استانا قالاسىندا Instagram الەۋمەتتىك جەلىسى ارقىلى قوسىمشا تابىس تابۋ سىلتاۋىمەن 2000 دوللار كولەمىندەگى سىياقى ءۇشىن قىلمىس جاساۋعا كەلىسكەن ازاماتقا قاتىستى سوت ۇكىمى شىعارىلدى, دەپ حابارلايدى Egemen.kz.
تەرگەۋ ماتەريالدارىنا سايكەس, ەلوردا تۇرعىنى ءۇي ىشىندە ادامداردىڭ بولعانىنا قاراماستان, ءوز ارەكەتىنىڭ سالدارىن تولىق تۇسىنە وتىرىپ, الدىن الا دايىندالعان جانعىش قۇرىلعىلاردى تۇرعىن ۇيگە قاراي لاقتىرعان. بۇل ارەكەت ازاماتتاردىڭ ءومىرى مەن دەنساۋلىعىنا ناقتى قاۋىپ توندىرگەن.
سوت ونى بوتەننىڭ مۇلكىن قاساقانا جويۋعا وقتالعانى ءۇشىن كىنالى دەپ تانىدى. بۇعان دەيىنگى وتەلمەگەن سوتتىلىعىن ەسكەرە وتىرىپ, سوت تۇپكىلىكتى 3 جىل 6 اي مەرزىمگە باس بوستاندىعىنان ايىرۋ جازاسىن تاعايىندادى.
تۇركىستاندا كوپقاباتتى تۇرعىن ءۇي جانىنداعى دۇكەن ورتەندى
قالا پروكۋراتۋراسى الەۋمەتتىك جەلىلەر ارقىلى ۇسىنىلاتىن كۇماندى قوسىمشا تابىس تۇرىندەگى زاڭسىز ارەكەتتەرگە قاتىسۋ قىلمىستىق جاۋاپكەرشىلىككە اكەلەتىنىن ەسكەرتەدى. ۆەدومستۆو مۇنداي ۇسىنىستارعا كەلىسۋ تەك قۇقىقبۇزۋشىلىققا عانا ەمەس, وزگە ازاماتتاردىڭ ءومىرى مەن قاۋىپسىزدىگىنە دە تىكەلەي قاۋىپ توندىرەتىنىن اتاپ ءوتتى.