پرەمەر-مينيستر ولجاس بەكتەنوۆتىڭ تاپسىرماسىنا سايكەس, الماتىدا الەۋمەتتىك ماڭىزى بار ازىق-ت ۇلىك تاۋارلارىنىڭ باعاسىن نەگىزسىز وسىرمەۋ ماقساتىندا اۋقىمدى تەكسەرىس جۇرگىزىلدى. قالانىڭ ەڭ ءىرى كوتەرمە بازارى سانالاتىن «بارىس-4» نىسانىنداعى مونيتورينگ بارىسىندا باعانى نەگىزسىز قۇبىلتىپ كەلگەن 9 دەلدال انىقتالدى, دەپ حابارلايدى Egemen.kz.
تەكسەرىس شارالارىنا ساۋدا جانە تۇتىنۋشىلاردىڭ قۇقىعىن قورعاۋ دەپارتامەنتى, مەملەكەتتىك كىرىستەر دەپارتامەنتى, ەكونوميكالىق تەرگەپ-تەكسەرۋ دەپارتامەنتى جانە اۋدان اكىمدىكتەرى جۇمىلدىرىلدى.
ورال بازارلارىندا كارتوپ باعاسى بىردەن 85 تەڭگەگە ارزاندادى
بىرلەسكەن توپ بازارداعى كوتەرمە ساۋدا تىزبەگىن مۇقيات تالداپ, تاۋاردىڭ وندىرۋشىدەن سورەگە جەتكەنگە دەيىنگى جولىن زەرتتەدى. ناتيجەسىندە باعانىڭ وسۋىنە تىكەلەي اسەر ەتكەن 9 ءتيىمسىز دەلدال انىقتالدى. قازىرگى ۋاقىتتا مەملەكەتتىك كىرىستەر دەپارتامەنتى بۇل كاسىپكەرلىك سۋبەكتىلەرىنە قاتىستى حرونومەتراجدىق تەكسەرۋلەر جۇرگىزىپ جاتىر.
تەكسەرىس كەزىندە ساۋداگەرلەر مەن بازار اكىمشىلىگىنە زاڭناما تالاپتارى قاتاڭ ەسكەرتىلدى. اسىرەسە:
الەۋمەتتىك تاۋارلارعا قوسىلاتىن ۇستەمە باعا 15%-دان اسپاۋى ءتيىس; باعا بەلگىلەرى (تسەننيكتەر) تۇتىنۋشىلارعا انىق كورىنەتىن جەردە تۇرۋى كەرەك.انىقتالعان دەلدالدار مەن زاڭ بۇزعان كاسىپكەرلەرگە قاتىستى ماتەريالدار وڭىرلىك كوميسسيانىڭ وتىرىسىنا جولداندى. بيلىك وكىلدەرى ازىق-ت ۇلىك باعاسىن باقىلاۋدا ۇستاۋ جۇمىستارى تۇراقتى تۇردە جۇرگىزىلەتىنىن مالىمدەدى.
15%-دىق مەجەدەن اسقان: ازىق-ت ۇلىك باعاسىن نەگىزسىز كوتەرگەن كاسىپكەرگە ايىپپۇل سالىندى