ەلىمىزدە 2023-2024 جىلدار ارالىعىندا وقۋدان شىعارىلعان تۇلعالارعا قايتا گرانت بەرىلىپ, 85 ميلليون تەڭگەدەن استام قارجى نەگىزسىز جۇمسالعان. بۇل تۋرالى ماجىلىستە قازاقستاننىڭ جوعارى اۋديتورلىق پالاتاسى جاريا ەتتى, دەپ حابارلايدى Egemen.kz.
ۆەدومستۆو مالىمەتىنشە, جوعارى ءبىلىم سالاسىندا بىرقاتار جۇيەلىك ماسەلەلەر بار. جوعارى اۋديتورلىق پالاتا مۇشەسى تىلەگەن قاسكيننىڭ ايتۋىنشا, سالادا تۇراقتى ءارى ستراتەگيالىق دامۋ لوگيكاسى قالىپتاسپاعان.
«2023-2024 جىلدارى مەملەكەتتىك تاپسىرىس قاراجاتىنىڭ تەك 40%-عا جۋىعى ورتالىق وپەراتور ارقىلى ءوتىپ, قالعان بولىگى بىرىڭعاي ەسەپ جۇيەسىنەن تىس بولىنگەن. جۇمىسپەن قامتۋ دەڭگەيى تومەن 67 جوعارى وقۋ ورنىنا 246 گرانت بولىنگەنى جانە بۇرىن وقۋدان شىعارىلعان تۇلعالارعا قايتا گرانت بەرۋ بويىنشا 85 ملن تەڭگەدەن استام سوماعا قاتىستى 33 جاعداي انىقتالعان», دەدى تىلەگەن قاسكين.
230 مىڭ دوللار جىمقىرعان بۋحگالتەر گرەكيادان ەكستراديتسيالاندى
جوعارى اۋديتورلىق پالاتا مۇشەسىنىڭ سوزىنشە, 2022-2024 جىلدار ارالىعىندا 24 مىڭعا جۋىق ستۋدەنت وقۋدان شىعارىلعان, ولاردىڭ وقۋىنا بيۋدجەتتەن 19,6 ملرد تەڭگە جۇمسالعان. سونىڭ 10 مىڭىنا قاتىستى قارجى تۋرالى تولىق مالىمەت جوق. سونىمەن قاتار ماگيستراتۋراعا قايتا ءتۇسۋ ارقىلى ەڭبەك وتەۋ مىندەتتەمەسىنەن جالتارۋ جاعدايلارى بايقالعان, بۇل باعىتتاعى ىقتيمال شىعىن 10,8 ملرد تەڭگەگە باعالانعان.
شقو-دا دارىگەرلەرگە نەگىزسىز قارجى تولەنگەن
اۋديت ناتيجەسىندە «بولاشاق» باعادارلامى بويىنشا 151 ستيپەنديا بەكىتىلگەن ليميتتەن تىس تاعايىندالعانى انىقتالعان.