاراقات الدى. ولار دەر كەزىندە جاقىن ماڭايداعى اۋرۋحانالاردىڭ بىرىنە جەتكىزىلدى. دارىگەرلەردىڭ ايتۋىنشا, ولاردىڭ جاعدايى تىم اۋىر.
پوليتسيا قىزمەتكەرلەرى جۇك كولىگىنىڭ جۇرگىزۋشىسى قالعىپ كەتكەن دەگەن بولجام جاسادى. قازىرگى كەزدە وقيعا ورنىندا تەرگەۋ امالدارى ءجۇرىپ جاتىر.
ايتا كەتەيىك, ءۇندىستان جول اپاتى بويىنشا جانە وسىدان قازا تابۋشىلار كورسەتكىشى بويىنشا الەمدە ءبىرىنشى ورىندا تۇر. بۇل مەملەكەتتە جىلىنا 200 مىڭعا جۋىق تۇرعىن جول-كولىك وقيعاسىنىڭ قۇربانى بولادى.
ايان ءابدۋالي.
دەرەك: تاسس.
سۋرەت: tvc.ru.