ءماجىلىس دەپۋتاتى باقىتجان بازاربەك «بولاشاق» باعدارلاماسى بويىنشا زاڭسىز گرانت العاندار مەن بيۋدجەت قارجىسىن نەگىزسىز جۇمساعانداردىڭ ەسىمدەرىن اشىق جاريالاۋدى تالاپ ەتتى. دەپۋتاتتىڭ ەسەبىنشە, باعدارلاماداعى زاڭسىزدىقتاردان كەلگەن شىعىن 10 ميلليارد تەڭگەگە جەتۋى مۇمكىن, دەپ حابارلايدى Egemen.kz.
دەپۋتات باعدارلاما اياسىنداعى بىرنەشە ورەسكەل زاڭسىزدىقتى تىزبەكتەپ بەردى: 151 ستيپەنديا جوسپاردان تىس جانە ليميتتەن اسىپ تاعايىندالعان. بۇل ماقساتقا 2 ملرد 519 ملن تەڭگە جۇمسالعان. سونداي-اق 15 پرەتەندەنت ءتىپتى رەسپۋبليكالىق كوميسسيانىڭ شەشىمى بولماسا دا, شەتەلدە ءبىلىم الىپ جاتىر.
باقىتجان بازاربەكتىڭ ايتۋىنشا, 71 ۇمىتكەر ء«بىر-بىرىنە كەپىلگەر بولىپ», مەملەكەتكە 876 ملن تەڭگە شىعىن كەلتىرگەن.
«مەنىڭ ەسەبىمشە, شىعىن كولەمى 10 ميلليارد تەڭگەگە جۋىقتايدى. كىمنىڭ بالالارى مەن تۋىستارى شەتەلدە «تەگىن» وقىپ جاتىر؟ مينيسترلىك ولاردىڭ تەگىن ناقتى ءارى اشىق جاريالاۋى ءتيىس», دەدى باقىتجان بازاربەك.
دەپۋتات بۇل ماسەلەنى تەكسەرۋ ءۇشىن باس پروكۋراتۋرا مەن قۇقىق قورعاۋ ورگاندارىنىڭ قاتىسۋىمەن ارنايى كوميسسيا قۇرۋدى ۇسىندى. ونىڭ ماقساتى – جوعارى اۋديتورلىق پالاتا انىقتاعان 10 ميلليارد تەڭگەلىك زاڭسىزدىقتارعا قاتىسى بار لاۋازىمدى تۇلعالاردى انىقتاۋ جانە جۇمسالعان قارجىنى مەملەكەتكە قايتارۋ.
85 ملن تەڭگە جەلگە ۇشتى: وقۋدان شىعارىلعاندارعا قايتا گرانت تاعايىندالعان
ەسكە سالا كەتەيىك, حالىقارالىق «بولاشاق» ستيپەندياسىنا قۇجاتتاردى قابىلداۋ 16 ناۋرىزدا باستالىپ, 16 قازاندا اياقتالادى. كونكۋرستىق ىرىكتەۋ 2026 جىلعى 13 ساۋىردەن 31 جەلتوقسانعا دەيىن وتەدى.