№119 ورتا مەكتەپتە «تازا قازاقستان» ەكولوگيالىق جوباسى اياسىندا «كەلەشەك باعى – مەكتەپ اۋلاسىن كوگالداندىرۋ» اتتى ءىس-شارا ۇيىمداستىرىلدى. شارا سەنبىلىك جانە اعاش وتىرعىزۋ فورماتىندا وتكىزىلىپ, وعان وقۋشىلار, پەداگوگتەر, اتا-انالار جانە اكەلەر كەڭەسىنىڭ مۇشەلەرى قاتىستى, دەپ حابارلايدى Egemen.kz.
اتالعان باستاما ەكولوگيالىق مادەنيەتتى قالىپتاستىرۋعا, وتباسىلىق قۇندىلىقتاردى نىعايتۋعا جانە تاربيەدەگى اكەنىڭ ءرولىن ارتتىرۋعا باعىتتالعان. نەگىزگى ماقسات – اكە مەن بالا اراسىنداعى بايلانىستى كۇشەيتىپ, جاس ۇرپاققا ەڭبەكقورلىق پەن جاۋاپكەرشىلىكتى, سونداي-اق تۋعان جەرگە جاناشىرلىق سەزىمىن ۇلگى ەتۋ.
سەنبىلىك بارىسىندا قاتىسۋشىلار 10 الما اعاشىن, 10 قاراقات كوشەتىن, 6 مامىرگۇل جانە 6 قاراعاي وتىرعىزدى. سونىمەن قاتار «تازا ولكە» باعىتى بويىنشا مەكتەپ اۋماعىن اباتتاندىرۋ, تازالاۋ جانە رەتكە كەلتىرۋ جۇمىستارى جۇرگىزىلدى.
«تازا قازاقستان»: الماتىدا 550-دەن استام ادام سەنبىلىككە شىقتى
ءىس-شارانىڭ ەرەكشەلىگى – اكەلەردىڭ بالالارىمەن بىرگە بىرلەسىپ ەڭبەك ەتۋى. مۇنداي فورمات وقۋشىلارعا ەكولوگيالىق تاربيە بەرىپ قانا قويماي, اتا-انانىڭ جەكە ۇلگىسى ارقىلى ەڭبەككە باۋلۋ, ۇجىمدىق جاۋاپكەرشىلىك پەن ءوزارا قولداۋدى قالىپتاستىرۋعا مۇمكىندىك بەرەدى. وتىرعىزىلعان اعاشتاردى كۇتىپ-باپتاۋ, سۋارۋ جانە ساقتاۋ جۇمىستارىنا دا ەرەكشە ءمان بەرىلەدى.
«تازا قازاقستان»: كەلەشەك مەكتەبىنىڭ وقۋشىلارى سەنبىلىككە قاتىستى