الماتى قالاسىندا ابدوللا روزىباكيەۆ كوشەسىن اقىن مۇحتار شاحانوۆتىڭ اتىنا وزگەرتۋ تۋرالى ۇسىنىس قوعامدا ءتۇرلى پىكىر تۋعىزدى. بۇل باستاماعا قارسى پىكىر بىلدىرگەن ازامات الەۋمەتتىك جەلىدە بەينەجازبا جاريالاپ, شاحانوۆتى «جەلتوقسان وقيعاسىنا قاتىستى ب ۇلىكشىلەردى جاقتاعان تۇلعا» دەپ سيپاتتاعان. ونىڭ ايتۋىنشا, ابدوللا روزىباكيەۆ – قازاقستاننىڭ دامۋىنا ەلەۋلى ۇلەس قوسقان تۇلعا, سوندىقتان كوشەنى باسقا ەسىممەن اتاۋ ورىنسىز شەشىم بولۋى مۇمكىن, دەپ حابارلايدى Egemen.kz.
اتالعان ۆيدەو الەۋمەتتىك جەلىدە تاراعاننان كەيىن ادۆوكات مەيىرمان شەكەەۆ بۇل پىكىردى سىنعا الىپ, قۇقىقتىق شارا قولداناتىنىن مالىمدەدى. ونىڭ ايتۋىنشا, ۇلتتىق قۇندىلىقتار مەن تاريحي تۇلعالاردىڭ ەسىمىن قورلاۋعا جول بەرىلمەۋى ءتيىس.
بۇعان دەيىن قوعام بەلسەندىلەرى كوشەگە مۇحتار شاحانوۆتىڭ ەسىمىن بەرۋ تۋرالى پەتيتسيا جاريالاعان بولاتىن. قازىرگى تاڭدا ونى شامامەن 10 مىڭعا جۋىق ادام قولداعان.
ايدا بالاەۆا مۇحتار شاحانوۆتىڭ نەگە ارىستان باب كەسەنەسىنە جەرلەنبەيتىنىن ءتۇسىندىردى
ايتا كەتەيىك, مۇحتار شاحانوۆ 84 جاسقا قاراعان شاعىندا 19 ءساۋىر كۇنى دۇنيەدەن ءوتتى. سوڭعى جىلدارى اقىن دەنساۋلىعىنا بايلانىستى بىرنەشە مارتە ەم قابىلداعان ەدى.